ماآخر كتاب قرأته ( دعوة للمشاركة)

[soo_soo]

والله موضوع مهمم صراحه وهاادف
انا وحده وللاسف يعني ما اقرا كتب ابدا واخر كتاب حق جامعه عشان امتحاان
ولي نيه ابي ابدي اقرا كتب احسها متعه واضيع وقتي بشي استفييد منه

فا دشييت عشان اشوف اسامي الكتب الي تقرونها واشوف شنو الحلوه واشتريها
وعجبني كتااب اسرار ممنوعه شكله حلو

 

[جوجو.]

اخر كتاب قرأته القرءان الكريم
وكان بخاطري اشتري قصه اسمها عندما يطير الغراب

 

[• MuFFiN •]

اخر كتاب قريتـــه THE SECRET

لـ Ronda Byrne

يتكلــم عن قانون الجذب بطريقة سهلــة ومبسطه ..انا اختصر الكتاب بــ " تفاءلوا بالخيـر تجدوه "

شكــرا ع المووضوع الهادف

 

[grumpy22]

آخر كتاب كان جمان لعلياء الكاظمي
اما الكتاب الي قاعدة اقراه الحين اهو المنتظر لعبدالله المضف

 

[شـ ShOoNa ـونـا]

اخر كتــاب قريته (( ذكريـاتي في جزيرة فيلكــا ))
حق جـاسم الفيلكـاوي .

ثانكس ثانكس

 

[AnGel GirL]

آخر كتاب لا تحزن

والحين اقرى عدة الصابرين لابن الجوزي قمـــــــــــــــــــــــه هالكتاب وناويه اعيد قرايته لمن اخلص لانه مفيد وايد

ومن الكتب اللي استفدت منها وانصحكم تقرونها
العادات السبع للناس الاكثر فعاليه < -- نقطة تحول بتفكيري
قدرات غير محدوده لانتوني روبنز
وحادي الارواح الى بلاد الافراح <--- مو طبيعي هالكتاب

 

[الريحانة]

كتاب زيارات ليلية للكاتب المهندس عبد الوهاب

 

[مغربية قلبها كويتي]

شكرا يا بنوتات على تفاعلكم

 

[Shiny Star]

آخر كتاب قريته ( زيارات ليلية) م.عبدالوهاب السيد
عبارة عن رواية + 3 قصص قصيرة
الرواية عجييييييييييبة ما كان ودي تخلص من حلاتها

وقاعدة أقرأ الحين ( كيف تحصل على الحب الذي تريده) للمؤلف: أ.د.هارفيل هندريكس

 

[عندي طموح]

كتاب .... الرجال من المريخ والنساء من زهرة

 

[(كويتيه عسل)]

أمس قريت جم سطر من كتاب مناهج بحث

 

[مغربية قلبها كويتي]

الله يوفقكم بنوتات

 

[بنت القادسية]

ااخر كتاب قريته ,,استمتع بحياتك,, حق الشيخ العريفي ,, تعجبني القصص الي يقولها ,, فيها عبرة

 

[مغربية قلبها كويتي]

الله يوفقك بنت القادسية

 

[شرطيه]

اخر كتاب قريته (لاس فيغاس مع التحيه) للمهندس سند راشد يتكلم عن مدينه لاس فيغاس والعروض والفنادق واهو مفيد حق اللي بتروح امريكا
بس انصح انكم تقرون للكاتب سند الصراحه وااااااااايد عجيب

 

[مغربية قلبها كويتي]

فراولتكم thxxxxxxxxx

 

[cat-girlq8]

اخر كتاب قريته

الرجل الحيوان للمؤلفه فوزيه الدريع

بس يفشل الصراحه استحي اقراه جدام ابوي واخواني ياحلاتي وانا ماسكه الكتاب واقراااه وغلاف الكتاب مكتوب الرجل الحيوان بخط واااضح وكبير

بس فضوليه شسوي

 

[om deaj]

انا شريت كتاب لا تحزن بس ماكملت ونزلت منالنت كتاب السر ترجمة لكتاب the secret
وماقريته ليلحين ومنزلة من قبل كتاب الرجال من المريخ والمراة من الزهرة وماقريته

ومشكورة على الموضوع لاني بصراحة مليت من قعدة البيت قلت استفيد شوية وبغيت ادش واحط الموضوع


باجي البنات>>> ومنكم نستفيد
بس ياليت كل وحدة قرت كتاب تقولنا عن محتواه واذا تنصح نشتريه او لا

بنات انا بشوفلكم الموقع الي نزلت منه الكتب واحطه لكم

 

[الحــ كله ــلا]

آخر كتب قريتيه
رواية وسمية تخرج من البحر حق ليلى العثمان

 

[مغربية قلبها كويتي]

merci om deaj