ليـش تزوج علي :(

[بخـــارى]

رد : ليـش تزوج علي

لاحول ولاقوة الا بالله

 

[غرآم ..!]

رد : ليـش تزوج علي

حبيبتي شكل زوجج متمسك فيج ،
ويحبج .. ومسير شريجتج لــ الطلاق بس اصبري واحتسبي الاجر
عندج رب كبير فوقج هو الأمان والراحه ألجئي له وماراح تخيبين
هو بيمسح على قلبج وينسيج همومج كلها وزوجج وأهله والدنيا كلها بتنسينها معاه
صدقيني ألجئي له ماراح تخيبين .. وربي يصبرج ويسخره لج
ويرده لج رداً جميلاً

 

[فاقده ابوهاااا]

رد : ليـش تزوج علي

يا قلبي توني ادري عن مشكلتج وفعلا ما كان يبين عليج الهم ماشاء الله دايما مرحه الله يهدي ريلج وبعدين حبيبتي الحضانه من حقج لي سن الرشد شكوو اهو ياخذ ولدج .. الي باعج بيعيه

 

[trakmia]

حبيبتي اليهال عندج الحضانه عندج موعندة
طلبي الطلاق يمكن يفكر ويطلق الثانيه اذا ولصت السالفه جد وبعدين انتي توج صغيرة بييلج نصيب احسن منه اللي مايخاف ربه فيج لا هو ولا اهله
قوليله يا آنا وعيالي يا اهي اذا اختارها جنه العيد اخذي عيالج عندج ونتفي بسالفه النفقه ومصروف اليهال وسكن وسايق وخدامة ومليون الف قضه خلي يتنتف وخل نشوف شلون بيعيشويا هذيج
وانتي عيشي حياتج وعيالج عندج انتي الاولى ام العيال حتى لو تخلى عنج واختار الثانيه مردة بيمل منها ويردلج بس انتي ظغطي على نفسج ولا تترددين قوي قلبج

 

[((shoOoshoOo))]

الله يفرج همج

 

[هجير الريح]

الله يفرج همج وييسر امورج ياقلبى عاجلا غير اجل ان شاء الله

 

[المبدعة]

الله يآجرج يا رب

و يصبرج ع ما بلاج

 

[كحيله وفدعه]

رد : ليـش تزوج علي

الله يعينج .......... انتي قويه مشاء الله عليج سنتين وهم صابره وكاتبه تبين حل اذا كانت الوحده صغيره وحلوه وجسمها حلو واذا في شىء خرب الله يخلي العمليات ..........


انتي تعرفينه ومافي غيره .......... انتي باحلى عمر يعني كان عمرج اربع وعشرين يوم تزوج ... ويستاهلج واحد يقدر وترا متروسين بس حاولي نفس ما دور وناسته الزير زوجج :eh_s(13):




والله .............. والله بتنسين امن جابته هذا مايستاهلج



:33_1185028183: :33_1185028183: :33_1185028183:

 

[_زينه_]

حبيبتي الغلط عمره ما يدوم وماتشين الا و تزين باذن الله

صبري عشان عيالج

مرده بيعرف قيمتج

 

[BiiShOoO]

اول شي ربي يبدل همك بفرح .. ويطفي النار الي في قلبك عاجلا غير آجل

انا جد جد مصدومة. شلون خليتي كل هالبلاوي في قلبك وساكتة ! بس جد ما تنلامين .

شوفي حبيبتي . البنات من اول رد لآخر رد قاعدين ينصحونك ويعلمونك كيف تحقرينه و و و و . هذا ما يبي له حقران وبس.

خلينا نفهم اول . الحين شريكتك كيف تسوي مشاكل عشان هو يروح لها ؟؟؟ شنهي طرقها يعني ؟ تجلس تدق عليه كل شوي مثلا ؟؟ ولا شلون ؟ ان كان كذا ... شرطي عليه ما يدخل البيت الا التلفون مغلق وبإيدك. ولا بغى يطلع ياخذه منك. دام هو دخل البيت خلاص محد له حق فيه لين يطلع . ودام وقته معاك ما لها حق انها حتى تدق عليه في غير ضرورة.

انتي لازم تصيرين حازمة. لمتى يعني بتكونين مكسورة ودمعتك على خدك ومنهارة ؟؟ شنو استفدتي اصلا من الانهيار والهم والدموع ؟؟؟ كاهو لاعب فيك لعبة . خلك قوية . دامك قادرة انك تطردينه وانتي بايعتها ومستعدة للطلاق بس خايفة على عيالك . طرديه . وقولي له مابيك تدخل بيتي الا لما تسوي الي ابيه . ولو شنو يسوي خلك انتي اقوى . حبيبتي . هذا ما يبي له وحدة مكسورة . يبي له وحدة تطلع عيونه عشان يركض وراها . شهالرجولة هذي ؟؟ اتزوج عشان اكسر راسك ؟؟؟ وين العقل وين المنطق وين و وين و وين !!!!!!!!

