مأساة الكويتية... زوجج يشفط معاشج سواء بالطيب او بالغصب ؟؟؟ تعالي هني

[Sisyphus]

اوبرا ياقلبي مشكورة عالرد
بس انا مو عزابية
انا متزوجة بس بعدني طالبة بس بتوظف قريب ان شالله

 

[كليـ دلعـ]

انزين بنات سؤال
بس كلي دلع لا تخرعيني ههههه احسج تصارخين والله خفت منج تمنيت ما كتبت الموضوع هههه




آفآآآآآاااااااااا



تمنيتي ماكتبتي الموضووع مرره وحده!!

افااااااااااا


ماتعودت حبيبتي انافق انا اقول الحق لو ع نفسي

روحي اقري صاحبه المشكله ملامح يوسفيه
ا

اقري سالفتهاا وبتعرفين ليش اتا اعصب من هالموضووع


واسمحيلي ع المرور الاخير

 

[Sisyphus]

كلي دلع شدعوه
قاعدين نتغشمر معاج لا تزعلين
ليش اخير شدعوه
انا وجدة استفيد من ردودج ماله داعي تزعلين

 

[ليلو جبريت]

بنات كبرو عقولكم شوي وايد صايرين ماديين يعني لو عنده جان قصر معاج !!!!


هذي مرت ابوي تسولف عن ولد اخوها مرته شاقه جيبيه ماتصرف فلس واخد عالبيت وكله تبي شقه و سيارته وسيارتها واشتراكات النت و سفر و لبس وتبي ماركات و لبس اليهال والماجله و الريال على قده ،، تقول اذا خلص معاشه ايي يطلب منا فلوس واسبابه بيروح يعشيها بمطعم ولا بيشتريلها هديه عيد الحب عشان لاتزعل

تكفه وين هيبة الريال ؟؟ ضاعت بسبتها يروح يتسلف من ربعه وعماته عشان حضرتها ماتبي تصرف من معاشهاعالبيت شي !!! عنبوج الريال عازج ورازج وسفر اللي ماكنتي تحلمين فيه ببيت ابوج سفرج وجذي تطيحين قدره عشان حزارتج

بعضهم عندهم بس مو حق حريمهم

 

[ليلو جبريت]

بصراحه انا استانست على ردود كل دلع في هالموضوع بالذات

صح ومعاها 1000000000000000000000 %

 

[حبوبة الأطفال]

المشكلة هني خواتي من الصوبين

تفكير المرا انها تساعد زوجها من جميع النواحي لدرجة انها تبخل على نفسها
او
انها تحمل زوجها فوق طاقته حتى مصاريفها الخاصة تبيه يشيلها عنها

بإختصار
(خير الامور اوسطه)

يعني
الزوج ملزوم بأمور البيت (ماجلة-تصليحات-نواقص البيت-مصاريف العيال) والامور الثانية عاد اهو كيفه مثلاً سفرا او طلعه .. إلخ

والزوجة تلتزم بمصاريفها الخاصة واذا حابه تحط شي في البيت "زيادة" من عندها لاباس
والله يعينها المرا تنكرف في البيت ومع العيال والزوج وفوقها الدوام وشوي تصير (سوبرومن)

واسمحولي اقول في النهاية

كل وحده تتحمل تصرفاتها
مو بعدين تتشكى من بخل زوجها وانه اشكره يقول لها انتي اشتري او حطي في البيت!!!

 

[RO0O7Y KUWAITYA]

كلي دلع ........ بهالموضوع الصراحه بدعتي صرتي كلي حكم ؛)

انا معاج بكل حررررررف

 

[ليلو جبريت]

معا الي فوقي
والله صارت كلي حكم

:eh_s(15)::eh_s(15)::eh_s(15):

اقولج كلي دلع اقول حق امي عن هالموضوع
الا تقول بعد الريال وجوده في البيت يكفي


تعالي هدي عليها

 

[عمري الكويت]

اوبرا

عين عقل والله يعجبني كلامج

 

[حجيه هيونه]

بس احب اقول معلومة للي يصرفون علي بيوتهم


باجر لي صار نقاش بيقولج ليش انتي شمسوية

يعني لا تظنين راح يبين بعينه ولا بيقول جزاها الله خير تصرف

راح ينكر كل شي


ديروا بالكم يا حريم لا ينقص عليكم

 

[سفييره الكويت]

[/color]








واظح الكلام من موجه له

دايم تدسين السم بالعسل

ثمن انتي شلون تدشين الزوجيه وتفتين. وتوجهين المتزوجات

وانتي ماصرتي زوجه ليلحين!!

خبري فيج تستهزئين بالعادات والتقاليد

والمشاركه من العادات والتقاليد

فشلون دافعتي عنها!؟

المفروض تردين ع الموضوع بدون تعرض لردرود احد

الناس احررارر

والشراكه وماقلتي ماشوفها عمرت بيووت

كلن يشكي ويلطم بسبه هالشراكه!!

