لي ثلاث سنين وعلى على هل حال

[لولو305]

يارب بهسنة الجديدة اني اتزوج

اللهم امين ،،، عسى ربي يرزقج عاجلا غير اجل

 

[Shinexo]

رزقج عمره مراح يجيج لما تقعدين تطالعين رزق غيرج وتقولين شمعنى هم وانا لا انا احسن وهم لاء ..

بعدين عمر الزواج ماكان شهوه , الزواج مسؤوليه كبببببببيره .. تخيلي تتزوجين واحد فيه ضعف مثلا بتطلقين منه بتدورين واحد ثاني ؟

الله يرزقج ع قد نيتج

 

[ياهم لدي رب]

حبوبه حلج بسيط الدعاء والاستغفار
ادعي الله باوقات الاجابه
اقري عن الدعاء المستجاب والادعيه المأثوره عن الرسول اللي يستجاب بعدها الدعاء

 

[جامعيه طموحه]

يارب بهسنة الجديدة اني اتزوج

وان شاءالله انا معاج يارب اتزوج وكل البنات d:

 

[dalo0oa121]

تدرين قمت اشك بنفسي اني ناقصة وانه غيري احسن مني بسبب هالاشياء
وانا بعد احس اني باعنس ومحد يبيني ..
حتى البنات يكرهوني ومايبوني اصير فرند وياهم شالحل

 

[مزيونة الخبر]

امر بظروف صعبه اتمنى ربي يفرجها

 

[مياوي ديسمبر]

حبيبتي لا تزعلين من الكلام الي بقوله حاولت ارسلج على الخاص لكن مو راضي لان لازم تمسحين الرسايل الي عندج عشان اقدر ارسل لج

على فكرة انا عمري 27 سنه و مو متزوجه و حاليا مو موظفه يعني بطالية

عشان ما تقولين انتي متزوجه و مو حاسه فيني

لاحظت من كلامج انج وايد تطالعين الي حواليج يعني شنو ,,, يعني عينج على غيرج حبيبتي تبين تعيشين مرتاحه لا تشوفين غيرج

هذي اجكر مني و تزوجت و انا احلا منها و ما تزوجت و هل انا جيكرة لا انا مالي حظ انا اكيد بعنس و اقعد ابجي ما ينفع هالكلام كانج تعترضين على حكم رب العالمين انا عارفه انه مو قصدج و بتقولين مو بايدي

و انا اقولج صدقيني بايدج بقولج شلون انا ادعي و اقول اللهم اني اعوذ بك من الهم و الحزن و الجبن و الكسل و الدعاء الثاني الي ادعيه اكثر شي اللهم اني اعوذ بك من الحقد و الحسد و الغيرة و الغرور و التكبر و الكراهية و الغل

اذا انتي ما قمتي تفكرين بالي عند غيرج صدقيني هذا نص التعب راح

نرجع لكلام الاهل و القرايب و الكلام الي يقولونه اقولج شغله خلي ردودج كلها ثقه عليهم قالولج ليش ما تزوجتي ليل الحين قولي قسمه و نصيب و انتي وااااااااااااثقه مو تقولينها باكتئاب و دايما حطي ببالج ان رب العالمين ما اخر عنا الزواج الا لحكمه هو اعلم فيها سبحانه و تعالى و ما يجوز نعترض و لازم نحمد الله على كل النعم

كانو يقولون لي المفروض انتي الحين عندج عيال ارد و اقول هذي حكمه الله ما يجوز تقولون لي هذا الكلام هو الرزاق سبحانه و الاعلم بمافيه الخير لي و ما اخر عني الزواج الا لخيره و صدقيني صدقيني صدقيني و الله اذا كنتي مؤمنه بهالشي هذا نص التعب الثاني خلصنا منه الله الرزاق سبحانه

كلنا عايشين لكن نهايتنا حفرة لا تخلين للهم و الحزن مكان كبير بحياتج انا كنت نفسج ضاعت مني ايام و اشهر و سنين و بعدين شنو راح استفيد و غير جذي استغفر الله كنت افكر اني ما تزوجت ليل الحين و راح ارضى باي احد يخطبي لكن سبحان الله لما شفت فيديوات لمشايخ يتكلمون فيها عن الدعاء و ان الدعاء ممكن يستجاب او ان يرد لان فيه ضرر للعبد ارتحت و ايقنت ان الله سبحانه هو العالم بما فيه الخير لي و لو كنت انا متزوجه بذاك الوقت مادري شنو الضرر الي راح يصيبني


