ليلة تعلمت فيها عشق الوطن

[!!wawie!!]

داربن موضوعج صراحه واايد مميز..

واسلوبج وايد حلو ..

ولو نلف دول العالم كلها مانلقا مثل الكويت..

الله يخليها لنا..

ويرد شعبها مثل اول واحسن..مع بعض متلاحمين..

بس لو تصفا القلوب والنفوس ونبعد الحسد والطائفيه والقبليه..كل شي برد مثل اول..

مره ثانيه اشكرج عالموضوع الروعه

 

[ii DareeN ii]

العفو اختي حياج الله نورتي الموضوع وتروحين وترجعين بالسلامة

 

[nafnof]

والله والله والله ثم والله لو نلف الدنيا كلها ما نلاقي ديرة مثل ديرتنا وللاسف في ناس لا ضمير ولا احساس قاعدين يبوقون ويخربون فيها ويبون ينزلون مستوى الديرة
بس ديرتنا بقلوبنا الله يحفظج يالكويت ويحفظ كل بلاد المسلمين

 

[طويلة البال]

صااااجه والله...

وينهووم يقرووون موضوووعج


لا فض فوك

 

[ii DareeN ii]

تسلمون حبيباتي اشكركم على المرور

 

[جارة القمر]

ماكو على الكويت الله يحفظها يارب


والله يعطيج العافيييية

 

[ii DareeN ii]

يعافيج جارة القمر نورتي الموضوع

 

[قهوة برية]

جزاج الله خير ويعطيج العافية

صج موضوع مؤلم وقلبتي علي المواجع

لأني قعدت بكويت طوال شهر الأحتلال الله لايعيده

ذكرتيني بالألم والشعور بالخوف لأول مره بحياتي

وانج تنامين وتدعين ربج ان يستر عليج ولايتم اقتحام بيتج

بحججهم الواهية ...!!!!

وكلش ولا يوم حرقوا البترول حرق الله قلب كل من وقف ودعى ع كويت

مشهد عمري ما أنساه ابد لأني من سكان محافظة الأحمدي وربي رعب اتقولين فيلم اجنبي ..!!

الحرارة الفحت وجهي وصراح بنت خالي تناديني تعالي دشي وانا واقفه وعيوني تدمع ومنظر سيارات

الكواوله والي معاهم ع الخط السريع

اتقولين انسحاب شئ اثار فضولي وقفت اشوف شالقصة الا وصوت انفجار وحرارة مو طبيعية مع صراخ بنت خالي

اثاريهم فجروا حقول النفط ..!!!!!

يالله ..!!!!


اما اخوانا العرب القريب منهم والبعيد ..!!

ذلونا بهالكلام مادري يبون نظهر كشوفات مساعداتنا ونمن عليهم مثل مايمنون علينا ..!!

بدأ من مبارك الكبير ومساعده لأحد حكام الخليج لين ردت ديرته رغم انف الدولة العثمانية..!!

ومروا بعبدالله السالم الي امر بدفع معاشات المدرسين لبعض الدول القريبة .!!

ولا

ولا

....

الله يسامحج موضوعج جدا راقي بسرده لكنه جدد ذكرى ماكنت احب اذكرها ..!!!

 

[supermarket]

عورتي قلبي بالذكريات

وانا عايشت الغزو من 2/8 - 26/2 بالديرة

ولي وااااايد ذكريات ما انساها ابد ابد ابد

الله لايعودها من ايام ويحفط ديرتنا من كل شر

 

[ضحـاوي]

موضوعج مؤثر حده دارين ذكرتيني بأيام الله لا يعيدها

يعطيج العافيه على الموضوع

 

[ii DareeN ii]

شكرا خواتي على المرور والله لايعيد ذيج الايام

 

[الحلوه نونو]

يعطيـــــــــج

 

[jasmine_flower]

الله يحفظ الكويت وشعبها واميرها من كل شر والله لا يعودها من ايام اعشق ترابها وبحرها وجوها

