ماادري ليش الناس جذي نظرتهم:(

[bellaa]

السلام عليكم
عيدكم مبارك مقدما
انا الصراحه موعضوه يديده قديمه بس حبيت اكتب مشكلتي بنييك يديد

الصراحه مادري ليش الناس نظرتهم جذي حق الي مومتزوجه انا عمري 28 و اكبر بنت بقيت من العايله من الصوبين طرف امي وطرف ابوي الكل تزوجو بقو الي اعمارهم 21 وتحت انا ادري انه هذا نصيب والي الله كانتبه يصير واذا حكمه الله انه وحده ماتتزوج موبيدها بس الناس الحمد الله والشكر لله يعنى ساعات لما اكون بيمعه او شي يطالعوني نظره انى مسكينه والكل يخزني ويقولون الله يرزقج يارب جنه فينى نقص يحسسوني ليش الناس صارت جذي حتى امي ساعات احسها مثل ضايق خلقها لما تقولي فلانه انخطبت اقولها الله يوفقها تقولي ايي نصيب بس ساعات اكره اليمعات صرت عشان مابي اسمع حجي يعنى مره بيمعه خالتى قاعده تقول الله يرزقكم يارب التفتت قالت ويي الكل متزوج بس ماكو الا( بيلا ) عني انا بينت انه موهامنى اطالعها وابتسمت انا ادري انها ماتقصد بس بصراحه حده يحز بالخاطر ياربي متى الناس تفهم انه هل موضوع يضايق ليش الناس جذي يارب ترزقنى وترزق الكل زوج صالح عاجلا غير اجلا يارب حبيت افضفض عندكم وابي دعوه منكم

 

[nonua ~!]

رد : ماادري ليش الناس جذي نظرتهم

السلام عليكم
عيدكم مبارك مقدما
انا الصراحه موعضوه يديده قديمه بس حبيت اكتب مشكلتي بنييك يديد

الصراحه مادري ليش الناس نظرتهم جذي حق الي مومتزوجه انا عمري 28 و اكبر بنت بقيت من العايله من الصوبين طرف امي وطرف ابوي الكل تزوجو بقو الي اعمارهم 21 وتحت انا ادري انه هذا نصيب والي الله كانتبه يصير واذا حكمه الله انه وحده ماتتزوج موبيدها بس الناس الحمد الله والشكر لله يعنى ساعات لما اكون بيمعه او شي يطالعوني نظره انى مسكينه والكل يخزني ويقولون الله يرزقج يارب جنه فينى نقص يحسسوني ليش الناس صارت جذي حتى امي ساعات احسها مثل ضايق خلقها لما تقولي فلانه انخطبت اقولها الله يوفقها تقولي ايي نصيب بس ساعات اكره اليمعات صرت عشان مابي اسمع حجي يعنى مره بيمعه خالتى قاعده تقول الله يرزقكم يارب التفتت قالت ويي الكل متزوج بس ماكو الا( بيلا ) عني انا بينت انه موهامنى اطالعها وابتسمت انا ادري انها ماتقصد بس بصراحه حده يحز بالخاطر ياربي متى الناس تفهم انه هل موضوع يضايق ليش الناس جذي يارب ترزقنى وترزق الكل زوج صالح عاجلا غير اجلا يارب حبيت افضفض عندكم وابي دعوه منكم

حبيبتي الزواج قسمه ونصصيب

والله يرزقج باالزوج الصالح الي يعرف قدرج

لاتتضاقين حياتي


موفقه حبي

 

[MoonDiamond]

رد: رد : ماادري ليش الناس جذي نظرتهم

الناس استغفر الله نظرتها مو شي للي ماتزوجت وجنى الذنب ذنبها مو نصيب!!!!!!
يعني لو بايدنا رحنا خطبنا احسن الرياييل وخصوصا لاحظوا اللي ما تزوجوا ماشاء الله عليهم جمال وسنع وشهادات!!

