مأساة ابناء مع مرت الأبو >> قصه واقعيه انصحكم تقرونها ~ بقلمي Wjdanoo

[zyouN]

السلام عليكم ،،
هذي القصه واقعيه عن ناس انا اعرفهم بس غيرت بأسماء الأبطال بليز اللي بينقل القصه يحط اسمي لان قلتلكم اعرف اصحابها \\


قصتي تتكلم عن حياة مؤلمة عاشتها مها مع خواتها واخوها الصغير
حياة مليانة بالمآسي ....خلونا نبدأ قصتهم ...ونعيش معاهم

أبو خالد ... الزوج الطيب الحنون الأب الرحوم كان متزوج على زوجته أم خالد ...
أم خالد عندها بنات وصبيان ... ومن عقب الغزو ياب زوجها ابو خالد عياله من مرته الثانيه ...وسكنهم عند ام خالد ... وعياله اهما \\
· مها عمرها 10
· ساره عمرها 7
· مريم عمرها 6
· سعد عمره 5
وأمهم من دوله عربيه خلتهم وابو خالد طلقها ..
ولما كانوا عند ابوهم كانت مرت ابوهم { ام خالد } تعاملهم عدل وتنوم البنات مع بناتها والولد سعد مع عيالها..

بعدها بسنتين مات ابوهم ،، فقدوا الرحوم الحنون ...
وبعدها بدا مسلسل التعذيب مع مرت الأبو ,, عاد تفننت بالتعذيب !!
أول شي سوته بنت لهم غرفه بآخر البيت وايد صغيره >> جنه محكر حمام :s !
ماقصرت حطتهم كلهم بغرفه وحده ،، ثلاث بنات وخوهم ،، جان زين بعد حطت لهم مثل الاوادم كمبل ومخده حاطتلهم جرجف >> غطا يتغطون فيه وطبعن كلهم يتهاوشون عليه كل واحد يسحبه من الثاني !!
ماحطتلهم حمام (تكرمون) ،، اذا يبون حمام يروحون للحمام وانتو بكرامه اللي عند خوانهم ،،
ومرت ابوهم ( ام خالد ) ماتخليهم لايتسبحون ولا يطلعون !!

والشي اللي يعور القلب صج اهوا ...؟؟

نكمل البارت الياي ..

 

[على الطيب تربيت]

حسبي الله عليها من اولها كذا

متى بتكملين الجزء ؟؟

 

[sweet gairl]

اهم شييي ما يتسبحون ويع ستخفر الله ويت يو

 

[zyouN]

الجزء الثاني \\
اللي ماتخاف الله الطاووسه مرت ابوهم طلعتهم من المدرسه ماتبيهم يتعلمون وينجحون
تبيهم طول عمرهم فاشلين >> سليمه تصكها

كانت تنقص عليهم بالأكل ... و اذا حطت لهم الأكل تخلي الأكل يالله من فضلك يلوع الجبد بس تسوي حركه تشهيهم عشان يتهاوشون مع بعض ،،
كانت تحط صحنين ، الاول تحط فيه شوية عيش جنهم خرفان
والثاني تحط فيه دياي ولا صمون تحط بس نوع واحد عشان الكل يتهاوش عليه وفعلا كانوا يتهاوشون عليها ،، ولا عيالها تحطلهم طبق من ذهب !! بعد ماتخليهم يشربون ماي مثل خلق الله ، كانت تخليهم يشربون ماي من الحنفيه ! حنفها الله حنفه حنفه :p

والطاووسه أم خالد لاعصبت ولازعلت على عيالها هددتهم توديهم غرفة اخوانهم >> المحكر ، وتحبسهم جم ساعه \\ حتى عيالها ماسلموو منها !
واهيا طبعا فهمت عيالها ان هذيلا فيهم مرض عشان يكرهونهم من وهما صغار !!

ويوم من الأيام يا الفرج لأختهم الكبيره مها ...
نكمل البارت الثالث بعدين ..

 

[sweet gairl]

ننطرج حبيبتي


امبي حقيره ستخفر الله

 

[the twins]

عفيه كمليها بسرعه

 

[zyouN]

الجزء الثالث \\
الفرج اهوا ان في يوم يت عيوز كبيره شكلها رزه يت تخطب من ام خالد وعاد تعالوو جوفوو الفرحه

بــس تفاجأت ام خالد ان العيوزه يايه تخطب مها بنت ريلها بوخالد ،، تصرقعت ام خالد شلون بنت ريلها الصغيرتنخطب وما خطبت بنتها الكبيره !! والغيره كلت قلبها
مسكت نفسها وقالتلها نردلج خبر ..
ولما راحت المره ، صرخت الطاووسه ونادت عيالها وعيال ريلها جان تقوم وكفخت مها تكفخ من القهر >> مسيجينه خو اهيا شكو !!
مها لما درت ان ياها نصيبها وايد وايد ستانست عشان بتفتك من عذاب مرت ابوها ..

