ليييش اكثر الولادات الحالية قيصري ؟؟؟

[فاقده حنان ابوه]

اي والله صاجه مادري ليش انا قيصريه لان ولادتي كانت متعسره وارتفع ضغطي الله كريم

 

[ملح الدنيا فيني]

حمل عزيز وقررت قيصري طبيبتى خايفه عالبيبي

 

[ايمانو حلوة]

اهلين رورو شخبااااااارج لج وحشششة موااااااه الله يخليلج بنوتاتج يارب


ترى كلنا تقريبا تيينا حالة هستيرية وقت الولادة ونخاف بس شنسوي لازم نولد لووول ليمتى الياهل ابطنا هههه


الله يسهل عليكم بناتووووو

 

[الحورية الصغيرة]

حاليا الدكاترة إلي بالحكومة إلي مو كويتيين يولدون الوحده قيصري حتى لو مو محتاجه عشان على كل عملية يسويها يطلع له بونس عليها

بنت خالتي توها ولاده و كان كل شي أوكي راس البيبي تحت و حجبه اوكي بس الدكتور قال لازم لازم قيصري

و البعض لأسباب مرضيه مثل ضعف في العضلات او هشاشة عظام او تكون قبل الحمل بفترة قصيره مسويه عملية فالولاده الطبيعية خطره عليهاا

 

[q8tyah]

طيييييييييييييييب امانه والخوااااااااااااااااافه الي يجيها حاله هستريه من البكي وقت الولاده ويش يسون فيها

. بالخاص اذا شافوا وحده جذيه مو متعاونه معاهم ينيمونها ويشفطون البيبي اما بالحكومه هسترتي والا ماهسترتي مادروا عنج غصبا عليج تولدين

 

[كويتيه مذهله 87]

انا بعد لاحظت والي اشوفه من بنات العايله كل ما سألت امي قالت قيصري

فما سألتهم ليش قيصري بتكلم عن نفسي

ما انفتح الرحم 18 ساعه بس 3 سانتي والماي نشف وحولووني قيصريه

بس السؤال الحين الولاده الثانيه همن ماينفتح عندي الرحم

 

[مس لوتس]

لاحبيبتي كويتيه ماله شغل سبحان الله ولاده عن ولاده تفرق والله يسهل علينا

 

[شوكلاتة سويسرية]

الحين صج اللي تستخدم حبوب دفاستون تتعب بالولادة والبيبي يلزق وتتعسر.
انا ثلاث قالولي هالكلام وانا استخدمة قالوا واجد تعبنا بالولادة من المثبتتات تثبت الطفل ولدي قيصري احسن لك
شرايكم
ومن جربت؟

 

[ELFAD3Ah]

اي والله انا اشوف اغلب البنات الي اعرفهم والي بعايلتنا يطلبون قيصري سالتهم ليش اغلبهم قالولي عشان مايبون ينشقون من تحت
الله يهديهم

 

[ام عفاف الكويت]

ولادتي الاولي قيصريه لانه بنتي ولدت بالثامن ومشاكل لي ولها هي شيشه وانا عنايه
ولدي سبحان الله قعدت للعاشر وماولدت والماي خف فخافوا يعطوني تحاميل او طلق صناعي ويزيد الالم ويفج قيصريتي السابقه وقالوا لي روحي حكومه لانه لو بتجازفين احنا مانقدر واستخرت وولدت قيصريه
والحمدلله على كل حال الحين ربج بيكتب طول ولاداتي قيصريه

 

[anooma_86]

انا اول ولاده قيصري لان ١٦ ساعه طلق و مانفتح الرحم اكثر من ٤ سانتي و تحولت قيصريه و طلع الحبل السري ملفوف على ولدي حبيبي و هالحمله دكتوري العظام قالي الافضل تولدين قيصري لان عندي مشاكل بظهري فماحبيت اغامر

 

[ايمانو حلوة]

كوكوووو

انا اقوى منج لووول انفتحت 4 سم لووووووووول
شوفي انا زوجي سال دكتور نسا وولادة بدار الشفا اسمه دكتور جورج قاله عن حالتي ان الرحم مافتح قالي ولادتها الياية قيصري مافيها مغامرة بعد


شوكولاتة
لا حياتي هذي خرابيط اللي قولج المثبتات تخلي الولادة تستعسر ماله شغل ابداااا سالت كذا دكتور والسهالة من الله ان شالله


ام فوفا
الله يسهل عليج حياتي