ليييييش اللحم ما يضبط معاي .. شقاعده اسوي غلط؟؟؟

[Sisyphus]

ااااااااه بنات والله تعبت حدي من سالفة اللحم
الله يجزي اللي تعلمني الف خير
انا تو عليمية طبخ بس بشكل عام اكلي زين
مشكلتي باللحم اني مهما اطبخه ساعتين و ثلاث اللحم يبقى صلب
مع ان عمر الذبيحة اربع شهور و خمس شهور
يعني زين بحسب ما اعرف
مع ذلك اشوف ناس يسوون اللحم بساعة ونص
و يطلع يجنن يذوب بالحلج
صراحة ميتة ودي اصير جذي


زوجي يموت باللحم اللين
و دايما يقولي ليش سواتج باللحم مو مضبوطة
لانه يطلع صلب شوي
ابييييه يذوووووووب بماي اللحم

شنو مشكلتي؟
يعني انا انظف اللحم بماي مغلي مدة نص ساعة
و عقبها احطه بجدر وماي مغلي جديد و اخليه يطبخ مدة ساعتين
قالولي لازم نار قوي لكن ماكو فايدة
و قالوا خلي النار ضعيفة
بس هم نفس النتيجة
نوروني بنات

 

[جارة القمر]

حبيبتي ليش تفوحين اللحم مرتين


انا افوحه شوي وبعدين احمسه مع البصل والثوم والبهارات



بس ما أحط معاه ملح ببداية الطباخ

http://www.q8yat.com/t394113.html

 

[^_^ حوراء ^_^]

أنا اسوي اللحم ذببببببببببببببده و هاذي طريقتي

أفوح اللحم ساعتين مـع :

بصله كامله - عود دارسين - 5 حبات هيل - قفشه من ( كركم - فلفل أسود - بهارات مطري اللحم )

بهارات مطري اللحم لونه أبيض و ينباع مع البهارات .. ما يأثر عالطعم بس يخليه لين

و آخر ثلث ساعه أضيف الملح

 

[ام الدرر]

ساعتين ولا ثلاث ومايستوي مو معقوله
اخاف نوعية اللحم موشي
عالعموم انا احط اللحم بماي فاتر بدون شي واخليه لين قريب يغلي
ابدا اشيل رغوة الزفر لين تنتهي ويصفى الماي
احط بصله كبيرة مقطعة وحبات هيل ومسمار ودارسين
واخليه يغلي على نار وسط ساعتين او حسب حجم اللحم لما قريب يستوي اضيف الملح
وعقب مايستوي اطفي النار واخلي اللحم نص ساعة او اقل شوي بالماي يتشرب من ماي السلق ويصير ترف مو ناشف
اشيله من الماي اما احطه بالفرن يتحمر او احمره بزيت​

 

[noynoy]

غيري اللحام اللي تتعاملين معاه

 

[شندوخه]

نقعيه بشويه خل ابيض
يخليه زبببببده
وبعدين اذا طبختي اللحم لاتملحينه ابدا نطري باخر نص ساعه ملحيه

 

[أحلى همبه كويتية]

لا تحطين ملح وياه الا اذا قرب يستوي اخر ربع ساعة


انا استخدم جدر الضغط صار لي سنيييييييييين وبنييييييييين
مريحني
ثلث ساعة اللحم ذايب

 

[مفعمه بالحيويه]

حبيبتي مالج الا طريقتي هههههههه

بعد ما تنقعين اللحم فالماي لين الثلج يذوب ، غسليه مرتين جذي لين ينشال الدم


حطي اللحم فالماي على نار عاليه ، طلعي الريم او الرغوه


غيري الماي بعد ما ينشال الريم ، حطي ماي جديد وحطي البهارات ، والخضره الي تبيهناا ( على حسب الاكله ومقاديرها )

. بعد مايغلي الماي اول غليه ، قصري الجوله على نار هاااااااااااااااااااااااديه لمدة ساعه < اهم خطووه


بعد ساعه بالظبط علّلّي او زودي على النار لييين ينشف الماي ،




شوفي اللحم شلون شكله مستوي وذاااااااااااااااااااايب ومافيه ريحة زفره

ساعه هالمده كافيه يستوي فيها اللحم على نار هاديه

 

[مفعمه بالحيويه]

مممم

بعد ساعه اذا حابه تحتفظين بالماي احتفظي فيه بس المهم انج تحطين زييت + شويييية ثوم وزنجبيل مبشورين مع البهارات