وكلي الله يا بنت الناس والناس ماوراهم الا عوار الراس..
وروحي وزوري ولاتهتمين بالكلام

 

[جوك احلى جو]

ماله علاقه الناس ترا مو كلها جذي بس لان انتي داخلج متحسسه من الموضوع فيحز بنفسج

والزواج نصيب سبحان الله تلقين بنات حلوين قاعدين وبنات عادين قايم حظهم

 

[الحسن كله]

يابعد قلبي الله يرزقج بالزوج الصالح بس بقولج على شغله (إرضاء الناس غايه لا تدرك) يعني الناس مايرضيهم شي أبد إذا كنتي بنت قالو ليش ماتزوجت ولمن تتزوج وتطول ماتحمل قالو ليش ليلحين ماجابت وإذا تزوج عليها زوجها حطو فيها عيوب الدنيا وإذا تطلقت قالو لو فيها خير ماطلقها يامعوده خلي عنج حجي الناس ونظرتهم بطقاق لا يهمونج ولا يحركون فيج شعره وأنا بنظري إن اللي تقط نغزات هذي إنسانه مريضه وفيها نقص مو إنتي..والحمدلله محد ميت بدون أحد ماراح تموتين لو ماتزوجتي بالعكس حياتج أحس من مليون متزوجه وتعاني بالعالم..
يابعد قلبي ماعليج من نظرة الناس اللي ماعندها نظر .. خل يهمج النقد اللي يكون على شي بيدج مو شي بيد رب العالمين

 

[bellaa]

رد : ماادري ليش الناس جذي نظرتهم

مشكورين بنات رفعتو معنوياتى والله جزاكم الله خير والله يوفقكم :yaaaaaarb:

 

[اميرة-الاحجار]

عادي حبيبتي انا الحين صارلي 8 شهور متزوجه ويحسسوني اني عقيمه مافيني عيال واشكره يقولون مسكينه الله يعطيج اللي تبي موحاصلها واللي ماتدري عن عيالها يعطيها كوكش للعلم انا وريلي اول 5 شهور كنا مسوين عزل يعني ماكنا نبي عيال ..
الله يقطع هالاطباع الخايسه .. انا من عمري20 كانو يحسسوني اني ماراح اتزوج وينكسر خاطرهم علي
وكنت مثلج اكره اليمعات عشان طاري الزواج مع اني ماكنت وايد مهتمه بالموضوع ولا كنت احاتي بس اهم يخلونج تهتمين غصب بس عشان يسكتون

 

[سبحانك يارب]

رد : ماادري ليش الناس جذي نظرتهم

يارب ارزقنا بالازواج الصالحين
انا مريت بمواقف بس اللهم لا اعتراض

 

[نيولوفر]

رد: رد : ماادري ليش الناس جذي نظرتهم

الله يرزقج باالزوج الصالح الي يعرف قدرج

 

[lovely jojo]

رد: رد : ماادري ليش الناس جذي نظرتهم

الله يرزقج بالزوج الصالح

 

[دلع العتبان]

رد: رد : ماادري ليش الناس جذي نظرتهم

لاشدعوة ياقلباتي ربي يرزقج من واسع رزقة لاتتحسسين

 

[mi corazon]

رد: رد : ماادري ليش الناس جذي نظرتهم

بيلا حبيبتي .. آنا بعد عمري 27 .. وماصار نصيب

حياتي مو مهم الزواج نفسه المهم يكون الزوج كفو

ولا شوفي الحريم متلعوزين مساكين ماسوت عليهم فرحة العرس ورغبتهم بالستر اياهم الريل ومرمط عيشتهم

دامج متهنيه في بيت اهلج تنامين وقت ماتبين وتطلعين وقت ماتبين وراحة بال لا وين راح وين يه ووووو

صدقيني اكو زواجات صارت في عمر الـ20 وفشلت فشل ذريع واكو زواجات صارت بسن الـ40 ولا أجمل ولا أروع

نصيبج مجمد لج لا تخافين مهو رايح لغيرج ثقي بربج

تقبلي مروري

 

[لوازم العائلة]

