ليش ندرس مادة الاجتماعيات

[jen2n]

السلام عليكم

اذبحووووني بنات عاشر اليوم :eh_s(14):

دروسنا حاليا عن الكيان الصهيوني في فلسطين

والبنات احنا شكو فيهم ليش ندرسهم عنهم ما نبي ندرس الا عن الكويت

وبعدين مو كافي اوقفوا ضدنا واااي واااي تقولين حريم مو بنات

والحين قامو يقولون ليش ندرس الاجتماعيات !!!!:rgewrg: يعني ندرسه اهني واول ما يخلص الامتحان ننساه !!!

ما ادري شنو اقول لهم

 

[PuPa^^SWeeT]

باغلب المواد جذي


ماعندهم مادة تستدعي الدراسة



قوليلهم الاجتماعيات هي مادة سياسية اجتماعية


مادة تدخل بنطاق الثقافة


اكثر منه نطاق التعليم



يعني اللي تستوعب وياج


تكون نبيهة اجتماعيا


ووظيفيا


وماديا و سياسيا

 

[أم جوري]

قولي لهم

لو تروحون اي بلد راح تلقينهم عندهم خلفية عن اهم احداث العالم

ليش ندرس قضية فلسطين مثلا ً


فلسطين ليست قضية الفلسطينيين اللي يعتقد البعض انهم وقفوا مع صدام فليس الكل فعل هذا

نرجع للقضية ههه

القضية هذي هي قضية كل عربي وكل مسلم

يمكن لانهم ما عرفوا تاريخ ما قبل الاحتلال الصهبوني

يعني ما عرفوا تاريخ الفتوحات والامجاد العربي في عصر الخلافة الاسلامية وشلون كنا ملوك الارض

عطيهم نبذه ولو بسيطة

قولي لهم لما نعرف تاريخنا راح نبني مستقبلنا
فمن لا ماضي له لا حاضر ولا مستقبل

والكويت جزء مهم في الوطن العربي والاسلامي ولازم حتى كمعلومات عامة تعرفون عالاقل شنو هو تاريخ الدول اللي حوالينا ...

وانصحج تنصحين بناتج يتابعون ولو نشرة وحدة من نشرات الاخبار علشان يفهمون شنو اللي قاعد يصير الحين حواليهم

لان للاسف اكتشفت مو بس البنات حتى الكبار للاسف ما يدرون شنو قاعد يصير حواليهم ولا فاهمين الاحداث المهمة والخطيرة في الوقت الراهن ...

 

[مياوي ديسمبر]

انا ابله اجتماعيات
الاجتماعيات عبارة عن عدة تخصصات في مادة وحده

فيها جغرافيا و تاريخ و علم اجتماع و علم السكان

و اذا بتسمعين البنات على طول مالهم خلق الدراسه بس الصج ينقال التاريخ جامد و مو حلو ان يتدرس بالطريقه العاديه يكون احلى لو يدرسونه على شكل افلام وثائقيه تكون جذابه اكثر للبنات عن الكلام السردي لان نادر ما تلقين احد يشرح التاريخ بشكل ملفت و يجذب الطلبه

 

[jen2n]

انا مو مدرسة تاريخ انا تخصصي فلسفة بس ادرس مادة الوطن العربي

وعيزت وانا اتكلم معاهم عن اهمية المادة بس يمكن لان ميول البنات علمي عشان جذي

 

[قصْر شآمخ~]

ويييييييييييييي الله يعينج ويصبرج
شي يرفع الضغط

بس نقديهم على نفسهم وعلميهم شنو معنى الثقافة
الثقافة معرفة شيء عن كل شيء

والشخص بوقتنا الحالي جداً جداً جداً مهم إنه يكون مثقف
محد صار يحب ويهتم بالناس التافهة اللي كل سوالفها ضحك وطنازة يخلونها أراقوز لفترة وبعدين يقطونها

والبنت المثقفة والواعية الكل يحبها ويحترمها ويحب يستفيد منها

 

[Misq8]

اهووه علي شخصية المعلم والمعلمه وانتي وشطارتج اتحببيهم فيها بس شكله امكره الطلبه بالماادة هههههههههههه ﻻ اضحك معاج حاولي تقنعينهم

 

[ناتشوو]

اشلون نعيش بس همنا اكلنا وشربنا
ماندري عن الاحداث حوالينا
والاحداث حوالينا مابدت الحين
لا هذي نتيجة
احداث وحروب ومعاهدات
وتاريخ سياسي طويييل
وامة بلا تاريخ بلا مستقبل
واحسن شي وسعي من ثقافتج العامة بالموصوع
اللي بتشرحينه
احداث ماانذكرت بالكتاب
اسرديها ع شكل قصة
جد قمة الاستمتاع
يعني عن رؤساء الدول
اشياء صارت بالاحتماع
ابحثى بالكتب والمراجع

 

[jen2n]

والله غلط ادرس وطن واهوا مو اختصاصي

والحمدالله ان منهج عاشر بيغيرونه

لان اكتشفوا ان غلط ومو مناسب مع قدرات الطالب

شكرا بنات عالنصيحة

 

[مارلينq8]

امممممممم مادري شقولج بس مادة الاجتماعيات حلوة بالمتوسط بس بالأبتدائي مادري شلون

 

[فـــخـــر]

* مفروض تفهمينهم ان قضية فلسطين مو خاصة بالفلسطينيين بس

انصدمت من رايهم حتى لو "البعض " وقف ضد الكويت رايهم بفلسطين

اللي فيها أولى القبلتين المفروض مايكون جذي : (


- والمادة مهمه التاريخ يعيد نفسه و3 ارباع اللي قاعد يصير يفسره التاريخ

والجغرافيا بعد زيادة وعي بالبيئة وعلاقة الانسان بالارض و الكون وكل شي مرتبط

ببعضه , الاجتماعيات توسع مداركهم و توضح لهم شقاعد يصير حولهم وشنو دورهم ..

< زعلت تخصصي اجتماعيات

 

[jen2n]

بصراحة فخر ما عاد في شي اسمه وطن عربي دام العرب مو متحدين فلازم هالمادة تنلغي لان قاعدين نقص على نفسنا ونقص على الطالبات فأحسن شي يسونه يحطون مادة تاريخ الكويت على الاقتراح اللي قالوه الموجهين وغير جذي تخصصي فلسفة شكو بالوطن ما ادري !