اعيد واكرر. خلللللللللللللللك قوية. قومي مسحي عيونك وقسي قلبك .. وصدقيني ترى حسابك مع زوجك مو مع شريكتك ولا مع اهله. هو السبب في كل هذا. لو كان كفو ما خلى احد يأثر عليه .

انتي ادرى بحالتك وبظروفك. انا ما اؤيد الطلاق ابدا . ولكن ان كنتي حاولتي وسعيتي و ودك تتطلقين لانك متضررة من الحقيرة الثانية ف اقول لك طلعي اسلحتك وحاربي الاولي والتالي بكل ما عطاك ربي من قوة حاولي اول تردين زوجك وان ما فاد بعدين قرري الطلاق. ادعي ولجئي لرب العالمين ولا بغيتي تبكين ابكي على سجادتك ولربك . اشكي له وطلعي ما في قلبك له وحده.

وربي معاك وحافظك ان شاء الله ...

معااها الصراحة كفت ووفت عن الكلام الي كنت بقوله

و عليج بقيام الليل و قراءة البقرة ترا مفعوهم عجييب و حتى الاستغفار كثري و تصدقي :eh_s(17):

 

[barbie-girl]

رد : ليـش تزوج علي

بعد عمري الله يعينج لا تفكرين وايد وفكري بنفسج وعيالج

 

[سديم القمر]

رد : ليـش تزوج علي

الله يعينج تحملتي ويه الشمبانزي هذا
خل يتزوج ومرته الثانيه تلوع جبدها من رحته ريحة الحيوانات والقرود
خل يولي ابو ريحه هذا

 

[كنوشة 2009]

جيكي على الخاص

 

[جوري 2007]

حبيبتي الله يصبر قلبج

شي وايد وايد وايد صعب على المره الله يعين

بس ليمتى بتبجين ! للابد ! غلطانة !

انتي الحين بجيتي وعصبتي وانهرتي بس الحمدلله ربج الوحيد القادر على ان ينسي الانسان ويبرد على قلبه ، ادعي ربج دايما

انه يقويج ويهديج جدام عيالج .......وجدامه

ادعي ربج دايما ان يارب اصير قوية جدام هالريل وجدام الناس اللي ماترحم

الحين نيي حقج :

لازم لازم لازم تطلعين من الحالة اللي انتي فيها ، عاهدي نفسج انج ماتبجين باليوم اكثر من 3 دقايق وبعدين تمسحين دموعج

وتقولين : مو اهوة اللي يستاهل ابجي عليه

انسي انج متزوجة وعيشي حياتج على هالاساس ، سويلج جدولج يومي حافل وراح تحسين انه حياتج لها معنى

السبت مثلا طلعة مع اليهال
الاحد دراسة ومافي طلعة
الاثنين طلعة مع الرفيجات او الخوات
الثلاثاء سبا وصالون
الاربعا زوري اهلج بدون اليهال
الخميس روحي السوق اشتريلج شي
الجمعة زوارة
دخلي نادي رياضة ترى وايد الرياضة تهدي النفس وتطلع الشحنات

لا تقولين ليش تزوج وليش وليش

قولي بالطقاق اهوة الخسران لان انا مافي مثلي واكيد ربي له حكمة من هالشي او انه ربي يبي يبتليني وانا لازم اكون صابرة


بما انج ليلحين على ذمته لاتنسين الحركات :stars:

كل مايدق ماتردين الا عقب خامس سادس رنه

وينج : مشغولة

يبي يسولف : قوليله ياللا وراي شغل

كشخة بالبيت حتى لو هو موموجود عشان لويه على غفلة بلاقي اللي معتنية بروحها ويهمها كشختها

وبيقول هذي حق منو كاشخة اذا اهي عارفة انا ماراح ايي اليوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابدا ابدا بادا لاتييبين طاري الثانية لابزين ولا بشين لاتسالينه كلش عنها ولا كانها موجودة

بس لاتصيرين طيبة وتقوليم ياللا زوجي وياني خل اونسة واصير حبوبة

لا ، الغي وجوده اول فترة وصدي عنه وانشغلي

الله يصبرج ويردلج زوجج ردا جميلا :33_1185028183:

 

[84 Miss Chocolate]

الله يكوون بعونج ويقويج يااااااااااااااارب
والله ألزم ما عليج صحتج و نفسج اهتمي بروحج مو عشانه لا عشانج انتي توج صغيره حرام تضيعين شبابج ولا تخلين ريلج بسهوله حقها لأن هذا إلي اهي تبيه تبي الريال حقها بس ادري صعب بس حطي ابالج انج بحرب و انج تبين تفوزين استخدمي كل اساليبج وحطي ابالج انج انتي مو خسرانه شي ومثل ماقتلج اهتمي بنفسسسسسسسج والله يصبرج و يكون بعووونج يارب يارب يارب

 

[سموى88]

