ليـش تزوج علي :(

[dnyay_mll]

رد : ليـش تزوج علي

مشكـورين بنات على ردودكم ودعواتكم

وكل وحده ساعدتني وارسلتلي رسـاله عالخاص

الله لايبليكم باللي ابتليته

والله يفرجها ان شاءالله

 

[ام اغلى الناس]

الله يعينج
ادعي له الله يهديه و يردلكم

 

[senioreta n7oola]

رد : ليـش تزوج علي

يا ربي كل هالهمووم من سنتين وتوج تفضفضيين ,
الله يعييينج والله ..
اللي أعــرفه أن الزوجه الثانية ماتدوووم
عند رياجييل هالزمن ..
ودااايما يحنوون لـ زوجة الأولــى ..
أنتي تقربي من الله ومالج غير
الـــــدعاء ..

 

[franshiska]

رد : ليـش تزوج علي

حبيبتي الشرع حلل 4 لحكمة الله يعلمها
الموضوع مو سهل والله يعينج
وما يصير حبيبتي تطردينه من البيت باجر الله يحاسبج
والزواج جهاد المرأة
انا ما الومج اذا احتريتي او بجيتي او عصبتي
لكن كل شي بأجره
واذا تبين شخص فعلا يساعدج
عندج دكتورة سعاد البشر

• +965 99002595(Mobile)
• +965 25350115(Other)

وعندج دكتور عبدالله السيوحي فوق الممتاز
فعلا ترتاحين وانتي تكلمينه
22642005-4

ولا تفكرين بالطلاق حبوبه ترى مو حل
واغلب المطلقات اللي يحوسون بالمحاكم مو مرتاحين
السالفة مو بهذلته وخذيت منه نفقة وبس انتهى الموضوع
لا حبيبتي فكري بنفسج قبل كل شي
الطلاق مو حل ولا وناسه
بالعكس راح تتعب نفسيتج أكثر وراح تولهين حتى حق نجرتكم
والله يوفقج حبيبتي ويمسح على قلبج وبربح بالج

 

[oojoo]

رد : ليـش تزوج علي

انا من رايي تتفقين بامور الانفصال احسن وبطريقه وديه وشوفي الانسب لج
وبالنسبه للبنات اللي يقولون اصبري وتحملي انتو عارفين شمعنات زوج يتنازل عن مخده وفراش لوحده ثانيه والمطلوب من الاولى تتحمل؟؟؟؟
المشاعر لها قياس والا بريموت كنترول نقدر نتحكم فيها باسم الصبر
انا برايي المساله مساله قدرات وموكل وحده تتحمل
وماقول الا الله يعينج
والحل بيدجج والاختيار لج!!
والله يفرج لج يارب
الله معاج

 

[ميار2010]

الله يعينج ياقلبي على اللى مريتي فيه

 

[بيروتيه]

رد : ليـش تزوج علي

الله يفرج همج ويسخر لج ريلج يااارب

 

[bint_looda]

عسى الله يعينج ويصبرج على ما ابتلاج ... نصيحه لاتطرين الطلاق ... واهتمي بنفسج وعطيه اكبر طاف

 

[kokay]

الله يعينج

 

[pure.pearl]

اسمعي خليه ياولي انت متعي نفسج رووحي الصاون ولا مركز وسويلج مساااااااااااااج رست وقصي شعرج وسيليج بدكير مناكير شكله هي لعبت عليه عدل وخذته اهم شي انج لا تطلقين وبصراااحة انت القرار بيدج بس لازم تفكرين من جميع النواااحي صح قهر حارمة نفسج وهو مستانس ماااالت عليهم الرييل الي مثل جذيه المهم انت تقدرين تخلينه بيدج وعجينة احس ان مقصة لان هذي قصت عليه يعني انت بعد عندج طاااقات مخزنة وخفية طلعيها الحين وخليج ذكية بصراحة الطلاق مو حل فكري ومخمخي والله المستعااان

 

[عيمية^والقلب^كندري]

