مااااااا أدرااااكم مااااا الهـــــكـــــرز ....!

[غـــــلاM]

السلام عليكم ورحمة الله وبركاته


الموضوع باين من عنوانه
وبدش فيه بدون مقدمات


الحين كلنا عندنا لابتوبات من احسن واجدد الانواع
وكلنا عندنا احدث واخر اصدار من الماسنجر
واللي يدش منتدى ..شات...مواقع علميه...دينيه...ترفيه...روابط العاب..اغاني...برامج...الخ
وعبالنا ان هالاشياء عااااادي
بس لو تعرفون الهكرز كان كرهتوا كل هالاشياء
واللي جهازها فيه صور لها
لاعاد تشبك من جهازها بالنت كلش حتى لو تمسحهم وتسوي فورمات ماينفع

انا بقولكم شنو يسوون الهكرز

* يخترقون اللاب عن طريق رقم الاي بي
وهالرقم يطلع عندهم بمجرد
1- قبولج لرابط منتدى ..ريمكس...اغنيه...موقع...الخ
2- المنتديات اللي فيها هكرز
3-لمن تدخلون الشات
4- تستقبلون رساله ماتدرون من منو مجرد ماتفتحون هالرساله يوصلهم رقم الاي بي

هذي الطرق اللي انا اعرفها حاليا واكيد في طرق ثانيه اكثر

* بعد مايخترقون الجهاز يقدرون يعرفون :
- كم ايميل عندج
- كم ايميل شبكتي فيه من هذا اللاب
-مع طبعا الباس وورد

* يسرقون الصور والفيديو اللي بلاب حتى لو مسحتيهم
عندهم برامج ارجاع الملفات المحذوفه حتى بعد الفورمات
الي مومصدقه تدش قوقل وتكتب : برامج ارجاع الملفات المحذوفه

*يشغل الكامره من غير لايبن عندج انها مشغله كلش كلش
دليل على كلامي: قبل شهرين تقريبا كانوا حاطين بجريدة الوطن ان هكرز مصور واحد مع زوجته واهم في غرفة النوم
الزوج شابك بالنت وحاط اللاب على السرير او الطاوله وماجا في باله ان جهازه داشه هكرز
وصور وقعد يهدده والظاهر انهم اقبضوا عليه
لاحول ولاقوة الا بالله والله يستر ع الجميع


* يشغل الصوت من غير لايبن عندكم
حتى لو موشابكين ع الماسنجر

*يسجل كل سوالفكم الللي بالماسنجر ويصير عنده فايل لايميلاتج اللي سولفتي معاهم

*يبن عند الهكرز انج شبكتي بالنت
وانتي اي موقع بالنت فاتحته

واشياء ثانيه اخفى واعظم
وماكتبت هذا الموضوع الا عشان احذركم
اللي عندها صور بلابها لاعاد تشبك بالنت وتشتري لاب ثاني
لان خلاص ماكو فايده حتى لو تمسحهم يقدرون يرجعونهم
والهكرزيين شباب ذبحهم وقت الفراغ
فدشو النت ونزلوا على لابتوباتهم برامج الهكرز
وقامو يتصيدون الايميلات ويخترقون اللابتوبات ويشوفون شنو فيهم من صور وفيديو
انا ايميلي انسرق ودش على هكرز وعرف اسمي من ايميلاتي
صج تضايقت ومالقيت احد يساعدني
والكويت مافيها شرطه الكترونيه تحمينا من بلاوي الهكرز
وانا للحين خايفه على صوري انا واهلي لمن كنا مسافرين اخاف انه لحق يسرقهم
حرام عليهم والله مو قادره انام الليل ذبحني التفكير والوسواس اخاف ينشرهم
انا كرهت النت وكرهت الشباب كلهم بسبته

تكفون ردوا على موضوعي موبس تقرونه
واللي عندها اي معلومه تفيدنا فيها
وارفعوا الموضوع عشان الكل يستفيد

ولاتحرموني من دعائكم
الله يكافينا شرهم
ولاحول ولاقوة الا بالله العلي العظيم

 

[جـــواهر]

عسالله يبعده عنج ويكفيج شره وعسا كيده بنحره ان شاء الله
ودايم قولي لا حول ولاقوة الا بالله ...

ومشكووووووووره عالمعلومات المفيده قلتي اشياء اول مره اسمعها ..
وانا ماعرف عنهم شي بس ماقول عسالله ياخذهم ان شاء الله ..​

 

[غـــــلاM]

آآآآآمين ياقلبي
وجزاج الله خير

دشوا قوقل واكتبوا : الهكرز
بتطلع لكم معلومات كثيره

 

[يعجبني شموخي]

مشكوره عالمعلومات وبصراحه في اشياء اول مره اسمعهم ..

