مؤتمر لمهارات تطوير الذات في دوله الكويت

[Fa6oM]

مرحبا بنات .. بقولكم شي وايد مهم بيصير شهر مايوو 5 انشالله
تحديدا من 20 لي 22 مايو 2010 في فندق رجنسي
بيصير مؤتمر للتوستماسترز .. هالمؤتمر بيكون على مستوى دول الخليج والاردن وهالسنه بيسوونه عندنا بالكويت ..والكل متحدينااا ان الكويت ماتقدر تنظم مؤتمرات والمؤتمر ماراح يكون بمستوى المؤتمرات الي صارت بباجي دول الخليج وان الحضور بيكوون ضعيف
احنا نبي نرفع راس الكويت وبنفس الوقت احنا نستفيد ...
المؤتمر بيحتوي مسابقات بالخطب الارتجاليه والمعده مسبقا وبالتقييم .. واذا فاز احد من الكويت بيتأهل لين يوصل لي العالم ويرفع اسم الكويت فووق
وبيكون باليوم الواحد اقل شي ورشتين عمل و دورتين بمجال تطوير الذات .. الى الان ما تم تحديد الاشخاص الي راح يلقون هالدورات هذي
وبيكون في ورش باللغه الانقليزيه وورش باللغه العربيه
يعني تخيلو 3 ايام ورش متنوعه في تطوير الذات لاكثر من شخص بالاضافه الى شهادات تفيدكم
وو3 ايام تاكلون بفندق 5 نجوم 3 وجبات بالاضافه الى الكوفي بريك
يعني انتوو جم تدفعون عاده حق ورشه وحده من ورش العمل مو اقل من 50 60 دينار
اهني جامعين وايد ورش تحت رعايه مؤتمر كبير وفي مكان رااقي بالاضافه الى شهاده حضور هالمؤتمر ولمده 3 ايام كله هذا بسسس ب30 دينارر لي تاريخ 14-2 وو بيصير السعر 40 دينار من 14-2 لي 14-3 وبيكون 50 من 14-3 لي 14-4 ومن 14-4 ليي يوم المؤتمر بتكون التذاكر ب60 مع العلم ان تكلفه الشخص الوااااحد بهالمؤتمر 125 دينار بس لانها منظمه غير ربحيه ماراح تاخذ الا اسعار رمزيه وباجي التكلفه اهي تحاول تغطيهااا
اتمنى الكل يحضر ويستفيددد ويساعدنا عشان نرفع اسم الكويت فوق
الي مو عارفه شنو التوستماسترز تدش بتوقيعي انا كاتبه موضوع كامل عنه .. وهذا مؤتمر لمنظمه التوستماسترز اكبر منظمه تعليميه بالعالم واسم المؤتمر ديتــــاك
تقدرون تشترون التذكره من النت عن طريق التحويل البنكي www.dtacq8.com
او كاش في رميثيه ق2 ش ساطع الحصري م34 بجانب مدرسه ابو تمام
تشترون التذكره من هناك ...
بناااات هالشي محد مستفيد منه لان المنظمه بالاساس غير ربحيه .. محد بيستفيد منه الا الشخص الي بيحضر هالدورات هذي
وووبنفس الوقت بيرفع راس ديرته بحضوره الراقي للمؤتمر وتمثيله للكويت بصوره حلوه
اتمنى الكل يشارك عشان نرفع اسم ديرتنا والناس ترد تقول هذي الكويت وصل على النبي

 

[برق سرى]

واااو

هالمؤتمر تحت رعايه منو ؟؟

 

[Fa6oM]

ليلحين جاري التحضير له وقاعدين يكلمون العديد من الشخصيات المهمه بالكويت .. و احد اعضاء مجلس الامه من المتحدثين راح يلقي كلمه مهمه في تنميه الشخصيه وتطوير الذات ..
وهالمؤتمر عالمي .. كل جم دوله يشكلون قطاع وكل سنه المؤتمر يقام في احد هالدول .. يعني الخليج والاردن قطاع بروح ووفقره المسابقات الي بالمؤتمر الي يتأهل منها يروح يحضر مؤتمرات الديتاك الي بالقطاعات الاخرى الى ان يوصل الى المؤتمر بامريكا مقر المنظمه الام ويمثل دولته
وبالنسبه للورش التدريبيه ايضا جاري التنسيق مع العديد من المختصين
و3 من ابطال العالم الفايزين بالاعوام الماضيه في الخطب والتحدث راح يحضرون المؤتمر بالكويت
فعلااا ودنااا نرفع اسم ديرتنااا بين دول الخليج والاردن الي بنفس قطاعنا وونرفع اسم ديرتنا جدام الضيوف الي بيون من مختلف دول العالم ويشوفوون شلون الشعب الكويتي شعب فعلاا يهتم بتطوير الذات وتنميه الشخصيه وحضوره رااقي وفعال

