ليه الحملوا يخافون من عيونااااااا يامتاخرات بالانجااااب شنو السبب تتوقعووون

[ملكة الأمل]

يارب يارحيم يارحيم ترزق كل محروم ومحرومة بالذرية الصالحة عاجلا غير آآجل
الله المستعان كل الناس مرضى او بالاصح ايمانهم ضعيف

 

[بخـــارى]

اختي انا فيوم من ايام او بالاصح تميت سنين وانا اتابع فسم تاخر الانجاب وحاسه بشعوركم والحمدلله ربي من علي بحملي الثاني بعد ست سنوات والله يااختي ناس قراب لكن مو من اهلي يحملون ويولدون ومايعلموني انا والي بنفس حالتي مادروا انه الرازق الله سبحانه وتعالى مو منهم
وللعلم حملي هاذا فيني بنت ووحده اعرفها فيها ولد بلغت الكل بلي فيها وانا تقولي مابين تخاف احسدها وانا كل ماسافرت سفره مع زوجي صكتها هوشه مع زوجها من الغيره لاوتقول احسدها

 

[زوجي توأم روحي]

ابشع موقف واجهتة كان من مرة اخوي تخيلو حملت طبيعي ويابت بنتها وبعد بنتها باشهر حملت ونزل معها دم تدرون شنو سوت ؟

اتصلت علي وقالت يقولون اني محسودة وابي من وضوءج لانج وحدة محافظة على الصلاة






وبس

صج ما تستحى على ويهها:eh_s(14):
واخوج وينه عنها:rgewrg:

 

[سبيل المودة]

و الله ماااهمنننننننننننني

فلانة حملت ولدت أجهضت سافرت


ماااااااااا همني و لا اسأل و لا بحث ورأ احد


طااااااااااااف


و دائماً ابين أني مو مهتمممممممة و لا تهمني اخبار غيري


بس تدرون
لما ادري ان من بنات تأخر الإنجاب حملت استاااااااااانس واااااايد


احس هذي اللي اهتم لها


و ترا في بعض الناس ما تعلم مو عشان الحسد

تنطر لين يثبت بعد تقول

يعني أنا اذا حملت ان شااااااااااءالله

لا يتوقعون ادز مسجات مثلا او اتصل بوحده وحده أقولها حامل

اللي يدري يعلم اللي ما يدري

و القراب مني اذا سألوني بقول ما راح انكر


الله يرزقنااااا يا بنات و نبشر احباااابنا

 

[نف نف22]

انا اقوووووووووووووول تخلف ونقص عقوووووووووووووووووووووووووول ومايدرون ان الرزقه من الله سبحانه وتعالي ويمهل ولا يهمل وبس
ذكرتوني بوحده رفيج ريلي زوجته مسااااافره معاه لا اهيا احملت ولا انا وكنا نسولف عن مراجعتنا وعقب السفره صار اتصالات بس مصلحه بصراحه اتشوف اخبار ريلها بس وعقب سمعت انها احملت والله من ذيك الايام ولي الحين ماادري عنها والحين بنتها عمرها 7 شهور بس انا عطيتها سكب ولا رحت ولادتها بس ضحكت عليها لانها عقلها نااااااااااااااااقص وماتستحي

 

[آلبرنسيسه]

طيب انا سالفتي سالفه معاي بالدوام وحًده حامل وعلمت كل اللي بالدوام الا انا تشكي عندي واقول ليش فيج جذي تقول الطبيب يقول عادي
والله يابنات يعلقون عليها يقولون بعد نفاسج سوي جذي جذي تقول خل احمل بالاول انا مو حامل والله تنام من التعب علا فخذي وتقول زوجج عادي انج ماحملتي وارد عليها نفس السوال ترد علي علا انها مو حامل بس الواحد شيقول انا شايله هم الدوام واسئلتهم اوووووف منهم