انتي اكثر وحدة عاارفة شكثر انا متاثرة بموضوعج من زمااان ودايما على بالي وقصة بالنسبة لي مثااال حي على حقارة الرجل وعدم وفائه مو لانج زوجه عادية لانج متزوجته عن حب وهذا اكثر ماذبحني بالموضوع اكثر ماحسسني شكثر بعض الرياييل فيهم نذالة غريبة يبلها دراسات وبحوث وانتي وقلتلج ياها اكثر من مرة الله معطيج صبر ولا صدقيني لم يقولونلج البنات تطلقي مايبون يخربون حياتج بس كل وحدة قالتها بلسان حالها يعني انا لو بداالج مو سنتين انطر بالضبط ثانيتين واتطلق لان مستحيل مستحيل مستحييييييييييييييييييييييييييييييييييييييييييييل انسان كان حبيبي وصار زوجي وابو عيالي ماقدر اتخيل ان قدر يلمس وحدة ثانية اصلا لو بتفكرين دقيقة بلحظة المعاشرة الزوجية بينهم تعوفينه والله ولا اتحمل ويهه وبالعكس ما اموت وانهار خلاص الانهيار والتعب له وقته وراااح اما الحين فوق السنتين وليلحين ذابحه عمرج؟؟

والحل الثاني على قولة بعض البنات اذا ماتبين تتطلقين عيشي وكانج مطلقة طنشيه خل يولي اصلا اقولج شي تدرين لو انتي من اول ماتزوج تطلقتي جان طلقها وياالج يزحف بس الريال مايبرد قلبه كثر ما يشوف ان لم ايي يكلمج تتاثرين بكلامه وعاادي اما لو من الاول راقعته بالطووف ومتطلقة ولا تقولين عيالي ولدج من سنتين كان مايقدر ياخذه ولو قاعدة بشقة برووحج جان ماات قهر وغيرة عليج الحين متطمن اول شي على ذمته ثاني منهارة ومنكسرة وعايفة الدنيا ومعطته انتي كل شي ضد مصلحتج والله

انا زوجي اذا تهاوشنا هوشة جايدة والله ثم والله اخلي اهوا والهوا واحد وبالعكس ازيد ببعض الاشياء يعني اكشخ زيااادة واطنش وتلقيني 24 ساعة مجابلة النت من كثر ماني مطنشة ومومعبرته يموووت قهر ويغاار ويحس اني مومهتمة يقول هذي اكيد عندها شي ويرجع يراضيني اما لو انا كنت ابجي واضيع واطق على راسي وهاملة شكلي والله جان مادرى عني وبالعكس جان طال الزعل زيااادة (((مقولة ان الريال يحب المرة اللي تحقرة واللي تعز روحها وماتقط روحها عليه))) صحيحة الف بالمليوون ومن تجربة شخصية انا ريلي احبه وخذينا بعض عن حب بس المره مفروض اذكى تعرف تتحكم بمشاعرها وتشغل كيدها شوي وبالنهاية يرجع لمصلحتج يعني عبالج لم نتهاوش وانا اروح اكشخ كل يوم ومطنشته يعني مستانسة؟؟ بس يطلع اموت بجي وقهر بس اهم شي مابين هالضعف جدامه وهالشي مخلي ريلي دايما مايمل مني وكله اخليه اهوا يفكر ويحاتي مو انا بس والله ثم والله لو يت الخيانة حتى لو زواج شرعي والله وراس عيالي مايحلم حتى بالحلم اني اكون له بعد لو اموت ولو تنتهي حياتي


وما الومج بسالفة انج خايفة ياخذ عيالج انا دايما اقول لو بزوج بنتي بزوجها مو عالعقد الجعفري لان فيه شوية ظلم للحرمه ليش الريال ياخذ العيال من يصيرون 7 سنين بعرف الحكمة مادري بس تدرين رفيج ابوي زوجته راحت المحكمة السنية وقالت انا صرت سنية من زمان عاد مادري شلون سوتها اهيا عقدها شيعي وتطلقت بمحكمة سنية وشرشحته وطلعت وماخذه كل حقوقها واولهم العيال

