ليش وقفت الالام؟؟

[خفت أحبك وحبيتك]

انا كنت احس بالم التبويض بس وقف باليوم ال11


شنو السبب؟
مع ان الكل قاللي افضل شي للحمل من يوم 13 الى يوم 18

انا استغربت اختفى الالم اللي غندها فكر ترد علي بليز

 

[الريشة]

يمكن صار تبويضك مبجّر
مو شرط التبويض لازم يكون بنفس الوقت
أحياناً يجدّم و أحياناً يتأخر
فإنتي متى ما حسيتي بألم التبويض روحي على طول سوي جماع
و الله يرزق الجميع

 

[بدوية بملامح كشميرية 86]

الله يرزقج يااارب

بالذريه الصالحه

 

[Dodo80]

حبيبتي مالج شغل بالام انتي شوفي كمية الافرازات اذا تنزل شفافه ولزجه (وانتوا بكرامه) يعني ليلحين فيه تبويض

 

[خفت أحبك وحبيتك]

مشكورين فدييتكم

حسافه انا اخذت كلوميد وماصار جماع هالشهر واليوم هو 15 والالام كنت احس فيها وقفت يوم ال11

ريلي كان مسافر اليوم الصبح رد

 

[الريشة]

سوي جماع على طول
و شوفي ربك شنو كاتب لك
و حاولي تضبطين وقت علاجك مع وقت وجود زوجك بالكويت

 

[خفت أحبك وحبيتك]

هلا حبيبتي
الريشه انا مادري ليش جذي حظي هالسفرة يت مفاجئة

وهم الشهر اللي فات بايام التبويض ريلي تعب وايد فجاة ماتحرك من الفراش كان جسمه كله تعبان الحرارة تعبته واايد

والشهر اللي قبل بايام التبويض صارت مشكلة بيني وبين ريلي صار له ماله نفس مع ان انا مالي شغل ومظلومه

شسوي ياربي والله تعبت

 

[*ماي الورد*]

عادي موجود البويضة بس انتي ما تحسين فيها

 

[خفت أحبك وحبيتك]

ناي الورد بس الالام اختفت من 3 ايام

يعني في امل يحدث حمل؟

 

[الريشة]

الأمل موجود بكل وقت
أعرف ناس حملوا مو وقت التبويض
سبحانه اذا بيرزق الوحدة راح يرزقها بأي وقت
اقري سورة البقرة قبل التبويض