يااارب يياالرب ييياااارب ارزقنا حملاً عاجلا غير اجل سهلاً ميسرا بذريه صالحه انك سميع مجيب

 

[boliana_q8]

هههههههههههههههههههه
انا صارلي سنه من تزوجت تقريبا
ولما سويت استقبالي بعد العرس بجم شهر
عزمت جارتنا وبناتها
ويوم دشت بنت جارتنا من عمري ولا متنااااااانة وبطنها عود ولابسة وسيع ومبين عليها الحمال
اقولها مبروووووووووووووووك بتسيرين ام
جان تضحك وتقولي ها لا مو حامل انا متنانة
ولا اسمعها تسولف ويا اختها تقولها راسي يفتر ولوعة بجبدي طول الوقت واختها تقولها الله يسهل عليج
ههههههههههههههههههه استغفر الله على هالحركات
وبعد جم شهر من استقبالي ولدت بالسلامة

 

[النووف]

انا مرت حماي متزوجه معاي بنفس اليوم

وحملت من ليلتها

وانا بالعكس مو مستعجله وماودي لانها اكبر مني ب4 سنوات وحنا تونا

كنت في العياده باخذ مضادات للالتهابات وشافتني باول حمالها

عاد قعدت تقول اني حاسدتها واني جايه اعالج

تفكير سخيف نفسها

جنها اول مره حملت بالعالم

 

[! بــدويه وآآيــد !]

،


اوووه ياكثرهم
وحده تزوجت بعدي بـ 3 شهور وحملت والمشكله انها قريبه حيل حيل مني وميانه وننام عند بعض ساعات
لما دريت انها حامل دزيت لها مسج الف الف مبروك وربي فرحت لج عسى الله يتمم عليج ويسهل يارب وماردت علي وبعدها شفتها بعشا قلت لها تليفوني مسويه له فورمات ورقمج انمسح جم ؟ جان تفز متخرعه لا لا لا لا لا رقمي جديد مو حافظته وماعندي رصيد ادق عليج رنه عشان تسيفينه يمه صدمتني ! قلت الحمد الله والشكر على النعمه بس وانا تدقدق علي من اول اسبوع عرسي تسولف وانا ارد عليها وماتكبرت على احد بس الحين عطيتها طاف حتى ما اسأل عنها

على فكره هي تدري اني مابي احمل ولا افكر بالحمال واصلا كنت اسال جدامها عن احسن حبوب منع حمل بس مادري شفيها استخفت عقب ماتزوجت

 

[ميشووو]

يارب يجبر خواطركم ويرزق كل محرومه بالطفل المعافي يارب


وهذي ناس مرررريضه الله يكفينا شرها

 

[الاهله]

الله يسامحهم والله هالشي يضايقنا

ويحز بلخاطر الله يسامحهم

حركات الناس جارحه وكلامهم ونغزاتهم

مايدرون عن الدنيا شصير حرام عليهم

 

[حبيبه العلي]

يارب ياكريم ياذا الوجه الاكرم ولاسم الاعظم والعطيه الجزلا اعطني واعطي كل محرومه بالذريه الصالحه المعافاه

الله يهديهم لو كان عندهم ايمان قوي مافكرو جذي شنقول بعد العقول بعد عطيه من الرحمن

الموضوع هذا كان يسبب ليقلق ولكن بفضل الله حاولت اتجاهله لاني ثقتي بالله اكبر

الموقف اللي صار لي كنت ازو وحده تو مسوين لها ربط وخالتها من شافتني كن حاشها كهرباء

المهم سويت الواجب وقبل لااطلع شربت فنجال القهوه وحطيته مقابل خالتها يعني اذا خايفه هذا الفنجال

وطلعت والموضوع عاااادي عشان منو اكدر خاطري وانا عارفه انا امري بيد اكرم الاكرمين

 

[q6aiwa]

مايشوفون شر
بالنسبه لي اخاف من عيونهم باشياء ثانيه بحياتي​

 

[سلايل*عبس]

