مااااليزيا

[أثير الورد]

تقريبا كم سعر الفندق

 

[ام الفوز]

السلام عليكم اشلونج اختى الجورى انا عشت فى ماليزيا سنتين وفيها اماكن روعه اول شي اذا تبين فندق عندج الماريوت وروعه وسعره تقريبا 30 واو 35 دينار الليله وعندج الريجنت همن نفس المستوى وسط السوق وشارع العرب كله بتشوفين عرب والشارع بليل روعه وعندج شقق فندقيه اجبال البرجين تون تور وايد حلوين عندج شقه بغرفتين وصاله تقريبا 40 ويمكن الشقه الاصغر اقل بالسعر وعندج فندق 5نجوم المندرين هذا غالى اشوي وعند البرجين وعندهم مطعم صينى روعه داخل الفندق يصير بدور الاول وعندج مطاعم وايد فى الماريوت فى الدور الارضي وفيه بشارع العرب مطاعم الطربوش لبنانى وعندج ناب ايرانى وايد اكلهم حلو ورخيص طيب وعندج الاسواق تايم سكوير وال كى ال سي سي هذا تب وعندهم كل شي ماراكات واشياء رخيصه وعندج جايناتاون هذاسوق صينى فيه كل تقليد الماركه وانتى رايحه وعندج ون اوتاما هذا بعيد شوي بس يستاهل تروحيله وعندج ملاهى فى الجبال اسمها جنتنق تروحين لها الصبح عندج تكاسي وايد يودون تلقينهم كله صاطرين جدام الفندق ملاهى وجو وغيم صراحه شي خيال وعندج الجزر لنكاوى وايد حلوه وفيه شاليهات على البحر روعه بس بينانغ مو حلوه ما اعجبتنى ماادرى عن ذوقج روحى جربي وفيها جزو وايدحلوه انا مارحت لها بس الى كانو معانا راحو لها وايد حلوه لانى كنت حامل وذا تبين تنتهزين الفرصه روحى بكتوايد رخيصه عن طريق ماليزيا وروعه ادرى قرقت وايد بس اى استفسار انا حاضر وعليكم بالعافيهوان شاء الله تستانسون وترا ماليزيا يبيلها جمعه وانتى واختيارج:eh_s(17):

 

[أثير الورد]

هلا ام فوز
يعطيج العافيه
بصراحه ما قصرتى
بس بغيت اسأل اقدر اجيب بضاعه

 

[ام الفوز]

:eh_s(8): هلا حبيبتى الله يعافيج ما سويت شي تقدرين تيبين بضاعه عندج وايد اشياء تقدرين تيبينها مثل اكسسوارات ملابس اطفال جناط وانتى بكرامه جواتى والزين فيهم شهر سبعه وثمانيه كله تنزيلات وعندج محل فى ال كى ال سي سي اسمه باركسون داخل المجمع عندهم سوالف حلوه وأسيتان هم داخل المجمع وعندج مجمع اسمه سوقو عندهم سوالف حلوه وعندهم محل اسمه فنجى كل جواتى وصنادل وايد حلوه ورخيصه وقوليلهم انا باخذ منكم كميه ينزلولج بالاسعار وربي يوفجج واى استفسار انا حاظره :eh_s(8):

 

[ام الفوز]

وعلى فكره انتى اى طيران ناويه اتحجزين

 

[أثير الورد]

ما قصرتى يا ام فوز
والله بالنسبه لطياران للحين
بس حنا نبى نحجز على الكويتيه لان لنا خصم 50%

انتى شرايج

 

[ام الفوز]

السلام عليكم ورحمة الله وبركاته :هلا اختى الجازى بصراحه ما انصحج على الكويتيه دايم عليها تاخير وترانزيت اخذى يا القطريه واتصدقين ربعى الى فى ماليزيا ما يرجعون على الكويتيه كله القطريه ما عليها تاخير ما شا ءالله وعندج السيلانيه يمدحونها بعد وانتى براحتج الى يريحج واى سؤال انا حاضره

 

[أثير الورد]

هلا وغلا
بس اختى فيه فرق بالسعر
يعنى لو نحجز الكويتيه انا وزوجى ب 200 وشئ
بس لو ما عندنا خصم يصير انا وزوجى 400 وشئ

شرايج
بس حبيت اعرف اسعار القطريه والسيلانيه

 

[امون حبيبة زوجها]

انا رايحه ماليزيا ومحد هب فيها
لدرجة اوري رفيجاتي صوري يقولولي شطرى على بالكم هالديره اول مره


كانت نظييييييييييييييييفه مرتبه كل شي بنظام وبعداد التكاسي بالدور وبالعداد
المحلات رخيييييييييييييييصه وراقيه
الشوارع نظيييفه لاغبره لاديزل ولاشي
والله نرد البيت رجولنا نظاف
الشعب محترم وبس يظحك بشوشين<<<<للاسف كانت

عقب الهبه
صارت فوضى
وصخه
ديزل
ماكو نظام
التكاسي شالو عداداتهم وصارو مثل تكاسي مصر
هذا غير انها صارت اغلى
والشعب لاعت جبده من الخليجين
خربوهم علموهم على البخاشيش والتشيش

 

[شهدQ]

الجازي خليج ع الكويتية دام عندج خصم

القطريه 200 وشي

القطرية ترانزيت دوحه

الكويتية ترانزيت بانكوك


الاسواق

كلهم متشابهه افضلهم

سوق سوريا البرجين التؤمين والتايم سكوير وهم سوقو

الاسواق الشعبيه عندج السوق الصيني شنط مقلده بس بعضها صيني وبعضها كوري

بس انتبهي الكوري قليل وينباع بالخش والدس

واذا عطاج سعر عطيه الربع على طوول

 

[ام الفوز]

هلا حبيبتى الجازى شوفى القطريه والسيلانيه تقريبا نفس الاسعار بس احنا كنا ناخذالقطريه لانهم كانو يعطونا خصم تقريبا 50 بحكم عمل زوجى وقتها وقفو الكويتيه بس دامنه انتى عندكم خصم توكلى على الله وروحى عليها ومنها تشوفين بانكوك بس ان شاء الله ما يصير عليها تاخير الله يوفجج