ليش هالنصب والجذب ليش ليش؟

[كتكوته نورة]

الله يعوضج خير حبيبتي

 

[لورا آشلي]

الله يعوضج

الغلط منج التجاره مافيها عواطف ياختي ... ماكان المفروض تطلبين لها الطلبيه الا لمه تدفع نص العربون

بس شتقولييييين لابد ماتطلع لج عاهه مثلها

 

[الصبر مفتاح]

الله يعوضج

 

[رويلتي]

السلام عليكم ورحمة الله

الله يعينج

 

[Om_Bader]

الله يعوضج

 

[ديمــــــــــه]

الله يعوضك عنها خير واعتبريها زكاه عنتس وعن عيالتس
ودرس لك خلاص ماتطلبين اي طلب الا ذا اكتملت الشروط بينكم
موفقه

 

[كويتيه فزاعه]

الله يعوضج خير

 

[بيرلا ستور]

الله يعوضج حبيبتي

انا اخذت نصف العربون مرة من وحدة وقلتلها ما ينرد ووريتها صور واكدت طلبها وبس وصل الطلب الها ماعجبها واتصلت تزف فيني قلتلها شنو تبين وطي صوتج انصدمت مع اني ماارد على مكالمات بس رديت حتى اشوف حجتها قالت ابي العربون والله رديت العربون هي انصدمت من اسلوبي قلت لها عربونج الحين تاخذين انا اللي ما ابي ابيع وحده حطيت فيها الثقة قالت شكرا قلت عفوا
وسكرت

وطبعا مارضت تدفع للمندوب قلها انا شذنبي قالت رح خذ منها !!!!!!!!!!!!!! واي

والله ودفعت وقلت حسبي الله

بعد اسبوع جاني طلب عنفس البضاعه وزبونة زي العسل ودفعت للمندوب غير سعري

يعني في الخايس وفي الزين

وهذة التجارة نبي نتحمل ربي يعوضج اليوم قبل باجر

تقبلي مروري

 

[عادت ذكرياتي]

الله يعوضج خير

 

[:: Diva ::]

قبل خسرت من سالفه عدم أخذ العربون 400 دينار
و تعلمت بعدين ما اطلب لين استلم لان اساسا شغلي شغل وقت فراغ لين الحمدالله مو لاقيه وقت لاي شي و وقفت



الاخت هذي
كتبي بياناتها بالبلاك لست مالت التاجرات لو تموت لا تبيعون عليها اي شي
و اعتبري فلوسج دفعة بلا

حاولي تسوقينهم مفرق ..
ما يصير ؟

 

[غير كل الناس]

وسعي صدرج

انشالله احد يشتريهم لاتحاتين

 

[Queenleo]

حسبي الله ونعم الوكيل فيها وبريلها وواختها

ومافيها شيء تشتكين على الريال دام سبج

وماله علاقه انج بنت اصول ماشتكين

هذا قاانون ووكل واحد يقدر يلجأ له مو عيب ولا حرام

مادري شلون طاوعج قلبج تخلينه يسبج ووماوقفتيه عند حده

 

[ام محمد999]

الله يعووضج يارب

 

[AL-DMERA]

الله يعوضج ,,

 

[ms_kakawa]

اللحين الكل نصصاب ماكككو ثققه

 

[ام كوثر2007]

سالفتج تقهر واللى يقهر انج طيبه زياده عن اللزوم ..


منتي ملزومه من البدايه تسوين اللى سويتيه لها وتطلبينهم ..


لو هي زبونتج من سنين وبينج وبينها عشره نقول ميخالف لكن وحده هيلقيه ,, اسمحيلي انتي بعد غلطتي ..


وما عليج عسى الله يعوضج ان شاءالله وربج بيراويها خسارتج هذى بتشوفها يوم من الايام ..

 

[البارونـه]

قليله ادب الصـــراحه !!!
وانتي بعد غلطانه ,, المفروض تاخذين العربون كامل ,, وصدقيني التجاره مافيها عواطف
وبعــــدين انا انصحـج تشتكين على اخوها لان فعلا قله ادب ان يسبج ويصرخ عليج وزوجته الغلطانه
حسـبي الله عليهـم ><"

 

[أمـــــل]

الاخت هذي
كتبي بياناتها بالبلاك لست مالت التاجرات لو تموت لا تبيعون عليها اي شي
و اعتبري فلوسج دفعة بلا

حاولي تسوقينهم مفرق ..
ما يصير ؟

يا هلا حياتى وين احصل هالموضوع بلاك لست ؟

انا حطيت بياناتها بس المشرفه احذفتهم مع انى قلت لها ع مسؤوليتي وعندي مسجاتها وكلشي بس للاسف ماقبلت

تحياتى
​

 

[أمـــــل]

حسبي الله ونعم الوكيل فيها وبريلها وواختها

ومافيها شيء تشتكين على الريال دام سبج

وماله علاقه انج بنت اصول ماشتكين

هذا قاانون ووكل واحد يقدر يلجأ له مو عيب ولا حرام

مادري شلون طاوعج قلبج تخلينه يسبج ووماوقفتيه عند حده

تسلمين عزيزتى
اصلا لو عنده مره سنعه جان ماسمحت له يكلم بنت بس للاسف تحصلينها زافها وغاسل شراعها اشلون تشرين بهالسعر وهي الظاهر حدها المباركيه

وياكل هوي اسمحله مو قاصرني هيلق ع طول لمه سمعت صوته عالي صكيته بويهه وهذا بنظري اكبر اهانه له

انا تحسبت الله ماتسوي اشتكي ويريره اذه هو عنده عادى انا مااسمح لعمري ادش هالاماكن مع انها عاديه وهذا قانون بس ولو فى خطوط حمره بحياتنا مانقدر نخطيها

تسلمين حبيبتى وكافي شعورج

تحياتى ​

 

[أمـــــل]

انا حطيت كل بيانتها وللاسف المشرفه احذفتهم ولاني واثقه من عمري اني مااجذب عليها ولو فيها خير تواجهني والغلطه انى تعاطفت وياها واكسرت خاطري وهي تقولي ريلي مااعطانى وماعندى وكافي انها تحلف جذب


ع العموم انا قلتها انشالله تصرفينهم ع عمرج واللي يغز عليج وحسبي الله ونعم الوكيل



وانتوا اخواتي مشكورين والله كافي علي احساسكم فيني وقفتكم والحين احساسي تغير جنى اخذت حقي وانا اقرى ردودكم


تسلممووووووووون

والله يوفقكم كلكم


تحياتى​