" مأ أحب الصدف بس حبيت صدفتك "

[Prίηςësş ツ]

الشرف لي
ثينگس ع المتأبعه قلبوشتي

 

[أخت الحالمة]

ننطرج على نار, الله يوفقج ويحقق اللي تبينه يارب

 

[Prίηςësş ツ]

اللهم اميييين ويحقق گل امال مسلم
ومن عيوني بعد ساعات انزله لگم

 

[A7laa kuwaitia]

لاا صدف انتي اسمج سارة وانا اسمي سارة
انتي صف عااشر وانا صف عااشر
مابقى الا تقولين متى عيدميلادج و يمكن تصدميني لووول

 

[ا ح ب ك]

يالله ساره وينج نبي بارت

 

[A7laa kuwaitia]

يلاااا ناطرينج

 

[Prίηςësş ツ]

بعد ساعه ان شاءالله انزلگم
ههههههه انا بشهر 10 اتوقع انتي 9

 

[أنا دلوعه]

أب

أب

أب

 

[Smooy]

يييلآ سساره تححمسسست بسسرعه نززلي بباررت>>وتررى نززلت البارت الثالث بروايتي

اب اب اب اب اب اب اب اب اب اب اب اب اب

 

[Prίηςësş ツ]

اوكي أنزل بارتينيني يعني 2 بارت ههههههههههههههه
واخلص واروح اقرى بارتج اوكي
ويت

 

[بنت الدموع]

اوكي أنزل بارتينيني يعني 2 بارت ههههههههههههههه
واخلص واروح اقرى بارتج اوكي
ويت

يعني بتنزلين بارت |؟..,؟:eh_s(22):

 

[ا ح ب ك]

ناطرينج

 

[Smooy]

آوك حتـــآتي آخذي رآحتج

 

[A7laa kuwaitia]

لاا انا شهر وااحد لوووول

ناطرينج

 

[mj2012]

يلا سارونه بسرعة
نبي بااااااااااااااااااارت

 

[A7laa kuwaitia]

يلااا نزلي بارتين

 

[ا ح ب ك]

يالله وينج 

 

[Prίηςësş ツ]

بنزل الحين بارت وبعد شوي بارت اوكي
ويت بس

 

[بنت الدموع]

يلا نزلي البارت

 

[Prίηςësş ツ]