و عندي لج نصيحه لا تصدقين الرومنسيات تراها اغلبهاخرابيط و جذب الزواج من اوله لي اخره مسؤوليات و لو سمعتي رومنسيات او شفتي شي من هالكلام قولي من كل قلبج الله يوفقهم يا رب و عقبالي ان شاء الله عشان يقولج الملك و لك بالمثل باذن الله

بتقولين عندي مشكله الفراغ العاطفي و عفوا على هالكلام ( التفكير الجنسي ) انا اقولج صحيح انها فطره فينا جميعا و لكن تدرين شنو احسن حل

احسن حل الدعاء انج تدعين لنفسج و لغيرج من بنات و شباب المسلمين بالستر و الزواج و العفه و اللهم اغننا بحلالك عن حرامك و بفضلك عمن سواك و تشغلين نفسج لا تخلين لنفسج مجال للتفكير و لا تحطين راسج على المخده الا اذا كنتي بتنامين على طول

و السموحه ادري طولت عليج وايد لكن لا تزعلين انا حبيت اني افيدج و ابيج تعيشين حياتج و لا يضيق خلقج على شي الحمد لله على جميع النعم اهم شي الصحه و الثبات بالدين هم اهم شي بالدنيا

و عسى ربي يغفر لي و للجميع يا رب و يرزق جميع المسلمين ما يتمنونه من خير

و الله يستر عليج و يرزقج بالي تتمنينه يا رب و يكتب لج كل خير

 

[مزيونة الخبر]

حسبنا الله سؤيتينا الله ان الى راغبون

 

[لقياك]

لو تشوفين حواليك تلقييين كثييررر ماتزوجو ..
بنت عمتي تععععععععدت 30 وعادي مهتمة بشكلها ومتوظفة واخر همها الزواج ..
بعدين شوفي بالمنتدى ياكثر اللي مو متزوجات وانا معاكم ههههههههههه
الله يرزقنا بالزوج الصالح ..

 

[سور المدينه]

الله يكتبلج ولد الحلال اللي يسعدج باقرب وقت
انتي لاتخلين الزواج اكبر همج
صدقيني بس تنسين الزواح يجي من نفسه

 

[رمادية الهوى]

اللهم فرح وبشر مزيونه بالزوج الصالح واسعدها وارزقها ياارب
وكل بنت يارب يرزقها بزوج صالح انك على كل شئ قديرياارب
امين

 

[رودي الطويرقي]

تو راده بالقسم على وحده بنت بلدي
وانت بعد بنت بلدي
هذا الواقع ياقلبي بالسعودية وغيرك الكثير والكثير والكثير
للأسف مجتمعنا يحطم المراه ولا لها أي دور ولا برأسها أي طموح لان مجاديفها مكسره
فتعتقد ان الزواج طوق النجاه لها لان المجتمع مو قاعد يأخذ بيدها
لا تحزني على شي بعلم الغيب
وصدقيني توك لا تفكري الحين بالزواج لحد ما توصلي 30 وفوق
لان اغلب السعوديات يتزوجون بعد هالسن
استمتعي بعزوبيتك حاولي يكون لك هدف غير الزواج
ولا تحطي ببالك انك بتعيشي ملكه لان زواج السعوديين ياتصيب ياتخيب ما تدري عن اللي بتزوجيه أي شي ولا تعرفي تفكيره حتى ولا هو راعي بنات أولا وبعدين تنصدمي بالواقع هذا اذا شفتي شكله قبل الزواج
ادري رأيي ماراح يعجب الكثير بس هذا تفكيري ورأيي
عموما تذرفين دموعك على شي ما يستأهل وهذا هو مجتمعنا ولا انت اول وحده تتأخر بالزواج
الله يوفقك

تهرجين عن السعوديه ولا عن المريخ ؟ كل العالم فيهه الصايب والخايب والكل فيهم اللي يتزوجون من بدري وف ال18 وفي اللي فال30 يعني السالفة مو سالفة بلد بعينها , وبعدين مو حلوه يطلع منك كذا على ديرتك . *مزيونة الخبر* الله يعطيك حبيبتي ويوفقك وان شاء الله جايك دورك والله يرزقك ب اكثر من اللي ف بالك ويسعدك سعادة الدارين .

 

[مزيونة الخبر]

ااة بس من القهر والحرمان

 

[ANOoOo]

الله يرزقك وكل مسلم ومسلمه

اكثري استغفار ودعاء وقيام وصدقة

ولاتخافين رزقك مكتوب ومنتي ماخذه الا المكتوب لك