ليش نلجأ للمنتديات السعوديه ؟ وابناء ديرتنا موجودين بكل مكان ؟؟

[بطه فيها نطه]

اختي في مواقع كثيره ممكن تستفيدين منها ...

مستجد وهذا موقع كويتي لاحد القوائم الطلابيه ... وعندك موقع اتحاد طلبة الكويت ببريطانيا

والمنتدى الخاص بالطلبه ..

وعندك موقع التعليم العالي ... كلها مواقع كويتيه ممكن تجاوب عن استفساراتك

 

[توتاتوتا]

حبيبتي انتي تستفسرين عن بريطانيا و السعوديات افادوك بذا الموضوع لان من 2005 عندنا بعثات اولاد و بنات لكل دول العالم و يروح سنويا بالالاف و كل بيت صار فيه مبتعثين للخارج بيتنا مثلا 4 و جيرانا كلهم عيالهم بالخارج فطبيعي معلوماتهم اكثر


انتي اذا عندش استفسار اكتبيه في قسم المغتربات

بالتوفيق

 

[الحلا توته]

بالتووووووفيق يا بنت العم بس ما عندي خلفيه ولا كان ساعدتك

 

[فطووومة]

عادي اختي لا تكبرين الموضوع البلدين اخوان مافي فرق

بس لان السعودية اكبر وفيها اعداد اكبر من الكويتيين في الخارج

وبعدي جان راجعتي الوزارة والاماكن المسؤولة عن التعليم في الخارج وريحتي نفسج من ازعاج السؤال

 

[ملآك آلسعوديه]

فعلا السعوديين منتدياتهم بمجال التعليم برة مفيييييييييييييييييييييييييدة
ويفيدون وااااااااااااايد
يمكن من قلة الاماكن والطلعات مجابلين النت عدل
الله يقويهم ويفيد الناس فيهم

لايكون انتي موجوده في السعوديه تشوفينهاو تعرفين حنا مانطلع ولا شي ودااايم على النت ..
اول مره اششوف وحده تمدح وبعدييين تذم ...
ومعروف حنا حقين فزعااات ..
اقول افيدي اختك الكويتيه بسسسس ..

 

[0(مـــســـ(مطير)ــــــك)0]

استغفر الله بنات قلبتوا الموضوع ..!

صج كل وحده تفهم بالطريقه اللي هي تبيها !

اولا الموضوع قديم خلاص ..

وبعدين خواتي السعوديات

انا متضايقه لاني اسأل بالمنتديات السعوديه .. وما يجاوبونج كثر مايهينونج ويتمننون عليج .. واقسم بالله

كثير من المواضيع اللي ينزلونها يشتمون فيها الكويت خاصه بعد العريفي وصرنا يهود وهم المسلمين بس ! هذا غير اليوتيوبات !

وهذا اللي كان يضايقني بكل صراحه مو (التفاصيل الخاصه بالسفر وشورط جامعة الكويت ) بس ماحبيت اكتب هالشي بالموضوع حتى

مايتضايق احد .. ومع هذا البلدين كبلد واحد ومافي فرق بينا

والمنتديات الكويتيه قليله لان عددنا الكويتين قليييل فمابالج بالمبتعثيين .. وكلام الاخت اللي تقول لان السعوديين فاضين فيه نوع من الصحه

اغلب المنتديات والفيديوات وقصص التلفون تلقينها سعوديه وتلقينهم شابكين 24 ساعه .. لان عدد البطاله كبير نوعا ما

فرجاء لاحد يتفلسف على ال2

واكون شاكرتلكم ورجاء لاحد يزعل ..

وهذا عالسريع طالب كويتي .. تواصل مع طالب سعودي ليييييييييييييين وصله لبريطانيا .. فمحد احسن من احد !!

من ضمن التقرير . اسئلة الطلبه

http://travel.maktoob.com/vb/travel151202/

 

[So Elegant]

عمركم يالكويتين والسعوديين ما توافقون على انه اغلبكم عيال عم

انا كويتيه عايشه بالسعوديه ومسنتره بالمنتديات السعوديه كنت اسأل عن الجامعات و الابتعاث

وربي ولا مره احد رد علي سب الكويت بالعكس يعطوني معلومات وافيه ومايقصروووووووووون يخدمونج من قلب

وماكنت برد لين قريت اخر رد استفزني شوي من صاحبه الموضوع للأسف

واذا على البطاله وفاضيين لدرجه انهم يردون على استفسار ناس مثلج صارت الفزعه سبب ينذمون عشانه ؟؟

وسالفه قصص التلفون اذا الواحد اجتهد وأبدع في مجال صار فاضي ؟؟

سبحان الله .. على الاقل كلمة طيبه كانت بتغلق الموضوع

السالفه ان الكويت اصغر من الرياض ؟؟ وطبيعي جدا شعبها أقل ياحلوه ... يعني السعوديه عندهم كثافه سكانيه أكثر من الكويت

فـ طبيعي جدآ تكون المنتديات السعوديه والاعضاء اغلب من الكويت ..