لا طلاق ولا شي حبيبتي تبينه يرجعلج وريله فوق راسه طيعيني حياتي اول واخيرا انت ثم انت اهتمي بنفسج وصحتج راجعي الطبيب وخذي فيتامينات روحي جلسات مساج وسترخي انسي الدنيا اي مناسبة فيها وناستج لا تعتذرين عيشي حياتج حبيبتي واذا عندج هوايه تحبينها طبخ كتابة رسم اي ين كان رديلها و بقوة اذا عندج مكان في البيت خصصي لهوايتج مكان شاركي بنوادي روحي معارض الهي بدنيتج وشوفي نفسج راح يرجعلج وقولي اختي ماقالت حياتي انتي اهو يدري انج تبينه وانج منصدمه وانه مهما يسوي فيج راح ترضين وتسكتين وتاكلين بعمرج فيشتغل عليج مغثه ونكد اهو واهله لا تعطينهم بال ولا تعطين الناس بال اذا انتي واثقه انج ماقصرتي بحقه و هو غدر فيج بس كفيتي و وفيتي يزاج الله خير سحبي عليه عدل ولا تلاحقينه ولا تعال اليوم يومنا ليش طولت عندها ليش مايبتلنا انسيه وشيليه من جدولج اذا تبون منه شي قولي حق العيال يكلمونه واذا سال عنج انتي يا بالنادي يا عندج موجب او زوارة يا بغرفتج تقرين ولا تقضين وقتج ردي مثل اول واحسن طلعي مع اليهال استانسي غيروا جو لا تنادونه ولا تحنون تعال ويلا بنطلع كلش يرد مايلقى احد الي ابي اقولج اياها طول ما انتي ظعيفة بياكلج وينهش فيج لا تعطينه مجال ما اقولج كرهيه ابدا عيشي حياتج واكررها عيشي حياتج وراح يرجعلج لانج صرتي يديدة في كل شي ويبي يرجع يكتشف منو فلانه وليش صترت جذي لا يكون بنيتها شي اخاف استغنت عني والى اخرة عيشية بدوامه من الاسالة من غير نجرة او صيحه ولا تستخدمين الااسلوب الحاد المباشر طبخي على نار هادي ولا يمج ردة فعله ابدا ابدا لا تنطرين منه رد ولا جواب على تغير انتي سويتيه لانه اهو سوى نفس الشي غير بس ماسالج ولا خذى رايج حبيبتي لعبيها صح وسالفة الزوجه الثانيه لعبتج تحدي بقوة وعيشي الجو الدنيا ايام لا تاكلين بعمرج الله يوفقج انطر منج رد على الخاص يبشرني

 

[amna_83]

رد : ليـش تزوج علي

الله يعينج عزيزتي ويصبر قلبج
وكلي امورج حق محامي خل يترافع عنج عزيزتي وطلبي خلع والحضانه تكون لج
لان الصراحه العيشه اللي عايشتها صعبه
بعدج صغيرة وقاعدة تاكلين بعمرج
باجر اسمله عليج تمرضين وتتعبين من القهر وكله على حساب صحتج

 

[جنون العشق]

الي صارلك شي مو هين وتعذيب نفسي اكيد بس لازم تشغلين نفسك لا تنهارين



لهي نفسك بمجابل عيالك بالانترنت بقراءة القران والصلاه والدعا ان الله يصخرلك زوجك ويرجعه لك وهم



وعطيه طاف صدقيني الريال لي اندقر صار يركض وري المره وعرف قيمتها الصارخ والبكي ما يفيد بالعكس ينرفزه ويخليه يعاند



زواج وتزوج وصارلها سنتين وانت قاعده تحرقين بنفسك ولي رجعلك ورضيتي قلب وصار جاسي كفايا تعب لازم تشوفين نفسك وعسي ريي يصخرلك زوجك ويرجعه لك نادم الله امين وقلوبنا معاك

 

[om deaj]

رد: رد : ليـش تزوج علي

اخيييييييييييييييييييييييييييييييييييييه كلااااااااااااااااااااااااااامج يقطع القلب
حبيبتي شلي يخليج تعيشين هالحياه وانتي توج صغيره
الحمدلله ديرتنا مو مقصره مع المطلقه طلقي وعيشي حياتج وطلعي واستانسي مع عيالج
انا ولاعمري نصحت وحده انها تطلق بس انتي كلاااااااامج طالع من قلبج ومبين عليج حييييييييييييييييييييييييل مهمومه
تبين باجر لاسمح الله يصير فيج شي .. بعدها منو بيشيل عيالج ابوهم اللي تزوج على امهم ولا منو !!!!!!!
حووبي قومي توضي وصلي ركعتين واستخيري ربج واذا ارتحتي طلبي الطلاق وعيشي حياتج
اهو تزوج وعايش حياته وانتي عايشه جسد بلا بروح
وعسى الله يفرجها عليج يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

:eh_s(14)::eh_s(14)::eh_s(14)::eh_s(14):

سمعي كلامها وجابلي نفسج وخليه اخر همج مالج غير نفسج وعيالج

 

[ملح و سكر]

الرياييل مايترس عينهم الا التراب .......اختى انتى مو العيب فيج العيب فيه ..وخليج واثقه من نفسج ....وعيشى حياتج ....

ولا تقهرين نفسج بالنهايه ...اهو اللى خسران ........