 

[blue diamond]

موفقيييييييييييييييييييييييييييييييييييين يارب
للأسف هالسنه ما اقدر احضر له ان شاء الله السنه اليايه جنه بقطر بيسوونه اذا ماني غلطانه

 

[Fa6oM]

ماعندي فكره والله اهو يا قطر او الاردن السنه اليايه

 

[dream]

تحديدا من 20 لي 22 مايو 2010 في فندق رجنسي

يعطيج العافية عالمعلومات الطيبة

انا ناوية على التوستماسترز من زمــاااان

بس الحظ ضدي

يا الغلا وينه فيه فندق ريجنسي ؟

ماشاء الله على التوست ماسترز يخططون لبعيد :eh_s(21):

احنا نبي نرفع راس الكويت وبنفس الوقت احنا نستفيد ...
المؤتمر بيحتوي مسابقات بالخطب الارتجاليه والمعده مسبقا وبالتقييم .. واذا فاز احد من الكويت بيتأهل لين يوصل لي العالم ويرفع اسم الكويت فووق
وبيكون باليوم الواحد اقل شي ورشتين عمل و دورتين بمجال تطوير الذات .. الى الان ما تم تحديد الاشخاص الي راح يلقون هالدورات هذي
وبيكون في ورش باللغه الانقليزيه وورش باللغه العربيه
يعني تخيلو 3 ايام ورش متنوعه في تطوير الذات لاكثر من شخص بالاضافه الى شهادات تفيدكم
وو3 ايام تاكلون بفندق 5 نجوم 3 وجبات بالاضافه الى الكوفي بريك

ماشاء الله هذا الشغل السنع والله شكلك عضوة بالنادي او في اللجنه المنظمة

تقدرون تشترون التذكره من النت عن طريق التحويل البنكي www.dtacq8.com

اشلون طريقة الدفع عن طريق حساب البنك ؟؟

 

[Mis$ LeO]

حلو .... يبيله

انا احب المؤتمرات المفيدة صراحه

 

[Mis$ LeO]

اذا تبون مدربين اتصلي على الرقم اللي بالتوقيع ويفيدونج

 

[Fa6oM]

دريم ... حبيبتي فندق رجنسي عالبحرر بعد البدع
وطريقه الدفع والله مابي افتيلج شلون .. بس انا لما شريت التذكره شريتها كاش رحت رميثيه ودفعت بالنت مادري شلون الطريقه بالضبط

مس ليوو ... انا كنت مسافره وتوني راده وماشووف في توقيع مادري انتي شايلته ؟؟
وبالنسبه للمؤتمر ليلحين الي تم تحديده ان 3 من ابطال العالم في السنوات السابقه من امريكا .. ابطال في فنون الخطابه وفازو على مستوى العالم راح يكونون موجودين وتكون لهم كلمه .. والنائب فيصل الدويسان بعد بتكون له كلمه
وبالنسبه لللورش التدريبيه الى حد الان ماعندي تفاصيل

 

[asiii]

مششششكوره اختي اهو متى بالضبط في اكثر من تاريخ

اهني جامعين وايد ورش تحت رعايه مؤتمر كبير وفي مكان رااقي بالاضافه الى شهاده حضور هالمؤتمر ولمده 3 ايام كله هذا بسسس ب30 دينارر لي تاريخ 14-2 وو بيصير السعر 40 دينار من 14-2 لي 14-3 وبيكون 50 من 14-3 لي 14-4 ومن 14-4 ليي يوم المؤتمر بتكون التذاكر ب60 مع العلم ان تكلفه الشخص الوااااحد بهالمؤتمر 125 دينار بس لانها منظمه غير ربحيه

يعني اهو بجم يالضبط ب125 ولا هذا السعر الاجمالي ولازم نكون مشتركين بكل الالوقات ولا للوقت المناسب لنا

 

[Fa6oM]

شوفي لي يوم الاحد 14-2 .. التذكره بيكون سعرها 30 دينار تشمل المؤتمر كله 3 ايام بالورش الي فيه والمسابقات و ال3 وجبات يوميا من الرجنسي

بعدين من 15-2 لي 14-3 بيرتفع سعر التذكره ويصير 40 .. يعني كل ما الواحد حجز اسررع تذكرته تصير ارخصص لان كل شهر يزيد السعر 10 .. لين يوصل 60 وهذا السعر النهائي .. وبالنسبه لل125 .. هذي التكلفه الفعليه للشخص بس ككنت بوضح ان المنظمه ماتربح شي لان اهي منظمه غير ربحيه .. بس تاخذ مبلغ بسيط جدا