 

[ii DareeN ii]

شكرا خواتي والله يحفظ لكويت

 

[bent_36a]

السلام عليكم

يعطيج العافيه

والله انج جبتيها على الجرح بصراحه في ناس ما يستحون يعني حتى لو الحكومه ما عطتنا هذه ديرتنا احنا اهل الكويت احنا قلبها اشلون نقسى عليها اشلون نظلم وطنا جذي مع ان والله حكومتنا ما تقصر اقل شئ ورب الكعبه انا بمستشفى اللى اعرفه ان في ادويه غاليه نار كافي ان احنا ناخذهم ببلاش اقول شئ اقل شئ دو الربو البنفسجي سعره بالعشرينات واكثر يمكن والكويتي ياخذه ببلاش وتخيلي اهميه هالدوا بالنسبه لمريض الربو يعني والله نحمد ربنا على النعمه اللى احنا فيها وعيب عيب علينا انا اذكر ماساتنا بالغزو تخيلي نمنا بحديقه بالحفر والله العظيم وسياراتنا غرزت وورانا جنودد يرمونا والله عيب علينا وحرام الكويت ما تستاهل اه ه ه ه ياقلبي يالكويت

 

[Hello_kitty]

موضوووووعج يعوور القلب

وذكرنا بأيام وليالي لا يمكن ولا نقدر ننساها!!!

الغزو كان حدث كبير ..حقبه زمنيه مهمه في تاريخ الكويت لكن للأسف ما اعتقد انها حذت حقها من التوثيق
وايد تفاصيل وقصص ما تأرخت المفروض يدرسونها بالمناهج لعيالنا..
الجيل الحالي ما يعرفون شي عن الغزو

دارين بما انج المشرفه على هالقسم وعندج قلم واسلوب جميل ليش ما تتبنين موضوع يتكلمون فيه البنات عن سوالفهم وسوالف اهلم بالغزو

ويكون الموضوع مثبت للتاريخ ويصير مرجع حق البنات الصغار مواليد التسعينات وفوق اللي ما عاشوا هالفتره؟؟

 

[a7la tooota]

الله لا يعيدها من ايام ,, ويحفظ الكويت واهلها ,,

 

[سجايا العنود]

تسلمين ع الكلام الرائع اختي الكريمه والله يحفظ الكويت واهلها
ارض الطيبه وارض الوفا

 

[ii DareeN ii]

مشكورين بنات وان شاء الله احنا قاعدين نجهز حق فترة الاعياد الوطنية

 

[قرنبيطوو]

كـــلامج رائـــع وأكثـــر من رائـــع

مشكوووره اختي على الموضوع

اللي خلاني اقرا موضوع العنوان صراحه عجبني لاني صج حسيت باللي حسيته بس مو بالغزو ،، كل اللي كنت اعرفه اني احب الكويت ومااحب ديره غيرها ولا افكر احب غيرها،،

مع اني ما سافرت واايد دول حدي سيلان والبحرين ودراستي بمصر صراحه ولا دوله حسييت فيها اماكن ووناسه كثر ديرتي حبيبتي حتى لو احس بالملل فيها اقول كاافي اني بديرتي ،،،

الليله اللي حسيت فيها بعشق الوطن يوم ييت مصر اكمل دراستي :0bee2e8d89: صج صج صج كنت ابجي واتذكر كل مكان بالكويت وكل مكان عشت فيه حتى لو لحظه ،، تذكرت ايام الغزو يوم كنا نلعب في بيت يدتي بكل براءه ،، تذكرت ايام الطفوله وشطانتنا ،، تذكرت بيتنا القديم والسوالف اللي نسويها،، تذكرت وتذكرت

أحــبكـ يـا وطـن وأغـلى الـفراق يكـون فـيكـ وصـال ،،، وأنـا جـيتكـ أحـط مـوتـي علــيكـ وأطـلب وصـالكـ

يعطيج العافيه اختي على الموضوع العجييييب​