وخليني اقولج شي من واقع عملي كاخصائية نفسية قضيت 7 سنين اعالج بهاليهال من الروضة ليما الثانوية اذا انتي متحملة كل هالذل عشان عيالج فلا تكونين سبب بتدمير نفسيتهم لانهم حاسين بكل شي اغلب الاباء والامهات مايهتمون ايد بهالنقطة تحسبين الياهل يلعب يروح يرد جدامج ان عادي لااا موعادي اليهال الحين متحطمين وبطريقتج هذي انهيارج قعد تدمرينهم عندج حل من اثنين اما تتطلقين وتعيشين بشقة بروحج وتشمين هوا الدنيا مرة ثانية وتصحين وتخلين عمرج واهتمامج بعيالج والابو بشوفهم ماراح ينحرمون منه خلي اليهال يشوفون ضحكتج ترى نفسية الام بالذاااات تنعكس عليهم حيل حرام واما انج ماتتطلقين بس تطلعين من سجن ذكرى ريلج اللي حابسة نفسج فيه وارد اقول عشان عيالج وارد اقول من باب تجربة مع الحالات اللي عالجتهم ترى والله اغلب هالمشاكل تاثر عليهم على نفسيتهم دراستهم حرام هذول الثلاثة اهما رسالتج بالحياه العمر بيمر وراح تلقين كل اللي زرعتيه فيهم سواء السعادة والامل لا التحطيم والكاابة

وكلمة دايما اقولها باي ظرف صعب امر فيه لو كانت الدنيا فيها خير كان الاولى عطت خيرها للرسول واهل بيته بس كل الرسل والانبياء ورسولنا الكريم واهل بيته ماشافوا من الدنيا الا مصايبها هل احنا احسن منهم؟ هل احنا احسن من ام المصايب؟ شافوا قهر الدنيا ليش احنا مانشوفه؟ نشوفه ونصبر ونتحمل ونتقرب من الله اكثر واكثر لان حطي ببالج ريلج هذا مجرد انسان عادي ماهو ملاك ولا كنز ولا شي مايتعوض واللي سوا فيج جذي بعد حب وزواج توج صغيرة عيل باجر لين طحتي ولا مرضتي ولا لاسمح الله متي شنو بيسوي شنو مصير عيالج؟؟ ياريت تفكرين عدل ويارت تطلع روحج من السجن اللي حبستيها فيه تشوف الدنيا بمنظوور ثاني والاهم عيااالج ثم عيااالج ثم عيااالج لا تخلين احد فيهم ينام ودمعته على خده لانج طلعتي حرة ابوهم فيهم لان مالج خلقهم لانج تعبانة وماعندج وقت تبتسمين بويهم ااااه لو تعرفون شنو يعني نفسية طفل ولو تعرفون شيحس مع كل صرخة ولا طقة ولا لم يشوف امه كله عصبية وزعلانة لو انا منج احط قرار بيني وبين نفسي واقول كل حزن فيني بحوله ابتسامه بويه عيالي وكل ابتسامة ازرعها هذي انجاز وسعادة بحق هالاطفال

 

[-Bello-]

رد : ليـش تزوج علي

الله يعينج


تدرين لو انا منج شسوي؟؟؟؟




ادزله مسج اقوله: (انا تركت البيت اللي ماعرف قيمتي وترى العيال بروحهم بالبيت روحلهم اخاف يصيرلهم شي)

وصج اطلع من البيت واشوفلي مكان اعيش فيه ..على حسب انتي شلون علاقتج بأهلج اذا اوكي ولج خصوصيه وبيعطونج غرفه بروحج وماراح يتحكمون فيج اوكي استقري عندهم واذا لاء شوفيلج سكن خاص

واهو طبعا راح ياخذ العيال وبيوديهم عنده بشقته الثانيه
وانا واثقه 100% ان شريجتج بتنبط مرارتها من هالحركه لان ولدج اسم الله عليه كبير فماراح تاخذ راحتها لا بلبس ولا قعده ولا تقدر تتغشمر او تضحك مع ريلج الا بالزور ولا راح تقدر تلبس قصير او غيره فا انتي راح تقضين على حياتهم بهالحركه وبتفقعين مرارتها


اخليهم عنده فتره لا بأس فيها
تالي اشق ويهه بالمحكمه واطالب بجميع حقوقي ولو خذيت عيالي منه راح اطلب سكن خاص وخدامه وسياره اذا امكن

بنفس الوقت اجابل نفسي وابدي اخطط لمستقبلي الدراسي والمهني واحاول اطور من نفسي
واشوفلي جامعه لو ماكنت جامعيه او اشوف اذا اقدر اكمل دراسات عليا واعيش حياتي واسوي شي ينفعني


وهوا اللي بيذل نفسه عندي عشان يشوف عياله وهوا اللي بيندم بالاخير
هذا اللي ناقص اهو يعيش حياته مستانس و اللي محروقه .. اهو ياخذ كلشي وانا مالي اي شي؟
ليش انشالله شناقصني عشان اقعد تحت رحمته ورحمت اللي عنده