والغريب ان الشعب الامارتي والقطري ما أدرج تحت قائمه الفاضيين والبطاله رغم تواجده بكثره واسألي العم قوقل

انا متأكده ان في كذا واحد " سعودي فاضي وماعنده شغل " رد وساعدج بخصوص البعثه .. وهذا ردج وموقفج على اللي ساعدوج وردوا عليج ؟

فاضين وبطاله ؟؟

 

[هاردلك ياحظي]

اهليين مسك ان شاءالله البنات بيفيدوونج يالغلاااا ..

 

[om...al3ess]

حبيبتي انتي الحين كااتبة المووضوع ومتعبة روحج عشان البنات يتهااوشون خلاص السعوديات ما قصروا بعد بغيتي شي ....؟؟؟شنو موضووعج عتب ولا زعل ولا شنو ببالضبط

 

[حامده ربها]

مسك مطير الموضوع احسج مكبره السالفه وخليتي فيها سوء نية وحسن نية ومحد يعلم النيات الا الله سبحانه بغيت اقولج لج كلمه تقرقع بقلبي انتي ساكنه في الكويت والا في ديار مطير الله يعز الكويت اللي معيشتنا احلى عيشه

 

[حامده ربها]

مسك مطير احسج مكبره السالفه وخليتي فيها سوء نية وحسن نية ومحد يعلم النيات الا الله سبحانه بغيت اقولج لج كلمه تقرقع بقلبي انتي ساكنه في الكويت والا في ديار مطير الله يعز الكويت اللي معيشتنا احلى عيشه

 

[0(مـــســـ(مطير)ــــــك)0]

حبااايبي الموضوع قديييييييييييييييييييييييييم ... صارله 3 شهور وعن الفلسفه الزايده اللي مالها داعي

انا كتبت في بداية الموضوع ان السعوديين ماقصروا ... لكن هذا مايعني ان تجي سعوديه وتنتقص من الكويتين ...

وان السعوديين راعين فزعات .. والكويتين بلوشي ..!

ونعم بالسعوديين ونعم بالكويتين .. وكلنا واحد وكلنا عيال عم .. وكل بيت بالسعوديه لهم بيت بالكويت خلاص جذي !!


So Elegant

حبيبتي شحقه رافعه موضوع صارله 3 شهور فماله داعي تحرثين بالقديم !

و اذا كنتي كويتيه فعلا ... ماتوقع ترضين بتلميحات تنتقص من حق الكويتين .. اما ان السعوديين نسبة

البطاله عندهم عاليه .. فيتفننون بالنت وغيره .. هذا واقع ... ومافيها اهانه .. اغلب البرامج تكون من شباب سعودي او مصري .. وين الاهانه .. هذي حقيقه وارجعي لاحصائيات البلد اللي انتي عايشه فيه !! وشوفي نسبة البطاله فيها


وبعدين عن سالفة فاضي ومتفرغ ... انا ماقلت ان اللي ساعدوني متفرغين وفاضين .. اقري بداية الموضوع .. انا قلت السعوديين ماقصروا فعلا .. لكن الموضوع عتب للكويتيات بهالمنتدى اللي يحتفظون بالمعلومه ..


om...al3ess
صباح الخير بالليل .. اختي الموضوع كان عتب عالكويتيات وشكر للسعوديين منزل من 3 شهور .. لكن البنات تحرشوا فبعض وانا اظل كويتيه ومارضى على ديرتي ..

اما عن الطلبه الكويتيين .. واستفساراتهم ..الحمدلله افتتحنا موقع خاص فينا .. وتيسرت امورنا .. وسوينا موقع كويتي 100% يلجأله الطلبه ولامنة احد ..


حامده ربها ...

لامكبره الموضوع ولاهم يحزنون .. انا قايله من 3 شهور الموضوع تقفل لاحد يرد .. لكن العتب على اللي يرفع القديم ..

اما السؤال اللي يقرقع بقلبج راح ارد عليج احتراما لج رغم تفاهة السؤال

انا ساكنة في ديار مطير ..