ليش نلجأ للمنتديات السعوديه ؟ وابناء ديرتنا موجودين بكل مكان ؟؟

[0(مـــســـ(مطير)ــــــك)0]

السلام عليكم ورحمة الله وبركاته


الموضوع واضح ..

لي 7 شهور وانا من منتدى لي منتدى بحدد مستقبلي ضاااااااايعه وراح الوقت وانا ليلحين ضايعه

امشي واستفسر في المنتديات ومالقى الرد الا في المنتديات السعوديه ؟؟ ليش جذي بنات ؟

انا مستلمه قسم الطالبات كل ماشفت استفسار رديت ذيلا بنات ديرتي .. ومروا بمرحله انا مريت فيها فليش نبخل ونتكاسل بالمعلومات عايهم

انا مفروض شهر 7 في بريطانيا وضاااايعه ليلحين

والمنتديات السعوديه ماقصروا لكن بنات ديرتي ويييين عندهم معلومات الدقيقه اكثر ؟


واسفه اذا ضايقت احد .. لكن راح الوقت وانا ماستفدت ولا شي :lkmnkl:

ومشكوووورين

 

[o_mermaid_o]

انا بامريكا ما اقدر افيدج بشي

 

[البدر خ]

أمري يابنت مطير أنا ببريطانيا في الشمال شنو بغيتي حاضرين؟
وكل اللي كنت أبيه حصلته بالمنتديات السعوديه والله ماقصروا.

 

[0(مـــســـ(مطير)ــــــك)0]

مشكورين خواتي

البدرخ .. مايمر عليج عدو وصاجه السعوديين ماقصروا لي معاهم 7 شهور بس في مواضيع خاصه بوزارة التربيه او الجامعه مايقدرون يفيدونا فيها

عالعموم ارسلتلج خاص جيكي .

 

[{الجارحه}]

يامطيريه حطي موضوعج في قسم الاخبار والمواضيع العامه واطلبي من المشرفات ماينقلونه

 

[روز نجد]

السعوديات والكويتيات واحد قلبي ومعروفين اهل السعوديه اهل فزعه وهذا من طيبج هالكلام

بس شفيها اذا مالقيتي الرد الا في المنتديات السعوديه؟؟؟؟

امشي واستفسر في المنتديات ومالقى الرد الا في المنتديات السعوديه ؟؟ ليش جذي بنات ؟




كلنا واحد حبيبتي

 

[om_7amny 85]

يعنى شنو بالضبط ؟؟؟؟؟
شنو هذا الشى ألى تتكلمين عنه ؟؟؟
مانى فاهمه موضوعج ؟
شتقصدين و شنو الشى ألى ما تلقينا الا بالمنتديات السعوديه ؟؟؟؟؟

 

[ركااز81]

صح انا مجربه من عن الرد احس انهم يرودن بضمير ويقولون كل اللي عندهم اما اللي هني احس بس همهم يبيعون عليج

 

[G.U.C.C.I]

لا والله اختي غلطانه
روحي شوفي قسم الطلبات و الطاالبات شوفي اذا وحده طلبت شي تشوفين مليون بنت تساعدها والله مايقصرون
عادي توصل 20 صفحه p;

موفقه

 

[أم حمد =)]

ان شالله تجصلين الي تبينه

 

[ملواكي]

شنو موضوعج خل نفهم عشان انساعدج

 

[فلونة احلى وردة]

فعلا السعوديين منتدياتهم بمجال التعليم برة مفيييييييييييييييييييييييييدة
ويفيدون وااااااااااااايد
يمكن من قلة الاماكن والطلعات مجابلين النت عدل
الله يقويهم ويفيد الناس فيهم

 

[مولــي]

يمكن من قلة الاماكن والطلعات مجابلين النت عدل
الله يقويهم ويفيد الناس فيهم

مو المساله مساله من قله الطلعه هم حالهم حالك عندهم مسوليات
بس كذا من ربي السعوديات خدومات فديتك
واذا عندك زود لاتقصري وفيدي البنت

 

[0(مـــســـ(مطير)ــــــك)0]

مشكورين بنات عالرد الاخت البدرخ ماقصرت ..

بس الموضوع انا دايما نسأبل الكويتين المبتعثين للخارج ومانحصل الرد منهم الصفحات فاضيه والمنتديات خاليه وكذا بنت سألت بهالقسم وماحصلت رد وانا منهم

ولما نلجأ لمنتديات سعوديه يجاوبون علينا بأدق التفاصيل

ردا عالاخت روز نجد .. ادري حبيبتي كلنا واحد .. والكويتين والسعوديين نفس الشي وانتم بمنتدياتنا واحنا بمنتدياتكم .. لكن مثلا شروط الابتعاث بجامعه الكويت .. هل في طالب سعودي بيفيدني فيها هذا مثلا او شلون المكتب الثقافي في فرنسا او بريطانيا .. وحاجات الاقسام وغيره اشياء دقيقه مايفيدج فيها الا الكويتي صاحب الخبره ..