يااااربي يرزقكم ويرزق كل محرومه يااارب والله اني بجيت من بعض الردود استغرب من اللي تقول ليش تضايقون طنشوا لا اكيد تحز بالخاطر

وانا طبعي ماسال لوتذبحيني يعني شبستفيد لو بعرف وماحب اتطفل طبعي وطبع خواتي وامي قبلي الحمدلله

بس اللي يذبحني تجيج وحده ماتعلم ليمن يطلع بطنها وهم ماسال اهيا بروحها تقول فلانه ترا انا حامل او اختها تقول عنها وهي ترد بنفس الوقت تقول اي ليش ماتشوفين بطني !!؟؟ تدرون شرد اقول اي شايفه بطنج بس شي راجعلج اذا ماتبين تعلمين شكو اتطفل ؟؟!! مع العلم انا الحمدلله الله رازقني وماتاخرت بالحمل وعلى طول حملت !!
والصدمه مرا والله ماكون حامل بس اتأفف والا اقول حر اوف والا مابي اشرب جاي زعتر وهالسوالف تخيلوو شنو الردود ؟!
اخاف حااامل وبنظره موهينه بعد ؟؟ انزين ليش تخافين

لا ومره انا كنت حامل وانا ماحب اخش موطبعي قلتلهم انا حامل وزوجي علم وجذي جان يقولون لي حتى فلانه لها 5 اشهر !!

الله واكبر طبعا انا قلت الله يتمملها وبس طاع العذر جان تقول اي يعمري مستحيه حملت ورا بنتها على طول ليش مستحيه مو مرا وعندج رجال وتوج في اول عمرج !!

امراض نفسيه !!

وفي وحده واي صج ناقصة عقل ياويلها من ربي لازم لمن تحمل هذي عاد ماتعلم الا بالسادس ولازم لمن تعلم فيه مأساه تسويها عشان الناس ماتفز فيها لازم انه نازل عليها دم او الجنين وضعه مو اوكيه وطبعا تقول بالثالث وبعد ثلاث شهور تولد !!

 

[سلايل*عبس]

بنات لاتقطنطون من رحمة الله واللي ماتتقي الله في نفسها وتعلم ان الله اعطاها وما عطاج والمفروض تحفظ علاقل على بعض الحركات .. عشان لاتجرح وتسخط تتقي الله في نفسها .. واما بنعمة ربك فحدث
والرسول عليه الصلاة والسلام همن قال اتمو اموركم بالكتمان .. يعني حاولي تحافظين على خصوصيتج بدون لاتعدين على مشاعر الناس وتكتمين نعم الله لاتعلمين عن حملج بس لاتقولين والله مادري عن نفسي يمكن بيطيح عشان تغطين العين ؟؟

موقف صار جدامي والله العظيم .. وحده متزوجه كان لها سنه و7شهور بس ..وماالله رزقها صار جدال بينها وبين الثانيه قالتها حرام انتي حامل اتقي الله لاتفترين قالت انتي حاطه عينج على ضناي لانج ماجربتي الظنى وزوجج مو رجال ماحملج - عفوا -

تدرون شصار ؟؟ ماشاءالله اللي ماحملت عندها 6 وتحمل بعد مافيها الا العافيه وهذيج وقفت على 2 بس وصار عندها مشاكل بالرحم وخلاص ماتقدر تحمل بعد - شوفي انتقام رب العالمين - لاحول ولاقوة الا بالله دموع المسكينه هذيج عند ربي وانكسارها ماكان هين والله انها كانت تبجي بحرقه وهذيج قاعده ولاتأثرت جنها مالكه الدنيا ماتدري انه اخر حمل لها - استغفر الله واعوذ بالله من غضبه ...

 

[rachaaa]

عادي هذا الغريب انا اختي كنت تراجع معي عند الدكتور وحملت ما قالتي بعدها انصدمت انها حامل بعد فترة
ما ادري هذا جنون ،، صج كل شي بيد الله ما ادري ايمنهم ضعيف
​

 

[Model Look]

عيل انا بقولكم موقفي !