عموما
الله يكتب لج اللي فيه الصالح

انا رايي من رايها .. وطبقيه وجربي لاتبينيله ان نقظة ضعفج اليهال عشان لايستغلها وهو مستحيل راح يقدر يربيهم بروحه

 

[بحر الذكريات]

ماشاء الله على عيميه والقلب كندري معاها بكل شي والله يسهل امورج ويرد زوجج لج

 

[يمة يادلبي]

الله يعينج بس حبيت اقول ان مو شرط ريلج يتزوج عليج لان فيج عيوب يمكن تكونين كاملة مكملة ومع هذا ريلج عينه بتزيغ

 

[هاديهـ&مطيعهـ]

واضح ان اهو يحبج بس في شي يجذبه بالثانية الريال يحب الوحده اللي عايشه حياتها وما يهمها أحد الله يعينج بس تقدرين تتغلبين على الوضع وتحطينه لصالحج شوفي الدكتورة نا عمه الهاشمي وايد فادة بنات يمكن تفيدج

 

[FeShinGoOo]

رد : ليـش تزوج علي

حب سنين وتزوج عليج وتوج ام عشرين ..ًً!!!
حسبي الله ونعم الوكيل ..؟؟؟
امبيه الصراحه مادري شرد عليج سالفتج تحرق القلب ..!!!!

 

[nora al]

رد : ليـش تزوج علي

لاا حول ولاا قوة الا بالله

الله يعينج حبيبتي


تووج صغيره ليش مستحمله هالهم ؟؟؟ لوو تقدرين تهدينه هديه وتزوجي وقطي الاعيال عليه وعيشي حيااتج ليش تدفنين نفسج !!!


واذاا ماتقدرين خلااص تحملي ووكلي امرج لربج بس حرااام انتي صغيييره ليش اتحمل كل هالهم والغثى ؟؟


الله يعينج استخيري واايد وفكري عدل وادعي ربج

خليه لاا تفكرين فيييه وكثري صلااتج واستغفاارج واقري البقره كل يووم وقيمي الليل صدقيني بتفرق حياااتج 360 درجه وبتحسين براااحه نفسيه

 

[(نبنوبه)]

بعد قلبي ذكرتيني برفيرجتي تزوج عليها ريلها انجنت وطلبت الطلاق وفعلا طلقها بس بسرعة ردها عندها سبع عيال
بس تحملت وصبرت وعاشت حياتها وكانت لما توح لاهلها وخواتها تنفجر وتبكي وتطلع كل حرتها بس اهتمت حيل بنفسها وزانت احلى من اول وجننته هات هات وعيالك يبون واطرش عيالها لزوجها ماخلته يرتاح معاها ونفس حالتج اهله زوجوه وطاروا فيها لانها رفيجة خواته
وبالاخير خربت بينها وبين خواته وهم اجبروا اخوهم على الطلاق وطلقها بعد 3سنوات وجابت ولد منه
والحمدلله عايشة الحين احسن عيشة

بعد قلبي لاتياسين اصبري ولاتطلبين الطلاق وعليج بقراءة سورة البقرة كل يوم وبالتوفيق يارب

 

[baby.blue]

رد : ليـش تزوج علي

انا مو متزوجه بس بقولج رايي

دام ريلج يحن لج .. استغلي هالنقطه لا تهملين نفسج عشان مرته الثانيه ..

و إذا اهي تستغل نقاط ضعفج و انتي عارفه نقاط ضعفج حاولي انج تغيرينها

لا تخلينها تحس بالنصر لما تنرفزج و انتي تنرفزين .. و انتي توج بالعشرينات لا تخسرين صحتج و جمالج بالعكس اهتمي فيهم و اهتمي بعيالج و بريلج .. و اذا سوت شي خليج انتي الأحسن .. ترى انتي الأولى مو اهي .. حتى لو من اهلهم .. ترى بداج عليها من الأول و لا اهي من اهله و تحت عينه من زمان جان خذاها .. بس بداج عليها .. ولا تشغلين نفسج ليش سوى و ما سوى .. ادعي إن الله يصبرج .. و اذا تضايقتي من شي .. لا تتحلطمين جدامهم روحي صلي ركعتين و ادعي ان الله يثبت قلبج .. و خلي ايمانج و ظنج بالله قوي ..

و ان شاءالله ربي يسعدج و يهنيييج

 

[q8_pearls]

الله يعينج