ليش ما تبين احد يعرف نكج؟

[MANGO]

وناسه معناته ان كويتيات صج للكل الكويتيات

انا رفيجاتي واهلي كلهم يعرفون نكي عادي

مشكورة حبوبة على المرور

 

[Anastasia]

انا سالت سؤال ماله داعي هلاسلوب, النك مو شرط يكون اسمج من بنتة عادي خو اي نك
عموما مشكورة وايد على المرور

هههه .. ياعمري .. انا ماكملت الرد .. طق انتر وانرسل بروحه ردي اقري ردي وردي عليه

 

[أم أنور]

والله انا وايد ناس اتعرف نكي لأنه ماعندي شي بالأساس أخشه

 

[بنفسجية]

اكيد من باب الخصوصية
لان لو الوحدة تبي الناس يعرفونها
تقدر تحط النك نيم باسمها
فلانة الفلانية
و خلاص ..

 

[وجدان الكويت]

انا اشوفها حرية شخصية

انا عن نفسي ماحب احد يعرف نك نيمي ابي اخذ راحتي بالردود والمواضيع وخاصة بالحياة الزوجية

 

[أميره بلا قصور]

من باب الخصووصيه

حتى انتي لو احد يسألج مااودج تقوولين...

لان في نااس ملااقيف...لو تقولين لهم...راحوو ينبشوون مواضيعج ومشاركااتج..تطفل او فضول او سميه اللي تسمينه..وهالشي كلنااا مانحبه..

 

[دنيا رديه]

اكثر البنات مايحبون احد يعرف نكهم وانا منهم ماحب احد يتطمش علي بالردود من من طقت من زود المياانه

 

[( درّه )]

أشوية خصوصية ..

بسسس

مشكورة حبوبة ..

 

[روح الدنيا]

انا ما أحب اقوله ..

و مع ذلك يدروون عنه ..

 

[Ya7aLaTi]

يمكن يكون خصوصية

بس أنا عادي عندي خل يعرفون يعني شنو بيصير ؟

 

[Eng.shosha]

يمكن عشان تتكلم على راحتها ما تبي أحد
يشوف المواضيع اللي تكتبها أو مشاكلها ..

عادي وايد تصير

 

[حلاها بلاها]

منعا لللقــــــــافه و رزة الفيس مثل ما يقولون..

على فكره .. تبون اتعرفون منو تتليقف عليكم ؟؟

روحوا فوق فووووووق عند لوحة التحكم بعدين اختاروا من القائمة اللي عاليمين اول خيار " مشاهدة ملفي الشخصي "

راح تتبطل صفحة ثانيه .. روحوا عاليسار عند " آخر الزوار " مكتوب منو الي قاعده اتراقبج " و جم العدد:68_asmilies-com::050103nbh_prv:

 

['Basma']

حرية شخصية

 

[الحزن عنواني]

ماأدري كيفهم

حريه شخصيه مايبون أحد يعرفهم مافيها شي

 

[ابتسامي دمع]

بعد هني عندنا بالكويت الاطنازه شغاله عسى ما نزلتي موضوع ثقافي قالو عشتووووووو من زود الثقافه يعني ويمسكونها عليج وتشتغل النغزات و التمصخر جدام اللي يسوى واللي مايسوي

 

[toofee]

احلى شي الخصووصيه...

 

[برنسيسة زمااني]

مو كل شي الناس تعرفهنتي

ساعات النت و المنتدى يصير مكان فضفضه عن شي بخاطرج او ببالج

فانتي اذا خليني الناس تعرف اسمج راح تقيدين حريتج من الكلام و المشاركه بمواضيع او طرح قصص ومواعظ عن ناس تعرفينهم

فليش اضغط على نفسي وانشر اسمي بكل مكان موكافي مجاملات بالواقع هم مجاملات بالنت

 

[^SwEeTa^]

انا مروا علي ناس من هالنوع

ما يقولون لج نكاتهم .. و اذا توهقت تروح تسجل باسم ثاني عشان ترد على واحد من مواضيعج .. عشان ما تعرفين نكها الصجي ههههه

شنو يعني؟؟ مردج تنعرفين .. ما تسوى عليج .. و اذا طحتي عليها بالصدفة تعالي عاد شوفي الجذب و التصنع بالمنتدى .. تشكين بنفسج .. تسوي نفسها ملاااااااااااك .. و جمييييييلااااااااااه .. و ذررررربه .. و بنت الهاي كلاس .. و هي وعليه عليها .. الله يستر عليهم بس

انا وحده ما يهمني اعرف نكات الناس .. بس لا تجذبون و تعطونا نكات ثانية .. قولوا ما نبي احد يعرف و خلاص .. الواحد يحترم خصوصية غيرة!! بس ليش الضحك على العقول؟؟

عن نفسي .. كل الناس اللي اعرفهم يعرفون نك نيمي .. كل اهلي حريم و رياييل .. و كل زميلاتي بالعمل و الجامعة و صديقاتي و صديقات اختي و ساعات ناس يعرفون شكلي و نكي و ما يعرفون اسمي الصجي ههههههههههه عادي مفييييش مشاكل!!

مو قاعدة ابوق او أجذب و لا قاعدة أتجمل جدام احد و عايشة الدور مثل البعض !! الحمدلله الثقة بالنفس و القناعة بالذات نعمة من رب العالمين

مشكورة حبوبة على الموضوع الحلو

 

[نوارر]

صح كلام البنات علشان الخصوصية

 

[مسك وورد]

اتوقع انه من باب الخصوصية بس
لن احيانا فيه مواضيع تخصني او شغله مضايقتني وما ابي
احد يدري عنها
فأكتبها عشان افضفض