هذا البارت اتمنى يعجبكم
=====================

لما بيطلعون من المقبره حلف راكان ان اهوا الي راح يوصل بدر لي البيت لان حيل خايف عليه
وبالسياره كان يعم الهدوء على بدر وراكان
بدر كان قاعد ويطالع الدريشه والشارع ويشوف الكل مستانس ويلعب ويتذكر كل لحضه كان مع وليد فيها ..
قعد يتذكر بدر مواقفه اهو ووليد والمواقف المحرجه
تذكر قبل 4 سنوات يعني لما كان عمره 15
كانو رايحين المسيره بالعيد الوطني
كانو متلثمين بدر ووليد وضاري ومعاهم رشاشات ماي وموديهم عبدالعزيز بـ سيارته ومطول على الاغاني الوطنيه اخر حد وطلع بدر بالكشف مال السياره وقعد يرقص يرقص <= رقصه عجييب
ووليد طالع من الدريشه ومعاه رشاش ماي وضاري طالع من الصوب الثاني يرقص ويصفق ..
والكل كان يطالعم ويصورهم لان كانت اشكالهم عجيبه ويشيشون الواحد يرقص
[[ في ناس ماتعرف شنو المسيره > المسيره يسونها بالاحتفالات الوطنيه عندنا يعني بالشوارع الناس ترش على بعض ماي و(فام = رغوه ) ويحطون اغاني ويرقصون ولابسين اعلام وجذي يعني احتفالات ]]
جت بنت لوليد وقالت له ..
البنت : مشاءالله عليك مزيون ..
وليد انحرج : هه تسلمين ..
البنت : ممكن اصورك ؟؟
وليد : ليش ؟ّ!
البنت : لان عجبني رقصك :eh_s(22):
وليد : اوكي عادي دام اني مارقصت واجد بس يلا هههه ..
البنت استحت وصورت وليد وهو مسوي حبتين هع ..
بدر فوق بالكشف قاعد ..
بدر : اووه اووه شعليييك يالمزيون ههه ..
ضاري : بدر ممكن اصور معاك ههههههههههههههههههههههه ..
بدر : كاااااااااااااااااااااااااااااااااااااااااااااك ..
وليد انحرج ازياده : اقول شرايكم تسكتون ..
بدر : عبدالعزيز الحق الحقق ..
عبدالعزيز طلع راسه من الدريشه : شنو شنو ؟؟
بدر : في وحده ..<= وقبل لا يكمل رش وليد على بدر ماي ..
بدر يصارخ : لا غرقتني السبايكي تعبت عليه لااااااااااااا ..
وليد : تستاهل عشان تعرف تمسك لسانك شوي ههه ..
ضاري : هههههههههههههههه يا مسكين ..
وليد : شرايك اغرقك انت بعد ؟
ضاري : لا خلاص ههههههههههههههههه ..
بدر دمعت عينه بعد ماتذكر المواقف الي مرت بحياته اهو وليد ..
راكان : بدر ..
بدر : .................................. <= سرحان ..
راكان : بدررررررررررررر ..
بدر : .............................
سكت راكان ماحب يضايق بدر اكثر
ومازال الهدوء بالسياره ووصل بدر البيت
كان الكل متجمع بالصاله
دخل بدر البيت وماتكلم ولا كلمه راح سيده صوب الدرج يبي يصعد لغرفته ..
شهد : بدر .. بدر ..
بدر : .............................. <= مايرد ..
صعد بدر فوق غرفته ..
ام عبدالعزيز حاطه ايدها بقلبها : يما شفي ولدي ؟؟
شهد :بخوف والله مادري يما . اروح اشوفه ؟ّ!
ام عبدالعزيز بضيق : لا خلي يمكن يبي يقعد بروحه شوي ..
شهد بخوف: والله اني خايفه عليه ..
دخل عبدالعزيز وابو عبدالعزيز وباين عليهم الحزن والضيق : السلام عليكم ..
شهد وام عبدلعزيز : وعليكم السلام والرحمه ..
قعد ابو عبدالعزيز وريح نفسه ..
عبدالعزيز يطالع بدر الي قاعد يصعد بالدرج بيروح غرفته
شهد : عبدالعزيز تدري قعدت انادي بدر مايرد علي ..
عبدالعزيز : اي والله اليوم بعد كسر خاطري حيل طلع برا ماستحمل يشوف وليد وهم يدفنونه ..
ام عبدالعزيز تبجي : الله يصبر قلبك ياولدي بدر ..
الكل : اميين ..
فوق دخل بدر غرفته وحذف نفسه على السرير من التعب ..
بطل الدرج مال التواليت .. واخذ تلفونه وقعد يطالع الفيديوات الي مصورينها بـ مغامراتهم بالمدرسه وبالبحر والمخيم و صورهم وقعد يتذكر ودمعت عينه للحضه وحس بضيق واشتاق لوليد وقعد يبجي ..
==============
[ بــ لندن بالمستشفى ] ..
ضاري : يبا انا قررت ..
حمود : ها شنو قررت ؟؟
ضاري : يبا انا ..
حمود : قول ..