حبيبتي g.u.c.c.i انا عارفه ان قسم الطالبات مايقصرون وانا كاتبه بالموضوع اني مستلمه قسم الطالبات كوني مريت بهالمرحله واغلب اسئلة البنات اللي اعرفها اجاوب عليها اجابه دقيقه وماخليها تحتار وحتى لو كانت تسولف مجرد سالفه وكتبت انها مسجله عند دكتور الفلاني وانا اعرف انه بخيل بالدرجات او متشدد او امتحاناته تعجيزيه اقولها واعطيها غيره واوصف طريقتهم .. انا ماتمنن على احد بس كلنا مرينا بهالمرحله فماله داعي الانانيه نخلي غيرنا يستفيدون .. هذا قصدي ..

مولي .. مشكوره حبيبتي وكل واحد عنده معلومه مايبخل فيها سواء كويتي او سعودي .. بس السعوديين ماشاء الله واجد والمنتديات الخاصه بالمبتعث واجد .. بس احنا عدد المنتديات العاااااامه اللي فيها قسم للابتعاث او التعليم تنعد بالاصابع والاعضاء مايتعدون ال10

عالعموم اشكرج مره 2

والموضوع قديم .. فماله داعي الرد بنات .. طارت الطيور بارزاقها !

 

[دلوعة أبوهآ]

يمكن من قلة الاماكن والطلعات مجابلين النت عدل
الله يقويهم ويفيد الناس فيهم

السعوديين يساعدواغيرهم مو لـ قلة الاماكن ..
ماتوقع فيه اماكن وطلعات اكثر من اللي موجوده في السعوديه ..

بس هذا دليل حبهم للخير وطيبتهم
ويحبون مساعدة الناس وخدمتهم : )

حتى الشي الزين تفسروونه بتفسير شين
سبحانك يـارب

الكمال لله بس ..​

 

[دااانوه]

فعلا السعوديين منتدياتهم بمجال التعليم برة مفيييييييييييييييييييييييييدة
ويفيدون وااااااااااااايد
يمكن من قلة الاماكن والطلعات مجابلين النت عدل
الله يقويهم ويفيد الناس فيهم

شدعووووه حبيبتي .!!

لا تحسسيني أننا عايشين في بر مافيه شيء


استغفر الله العظيم

:rgewrg:

 

[chanel N22]

الله يوفقج
شوفي الموقع هذا www.mostajed.com
ان شاء الله يفيدج بس ابي منج دعاء لي اني أحمل حمل سليم والله يرزقني ذرية صالحة

 

[0(مـــســـ(مطير)ــــــك)0]

أتعبني غروري!!!

الله يرزقج ان شاء الله حمل سريع وسليم ويرزقج الذريه الصالحه وان شاء الله ماتنتهي هالسنه الا وولدج بحظنج ان شاء الله ..

 

[روز نجد]

فعلا السعوديين منتدياتهم بمجال التعليم برة مفيييييييييييييييييييييييييدة
ويفيدون وااااااااااااايد
يمكن من قلة الاماكن والطلعات مجابلين النت عدل
الله يقويهم ويفيد الناس فيهم

ياشين اللي يدس السم في العسل ؟؟؟؟

ياكثر اللي يرد مثل ردك يمدح وبعدين في الاخير يخربها

بس قالها الرسول صلى الله عليها وسلم اذا لم تستحي فاصنع ماشئت

ماراح اقولك احنا نطلع وشنو عندنا من اماكن لان الكويت والسعوديه والخليج كلها واحد وجونا واحد واغلب الكويتيين عندنا في الاجازات ماعمري طلعت الا والقى سيارات مو سياره من الكويت وباقي الدول الخليجيه!!

بس حبيت اوضح لك اني ماعمري شبكت في المنتدى الا والقى اغلب ان ماصار كل العضوات الكويتيات شابكين والضوء اللي تحت النك اخضر واولهم انتي نكك مولع اخضر الحين ؟؟؟ اجل بقول ماتطلعين ولا عندكم اماكن عشان كذا مقابله النت ؟؟؟
بس انا تفكيري اكبر من كذا وعمره مايكون سطحي ؟

حبيبتي الموضوع ومافيه ان السعوديين اهل فزعه بس هذا هو بس انتي ثقيله عليك الكلمه هذي فماتقدرين تنطقين فيها عادي حبوبه الاعتراف بالحق فضيله وهذي مسك مطير واكثر من وحده ذكرت هالشي بروح رياضيه وهم كويتيات ؟؟

اختي مسك مطير الله يوفقك يااااارب ويسهل امرك يارب على كل كلمه ذوق قلتيها وفعلا اعجز عن شكرك على صدقك وكلامك الراقي وياليت الناس مثل اخلاقك وياليت بعض الناس تتعلم منك ​

 

[ღ°° دلوعـ دنيتي ـة °°ღ]

فعلا السعوديين منتدياتهم بمجال التعليم برة مفيييييييييييييييييييييييييدة
ويفيدون وااااااااااااايد
يمكن من قلة الاماكن والطلعات مجابلين النت عدل
الله يقويهم ويفيد الناس فيهم

كفو بنات السعوديه بردودكم

وبنات سعوديه راعيات فزعات وهذا ماتعلمناها

لفتح يدينا لأهلنا أهل الكويت الي هي ديرتي الثانيه

والخليج عامه