من خلقنا الله نعرف المره مكلوف فيها ريلهاا

بس الظاهر الساعه قربت

اللي صارت المرره تدفع للريال بس عشان يخليها بذمته!!

واللي يفتي الناس ع الاقل يكون ناجح بحياته

موو اموره موعارف يدبرهاا

وطايح له افتاااء ومطنزه!!

دنيا عجيبع

البنت تفتي المتزوجات وتوجهم!؟

ع اي اساس!؟!

واي انانين بكرامتناا ولا مغفلين وسذذذذج

ماعليه حبيبتي وجهه نظر

واحترميها

 

[opera]

بليز فرقو بين الصرف وبين المساعده

محد قال المره اللي تصرف عالبيت وعالريل واليهال

احنا قلنا تساعد اذا تلزم الامر

وفي هالحاله مانتكلم عن الناس المرتاحه ماديه واللي عندها اكثر من دخل (الحمدلله )

انا كلامي موجهه للفئه اللي دخلها متوسط .. انها لازم تساعد ريلها عشان يعيشون عيشه كريمه مثل غيرهم بدون لا يدخلون بمتاهات القروض والاقساط

 

[om al ghaleen]

صراحه المرا اللي تصرف على بيتها صرف كامل
ريلها مو رياااااال ..
شحقى عيل اسمه ولي امر ؟!

بس كمساعده وطيب منها ماننزل من قدر الريال
لانه هالشي قاعد يصير برضى الزوجه
ومثل ماقالت اوبرا مااتشنطط علشان بس اشيل ايدي من المسؤوليه ..

بس تذكروا الريال ماله آمان يعني كل وحده تخش لها بيزتين تنفعها للمستقبل .."

\\

 

[نور83]

خلونا نكون واقعيين..!

وسط الغلاء اللي نعيشه نقول الريال معاشه 1000 وطبعا اقساط سياره ومساعد احد من اهله واجار الشقه والماجله والخدامه

ومصروف العيال +اغراض المدرسه+يخش لبيت المستقبل

والزوجه تبي مصروف بانزين +ملابس كل شهر +كل اسبوع مطيحه بالجمعيه +مكياج +سفر بالصيف

شيبقى من راتبه؟؟؟


المفروض الزوجه نص راتبها لها ونص الراتب لزوجها وعيالها التعاون بالامور الماديه تعطي لذه الشراكه يفتقدها اصحاب القلوب

الانانيه..!

:rerrerek:معاج الف بالميةً.

 

[opera]

انا مستحيييل اصدق انه اللي عايشين كلي على معاش الريل واهي خاشه فلوسها ومعاش ريلها متوسط بحدود الالف او اكثر شوي ان الريال عايش مرتاح

ولا جان ماشفتوهم يصيحون طيحو القروض ولا جان طلعو اعتصامات عشان الزيادات

 

[y7lok_7loho]

الله يكون بعونكم

 

[kwait doll]

انا اشوف اراااء البناات وحده اقصى اليمين والثانيه اقصى الشمال

يعني مافي داعي

سوو توازن


اهم شي اعرف رقم حسابه والرقم السري

عشان لي قال ماعندي ادق عالبنك اتاكد


واذا ساحبهم وخاشهم هم بعرف

ممكن اعطي زوجي بس بحالة ما عنده

لان الرياييل يتعودووون وطماعييين

 

[BubbLe87]

انا مع كلي دلع
و بيني و بينكم انا طالبة و ما اشتغل
مصرفي كله على ريلي
و لا ناوية اشتغل لانه مو مطلوب مني هالشي
انا خالي كان يداوم بثلاث وظايف عشان يعيش مرته و عياله بالمستوى اللي اهو يبيه
فانا ماني مضطرة اتوظف عشان اترفه
لاني مو ملزومة بهالشي
مثل ما اهو مو ملزوم يغسل هدوم و يرتب البيت و يغسل المواعين
عدلا و لا لا

 

[نونه المنكوشه]

انا عندى مبدا اذا الريال طيب ويستاهل اعطيه راتبى وفوقهم بوسه ولااسال اصلا عن شى اسمه فلوس ولاتهمنى لكن اذا حقير وخوان وموكفو ومعاشه حق كشخته وبنات الحرام اعطيه عله اتعل قلبه حريمة شواربه فلس واحد << ههههههههههه حدى اتحمست

 

[opera]

المساعده مو حق الريل عشان يروح تايلند ولا عشان يشتري سياره يقز فيها

المساعده عشان بيتج يقوم وعشان عيالج مايطالعون غيرهم

نرد ونقول الريال مسول



الحين تذكرت وحده من اهلنا ,, اهي دكتوره وعندها عياده واحنا عارفين شلون زحمه عيادتها وريلها موظف عادي

عندها ٣ بنات الله يحفظهم ،، تصررف عليهم صرف احسن لبس واحسن سيارات والماسات من معاش منو ليكون من الابو

يعني شيمنع الام انها اذا عندها تسوي حق عيالها ؟؟ غير البخل و كلمه خلي ابوكم يصرف عليكم !!!