ضاري : برد الكويت ..
حمود بضيق : هذا ختيارك الاخير ؟ّ!
ضاري : اي يبا ..
حمود : الي يريحك ياولدي سوه ..
ضاري : باجر ارد الكويت ؟؟
حمود : كيفك تبي باجر نردك باجر ..
ضاري : اي يبا ابي ارد باجر لان احس في شي صاير بالكويت ومو معلميني ..
حمود : مثل شنو ؟؟
ضاري : مادري والله بس احس في شي وخاشينه عني لاني اكلم بدر مايرد واكلم شهد ماترد واكلم عبدالعزيز احس متغير ووليد مايرد علي احس في شي ..
حمود بضيق : الله اعلم ..
ضاري : يبا انت تدري عن شي ؟ سامع شي ؟
حمود بتوتر : لا مو سامع شي ..
ضاري حس بتوتر ابوه بس ماحب يضايقه ..
حموديضيع السالفه : اي صج خلصتوا اغراضي لاني اليوم بطلع من المستشفى ؟
ضاري : صج يبا بتطلع من هني حمدلله على سلامتك ..
حمود : الله يسلمك ..
خلص احمود ورتب اغراضه ورد البيت وعلم الكل ان باجر بيرد ضاري للكويت ..
نوره تغيرت تعابير وجها لما درت ان ضاري بيسافر باجر
حمدان : ضاري رتبت اغراضك ؟
ضاري : اي ..
حمدان : يعني كل شي خالص ؟
ضاري : اي ..
حمدان : وانت يا خالد ؟
خالد : انا مرتب اغراضي من يوم قتلي ان بتأخذني الكويت هه ..
حمدان : يعني ماتتعطل ..
نوره حست بضيق لان ضاري بيسافر وماراح تقدر تشوفه : ضاري بـتسافر باجر ؟
ضاري : اي ..
نوره بضيق : توصل بالسلامه ..
ضاري حس بالضيق الي بين بـ وجه نوره
ضاري بينه وبين نفسه : ليش تغيرت تعابير وجها لما درت اني بسافر وليش باين عليها الحزن من الخبر ؟؟ يمكن تحبني ؟؟ لا لا مستحيل ؟؟ وليش مستحيل ياضاري .. اووه مادري وانا ليش اتعب نفسي اهي اذا تحبني ختقولي ..
خالد : والله اني مستانس اني بروح الكويت وبشوفها لأول مره ..
سعد : ليش بتروح وتخليني ؟ انا بروح بعد معاكم ؟
حمود : لا مايصير انت عندك مدرسه ..
سعد : حتى خالد وحمدان جامعه ؟
حمود : اهم غير اهم جامعه انت مدرسه في فرق ..
دخل عليهم مشاري ابو خالد وسعد .
مشاري : السلام علييييييييييكم ..
الكل استانس وقام يسلم عليه ..
حمود : حمدلله على السلامه ياخوي ..
نوره : حمدلله على السلامه خالي ..
حمدان : حمدلله على السلامه متى وصلت ..
مشاري : الله يسلمكم توني وصلت من المطار لي البيت ..
حمدان : جان خليتنا نستقبلك بالمطار على الاقل ..
مشاري : والله مامداني ادق واعلمكم ..
حمود : مو كأنك راد مبجر شعندك انت قلت يوم الاحد ..
مشاري : اي لان في كم شغله ماخلصتها ..
سعد : يبا اشتقنالك ..
خالد : اي والله يبا حيل فقدناك والله لك وحشه ..
وقعدوا يحضنون ابوهم ..
مشاري : ماتفقدون غالي ..
حمود : ضاري يبا سلم على عمك مشاري ..
ضاري راح سلم على عمه : حمدلله على السلامه عمي ..
مشاري : الله يسلمك .. انت ضاري مشاءالله عليك نسخت ابوك ..
ضاري : تسلم هذا شرف لي ..
لولو : ياحلوك والله ..
نوره بينها وبين نفسها : اي والله ياحلوك ..
حمود : اقعد استريح شفيك واقف ..
مشاري : لا والله تعبان وابي اروح انام لان باجر وراي شغل لازم اخلصه ..
سعد : انزين يبا اقعد معانا شوي ماشبعنا منك ..
خالد : اي والله يبا لاحق على الشغل ماراح يطير ..
مشاري مستعجل : اذا فضيت ان شاءالله ..
وراح صعد غرفته عشان ينام لان وراه شغل ..
سعد نزل راسه بضيق وخالد احبط وتضايق من حركت ابوه لان ابوهم دايم مشغول ولاهي عنهم ومايقعد معاهم ولا مره حسوا بأحساس الابوه ..
حمود تضايق حيل من حركة مشاري لان ماقعد مع اعياله ..
حمدان : ماعليه انتو تدرون ابوكم دايم مشغول ويشتغل ويتعب وكل هذا عشانكم ..
سعد بضيق : عادي عمي تعودنا .. <= عيونه تغورقت ..
حمود عصب لما شاف الضيق والحزن الي بين بوجه سعد وخالد ..
____________________________​

هالله هالله بالردود اذا مافي ردود ماراح انزل البارت الي بعده اليوم :eh_s(4):​