رد : ماادري ليش الناس جذي نظرتهم

الله يرزقج بالزوج الصالح

 

[candle of night]

حياتي ماتتوقف الحياة على رجل شوفي انا تمنيت اتزوج اليوم قبل باجر والكل كان يتكلم انه ليش ماتزوجت وكان عادي شعوري قدامهم بس من وراهم كنت اتضايق واتحلطم انه اللي مو حلوين يتزوجون بسرعه وحظهم كبير ومن هالحجي بعدين وكلت أمري لله وصار عندي شعور عااااااااااااااادي تزوجت والا ماتزوجت وسبحان الله عقبها ملجت وعرسي شهر 12 ولعلمج تحسفت قلت لو أدري ناطره شوي مع انه نصيبي وجاني بس احنا مايعجبنا العجب والله >>> لعلمج عمري27 تقريباً بعمرج
عيشي حياتج بالطول والعرض باجر إن شاءالله اذا تزوجتي تقولين ياليتني سويت جذي وجذي
الحياه حلوة من غير رجال صدقيني

 

[رنه خلخال]

ياعمري الله يرزقج ان شاءالله وبهالشهر الفضيل والعشر الاواخر وبليله 29 ان شاءالله مايي رمضان الا وانتي ابيت ريلج ومرتاحه يارب وعسى ربي يرزقج ويرزق كل بنت بالزوج الصالح اللي يسعدها

 

[قـہۈه فـرنسيـہ™]

حبيبتي ...هذول هم الناس ...ترضين منو وتخلين منو ...تزوجتي أو ما تزووجتي ...الكلااام جايج من كل مكااااااااااااان ...

هههههههه أنا وعمري 23 يقولون لي حراااااااااااااااااااااااام ليش ماتزوووجتي !! خخخخخخخ استغفر الله ...ودي أشق حلجهااا والله

يعني بهالعمر عندهم اني عنست مالت عليهم ... يعني صج صج فيهم غباااء ولا شنووو ؟؟ أقول لهم توني صغيره وكيفي مابي أتزووج الحين بستانس ...صج يطلعونج من طووورج والمشكله يحسسونج جنه عمرج 35 .... صرت أطنش ...يعني لو مو عرسي بعد 3 شهووور جاان خلااص ...عانس رسمي الله يكفينا شرهم

والمشكله الوحده فيهم ما تشوووف نفسها ....أسكت احتراما لهم وما أحب أجرح اللي جدامي ...يعني اللي تقول لي هالكلااام ....متخانقه مع زوجها وصار لها شهر فبيت أهلها ...
والثانيه ......................الخ ...



أهل العقول في رااحه ...بس ثقي تماما اللي بتتكلم فيج ...حوبتج ما راح تتعداها وربي بيبلاها ...

 

[*سحآبة*]

رد : ماادري ليش الناس جذي نظرتهم

الله يرزقني وياج يآرب ..

 

[بحر الرمال]

ادري فيج والله
بس اذا اهما مو قصدهم مثل ماقلتي عادي بالعكس شايفين فيج مواصفات زينه و للحين مانخطبتي عشان جذي يحسون بالتعاطف معاج
بس البلوى اذا متعمدين يحرجونج ..

 

[بولندية]

حبيبتي ماكو بني ادم مرتاح

اللي موو متزووجة تتضايق من الناس ومن كلامهم و اللي متزوجة وماعندها عيال الناس ياكلونها بكلامهم و اللي عندها ولد معاق مثلا تكسر خاطر الناس وهم ما يخلونها بيقولون اهي ماكله شي واهي حامل فيه اللي صار بولدها بسبتها

حبيبتي اذا انتي مرتااحة بوضعج ماعليج من احد ادري صعبه جذي الكل متزوج الا انتي بس ماعليج ادعي ربج استغفري حااااااااااااااااااااااااااااااااااااااااااااااااااااااافظي على صلاة الفجر بوقتهاااااا وشوفي ربي شلون ماراح يخليج

 

[candle of night]

جيكي عالخاص ضروري