وبعدها باسبوع لمن اسألوا عن الريال لقوه سنع وريال كفو ،، لما درت ام خالد ان الريال خوش ريال راحت حق اللي بتخطب مها جان تقولها يام حمد انتي ييتي تخطبين من احسن ناس بس خطبتي بالغلط !!
أم حمد ردت عليها : شقصدج خطبت بالغلط ..؟
ام خالد: خطبتي الصغيره بنت ريلي بوخالد وخليتي بنتي الدلع والسنع >> غصب طيب تلزق بنتها !!
ردت أم حمد : بصراحه أنا اشكرج على ييتج بس انا متعمده اخذ بنت ريلج بما ان امها خلتها وابوها ميت بحتسب الأجر وباخذها لولدي >> زين تسوي فيها

وتمت الملجه وتحديد العرس وهم المهر ،، وكان عمر مها بهالوقت 16 سنه ..
والدعله ام خالد خذت كل المهر وشرت لمها طقم عادي لاهو ذهب ولا ألماس ولا فضه بالمختصر بوطقه
واستأجرت لها ثوب ابيض عاادي وحطت الباجي بجيبها ....
ومازهبت مها للعرس ،، حسبي الله عليها ،،
ها اكمل ؟؟

 

[sweet gairl]

اييييي ايييي كملي كملي

 

[zyouN]

شدعواا الحين 44 المشاهده و7 اللي ردوو !!

 

[كوين74]

وااااااااااااااااااااااااااااااااااااااااااااي

حسبي الله عليها ...... الله ياخذ حيفهم وقضاهم منها

كملي حبوبه بلييييييييييييييز لا لا اتعلقينا بلييييييييييييييييييز​

 

[Zainabo]

كملييي ناطرينج ومالت عليها تاخذ فلوس مو فلوسها والله حرام عليها تسوي جذي فيهم

 

[على الطيب تربيت]

متاااااابعه ننطر

 

[zyouN]

بنزل البارت الرابع بعد شوي

 

[ام جراح1]

يعطيك اااااالف عافيه
وماقصرتي في البارت
في انتظرك يوم ​

 

[عزومي قويه...]

وااي هذي من بدايتها
يعطيج العافيه اختي ع القصه الروعه 
و احنا بانتظار البارت

 

[zyouN]

يعافيكم والحين انزل البارت الرابع

 

[zyouN]

الجزء الرابع \\
ويا عرس مها ... وعيووون ام خالد ميته قهر شلون بنت زوجها تتزوج قبل بناتها ويصير عندها عرس كبير وصاله وطقاقه واللي قهرها صج ان المعرس زوووغه اينن ولد اصل وفصل ،،
وخوان مها مريم وساره بجوو عليها من الفرحه وراحت مها مع ريلها وردوو خوانها للعـــذاب .
ام خالد جافت ان ولد زوجها سعد كبر وبدا يفهم فخافت منه كان عمره 12 سنه ،، قالت لعيالها ان سعد يمثل خطر علينا واخاف ينتقم منا لان يكرهنا ...
فلقت لها حل سريع فودت سعد عند الاحداث .. عند اصحاب الجرايم وعند اللقطاء اللي مالهم اهل ... ودت البريء وحرمته من خواته
كان قرارها هذا وايد صعب على خواته وبجوو عليه وتقطعوو من البجي وترجوا مرت ابوهم ترده لهم مارضت حسبي الله عليها ماتخاف الله قطت الولد واهوا بريء !!

أما مها من عقب ما ابتسم لها الحظ شوي ردت وعاشت بجحيم ثاني تدرون ليش ..؟
شنوو الجحيم اللي عاشته مها ؟؟ اكملكم بعدين .

 

[على الطيب تربيت]

تفاعلت معاها حيييييل يالله متابعتج كملي

 

[كوين74]

حبوبه بارتاتج واااااااااااااااااااااايد قصيره

ياريت اطولينها ....... لوتاخذين فكره من قصص البنات

وتسلمين ...... كملي متابعينج​

 

[عزومي قويه...]

واااي هذي من شنو مخلوقهما تخاف ان الله يبتليها بعيالهاحسبي الله عليها من مره
و تسلم ايدج ع البارت الحلو بس يااريت تطولين البارتات نفس ما قالت اختي "كوين74"