معنه انا شهرين من تزوجت وسيدا حملت بس فيه ناس عقولهم صغيره استغفرالله يبوني من اول ليله احمل

بنت عمي تزوجت قبلي بشهرين ورفيجتها قبلي بيوم ووحده من معارفنا تزوجت بعدي بشهر

المهم اللي تزوجت قبلي بيوم وبعدي بشهر ماشالله كلهم حملو ليلتها

الا بنت عمي بعد شهرين حملت

يعني هم قبلي

طبعا الحين تبدا المقارنات بين العرايس حملت وما حملت

بنت عمي اول رمضان رحت زرت يدتي ولا اشوفها ويهها اصفر ما سآلتها لانه اهم سوالف الخش

طنشت قلت بتقول اهلا وسهلا

يا القرقيعان جان يقولون بيت يدتي >> مايحبون خواتي وامي وانا بعد

باركي لفلانه حااامل

قلت لها ماشالله مبروووووووووووك ردت علي ماحملتي ! قلت لها لا علي الدوره @@

جان تقولي رفيجتي اللي قبلج بيوم حملت

جان ارد عليها اي حتى فلانه اللي بعدي بشهر هم حامل

ردت علي شدي حيلج قلت لها الله كريم تو الناس

وسبحان الله غسلت من الدوره وبعدها ماشفتهاااا

 

[ابدا يالغالي مانساك]

" أفضل الذكر لا إله إلا الله وأفضل الدعاء الحمد لله "

 

[عطر الدوحه]

بنات طيب أحسنوا الظن ؟
يمكن قصدهم ناطرين لين يتأكدون ان الحمل ثبت
تالي يبشرون الناس؟
طبيعي البنت بتعلم أمها وخواتها ..
والولد اكيد بيعلم اهله .. وناس تعلم ناس .. يعني مو المره هي اللي ناشره الخبر !
لا هذا من لقافه الاهل !!
يمكن البعض على نياتهم يبون الجنين يثبت ماله داعي ينشرون الخبر ويصير شيء لاسمح الله
ويقعدون هالعالم وييي طاح الجنين .. وعليّه اجهضت والخ الخ من سوالف الحريم ..

:


دائماً احسنوا الظن راح تعيشون مرتاحيييين !

كلامج صحييح

بالنسبه لي كنت من اشد المنتقدين والمعارضين لهالسالفه

وكانت لي مشاركه بهالموضوع كنت انتقد الي جذي

لكن لما ربي رزقني للامانه تغيرت نظرتي وصرت اخاف على ظناي

خاصه لما زوجي قال مانبي احد يدري غير اهلي واهلج

وفعلا كذا وحده صارت تسالني اقول لا موحامل

لكن هالشعور ماراح تجربونه لين ربي يرزقكم يارب

ولما تسمعين نبض الجنين تدمع عيونج من الفرحه

وتخافين عليه وخاصه لان انا تاخرت بالحمل فلحد يلومني ليش ماعلمت

لاني فعلا خايفه على ضناي الي كنت انتظره هالسنين

وخاصه ان في كذا وحده من معارفنا

اول مايحملون يعلمون فيجهضون فصار لهم الى الان ثلاث او اربع اجهاضات

والشيخ قال انه عين والعين حق

فقال لازم الرقيه الشرعيه وقال حديث الرسول عليه الصلاه والسلام

" استعينوا على إنجاح الحوائج بالكتمان فإن كل ذي نعمة محسود ".

وهو مروي من حديث معاذ بن جبل ، وعلي بن أبي طالب وابن عباس وأبي هريرة وأبي بردة


يمكن ردي مايعجب البعض لكن وجهه نظري لما حملت تغيرت

والعين حق ..,

 

[الاهله]

اللهم لك الحمد ناس مريضه الله يعينا عليهم