ليش مانشتكي على زيادة اسعار الجمارك وشركات الشحن

[MyLittleBerry]

بنات اذا كلنا نوصل صوتنا اكيد بيتحركون وبيوقفونهم عند حدهم

هذا فيسبوك حماية المستهلك

http://www.facebook.com/group.php?gid=318462852874


موقع حماية المستهلك

http://k-c-p-a.blogspot.com/

ايميلهم

​

[email protected]


يالله بنات نبي مشاركاتكم

ياليت الموضوع ماينحذف لان حق مصلحتنا

 

[المطيريه]

لو نبي نشتكي راح نشتكي على اغلبية التجااااااااااااااار


صراحه اسعااار الكل خباااااال ولاااه الحين وقبل العيد مستخفين مستخفين

من صجهم والله انصعقت باسعار كل شي

 

[el7ob Klah]

ياليييييييييييييت

بس للاسف غاسله ايدي من الناس

اغلبهم يتحلطمون بس ما يساهمون بالشكاوي والانقطاع

مشكوره وانا اول وحده بدخل بالموقع

 

[^^ROSE^^]

حبيبتي ارتفاع اسعار الرسوم صار بضغط من بعض التجار اللي تضرروا من سهولة الطلبات
يبون يبيعون علينا بالسعر اللي يبونه ومايبونا نطلب من بره فصار ضغط عالجمارك عشان تزيد الرسوم

 

[Mrs_Orchidia]

يستاهلون من يشتكي عليهم
الصراحة مو بس الاسعار! حتى التأخير باستلام الشحنات

ياما مواقع دزيت لهم مسجات ازفهم و اقول وين الاوردر يقولون وصل عقب يوم واحد من دزيتي الفلوس!!!
و انا ناطرة اسبوعين و يطلع عندهم لايدقون و لا شي
اخرتها ياخذون مني غرامة مبلغ و قدره
يعني احنا ندفع بسبب اهمالهم و فشلهم
هذا غير القصص اللي يسوونها بسبب اوردرات الميك اب
يخلون الواحد يكره عيشته استغفرالله

 

[Mrs_Orchidia]

دشيت و كتبت و سويت لايك على جم وحدة ماشاءالله كلامهم حلو و عين العقل!

 

[مطيريه ^ ماركه]

اي والله اهو لو على زيادة الفلوس تهون
بس تأخير واذا طلبنا على عنوان البيت نحط ايدنا على قلبنا
واحتمال ماتوصل الشحنة عندي طلبيتين لي الحين ماوصلو من شهر 7
لافي موقع نشوف ولاشي وزير المواصلات مادري شنو يسوي
بدال مايحط اوسس ونظم الواحد يقدر يتبع شحنة على بريد الكويت
لا بريد الكويت نهيبة اغلبة بايقينة الهنود
موضوع حلو ياليت نلقى حل

 

[اطياب طيبه.أم عبدالله]

انا عن نفسي يا ام جراح فاقده الامل

المشكله من جمارك المطار والارامكس مع بعض

ما نقول الا

حسبنا الله ونعم الوكيل

 

[dimple]

ايه و الله .. الاسعار شابة نار على شي ما يسوى
شنسوي نضطر نطلب لانه سووق هني يلوع الجبد و ستوكات
و كلكشين قديم

 

[MyLittleBerry]

upp