 

[غـــــلاM]

يسلموووو ع المرور والرد

37 اللي قروا الموضوع ومحد رد ...!
الظاهر انهم مايدرون انه حيل خطير
وشي مايستهان فيه
والله يعين ويستر ان شاءالله

 

[JODA]

لا حول ولا قوة الا بالله ناااس ماتخااف الله والفراااغ اهو اساااس المصاايب طيب استفيد منه يشئ ينفع مو شئ ما تاخذمنه غير دعوة الناااس وتحسبهم عليك ..


الله يهديهم ان شاااء ويكفينااا شرهم ..

انا عندي سؤاال شلووون تعرفين اذا مخترق الجهاااز هكرز؟؟؟ اكو طريقه نعرف فيهااا والا لا؟؟

 

[توتــه]

امبيه والله خوفتيني

الله يستر

 

[منبر الثقة ~]

أي عدل أنا مرة بنت خالتي قالت لي إني دخلت وسبيتها بالماسنجر وتهاوشنا أنا وياها
مع اني ماكلمتها
وكلم بنت خالي ورفيجاتي
حسبي الله عليه
آخر شيء دروا إنه هكرز
وغيرت الباسوورد
:
:
:

 

[شمعة ليل]

حسبى الله عليهم

 

[::كسرة عود::]

اي والله خرب عندي 4 ايميلات ولابتوب حاط فيه باسوورد...!
يسلموو..!

 

[~~مس خوخه~~]

يعطيج العاافية خيتو
ما قصرتي الله يبعدهم عناا يارب..

 

[Dream ~]

مشكووره ,, و انصح الكل يغطي الكام ما مالته ,,


و انا ودي اصير هكرز مو عشان اخرب لاب توب الناس لا بس عشان احمي نفسي ,, لول


,,


و الله يكفينا شرهم ,,, و يبعدنا عنهم ,,

 

[فديتوني..q8]

آختي آسمحي لي مو كل هذآ يقدرون يسوونه !
آنآ آكثر وحدة آعرف هكرز .. وشكثر ضآيفه .. مآيقدرون يسوون كل هذآ
يمكن 4 بآلكويت بس آللي عندهم كل هآلبرآمج ..

يقدرون يبوقون آلآيميل آذآ قبلتي رآبط مآتعرفينه بس
ومعروف آن بآلجآت يطلع للمشرفين آلـip يعني آلكل يعرف

ومآكو برآمج آرجآع آلملفآت .. حتى آللي بقوقل يمكن روآبط فآيروسآت ..~

لآ تخآفين يآقلبي ولآ تحآتين آنتي مآتدرين لحق يهكر جهآزج ولآ لآ ..~
لآن آللي عنده فآير وول ممتآز مآيقدر يدش له لو يقعد 9 سنين يهكر ..~

وآنسب حل للهكرز بلوك ديليت ومستحيل يردون صدقيني ..~

آنتي قآرية عن هكرزآت بررى مو بآلكويت .. بآلكويت يخترقون موآقع مآلهآ حمآية ويبوقون بآسووردآت سهلة ..~
مآعندهم غير هآلشغلة فآقولج ريحي بآلج يآقلبي ..ومثل مآقتلج شكثر آعرف هكرز وآلله جهآزي مآيدشونه حتى عن ضحك آقولهم دشوآ مآيقدرون لآن آلفآير وول آصلي ..~

حبيبتي لآ تخآآآفين .. وآتمنى كلآمي طمن قلبج..~

 

[فنتوقه]

انا اليوم باقوا ايميلي ...اذا بتعرفون السالفه دشوا هالرابط
http://q8yat.net/showthread.php?t=419945

 

[سوسو العصلة]

لا حول ولاقوة الا بالله بس بسالج فديتوني شنو الفاير وول انا ماقدر امع اخواني كلهم يدخلون بللابتوبي واخاف يستقبلون من ربعهم وانا اللي اتوهق

 

[وردة الهوى]

الله يحمييينا منهم يارب ابي اعرف ايش يستفدوون بس
الله يهديهم

 

[روح الوردالاصلي]

الله يحمييينا منهم يارب ولا حول ولا قوة الا بالله

استغفر الله

 

[سيسبان]

الهكرز مو كل هالخطوره
تره اهم يعتمدون على استغفال الضحايا
يدزون لج ملف تنزلينه على جهازج ومنه يقدرون يخترقون الجهاز

غير جذي صعب يخترقون كمبيوتراتكم

 

[ShoSho_4]

عدل كلامج وسالفة البنيه الي مع زوجها هذي انا سامعتها من بنت عمتي اهي البنت مع بنت عمتي بالدوام وبلغو عنه بالمخفر حسبي الله ونعم الوكيل ديروا بالكم بنات نصيحه لا تحطون صوركم باللابتوب ومشكوره على هالموضوع ما قصرتي حبيبتي ..

 

[sose 11]

مشكوره
صراحه معلومات اول مره اسمعها
تسلمين