ماادري ليش الناس جذي نظرتهم:(

[معلمة العاصمة]

انا دخلت ارد على موضوعج مع انى ما ادش وايد النت وحبيت اقولج سالفتى باختصار
ثقى انه الرازق اهو اللى بيرزقج مثل ما رزق غيرج ومحد بياخذ رزقج صدقينى طالت ولا قصرت
الشغله الثانية انا باخر الثلاثينات وموزعلانه بصراحه مع انى انحط بمواقف مو حلوة واحرجت كثيير وانسحبت وانطويت بس فى النهاية
ايقنت انه عيشتى احسن من عيشه بعض المتزوجات اللى محسرين فيهم رياييلهم واللى وايد منهم يتمنون ربع عيشتنا وراحه بالنا ودايم اقول الحمد لله انا احسن من غيرى وصدقينى اللى يشوف مشاكل الناس تهون عليه مشاكله ومشكلتنا مجتمعنا الا ما يؤمن بالقضاء والقدر وان الله يقسم الرزق ودايم تشوفين كلمة مسكينه بعيونهم قبل لسانهم نصيحتى لج وانا اكبر منج استانسى وروحى خلى اللى يقول يقول مثل ما قلت لج رزقج لج مو لحد غيرج
والله يكتب لكل بنات المسلمين الزوج الصالح
اتوقع رفعت من معنوياتج صح :ggdw:

 

[عيش و مرق]

يامعوووووده خل يولون وعبالج اذا ماتزوجتى بيسكتون لالالالالالالالالالالالالا

لايزااااااااال مسلسل الحنه شغااااااااال

تزوجتى ....زيييييييييييييين مابغيتى قعدتى كم شهر ماحملتى وىىىىىى لايكون فيج شيى ...... حملتى كم شهر لج ومتى تولدين وشنو فيج بنت وله ولد

طلع ولد براءه طلعت بنت قالولج يالله ميخالف الى تيب البنت اتيب الولد لوووووووووووول واهى بكرج ماعندج غيرها كنج يايه 10 هههههههههههه
وبعدين هاااااااا مايبتى اخت وله اخو متى بتيبين الثانى وهلما جراااااا ,,,,,,,, الخ
بختصار ماكو فكه

 

[يا ليل مطولك]

حااااااااااااااسه فييييييييييج والله ..


بس لا تشرهين على هالنووووعيه من النااااااااس لانها مريضه ومسكينه

ما تدري ان كل شي قسمه ونصيب وان الواحد ما يمووووت الا مستوووفي كل رزقه

انتي خليييييج قووووويه جدامهم هذا اهم شي هو اكيييد بتنكسرين من دااخلج بس ما عليج جدامهم خليج قووويه

وتالي الليل ادعي ربج وتضرعي له وان شاءالله ربي يستتتر عليج وعلينا ياااااارب

وبنااااات خلكم واقعيين الي تقووول الزواج مو مهم واستانسي

بس صدقوني البنت في عمر معين خلاااااص عندها رغبه الامومه رغبه الاستقرار بمملكه خاصه فيها ...


اوووووكي بيت اهلي اعيش معززه ومكرمه واطلع واجي على كيفي لا زوج ينكد علي ولا حنة جهااااااال



بس ترا الحيااااااة مو بس طلعه وروحه وناسه لااااااااااا


الوحده تبي الستر تبي بيت تبي عياااال ... سبحان الله كل شي نصيـــــب ,,


وعسى الله يرررزقج ويرزقني بالازوااج الصالحين ياااااارب

 

[أموت برزة عقاله]

رد : رد: ماادري ليش الناس جذي نظرتهم

انه عمري 23 ومحسسيني اني عنست خلاص

وبكل مكان ولا بعرس لين اسلم تنقال لي هالكلمه " الله يرفع حظج يارب " ادري دعوه حلوة بس تضايقني حيل انه موب مستعيله ع عرس

وبصراحه بنظرظي اجوف روحي توني صغيره وخاصه انه ملامحي جي الكل يقول لي طفووولية وخريجه وانطر الشغل

وعندي شغل اهم من زوج بصراحه ,,,,, والله هالناس بلوة يجرووح بدون ما يثمون الحجي وساعات بدون ما يحسووون

بس شنقول الله كريم

الله يرزقج اختي بالريال السنع الطيب الي يحبج ويحترمج ويرزقنا معاج يارب

 

[Flower20]

رد : ماادري ليش الناس جذي نظرتهم

حبيبتي الله يرزقج بالزوج الصالح والله كل تأخروا بالزواج من اللي اعرفهم يااهم نصيب حلووو
من صبر ناال
عليج بالدعااء وبسسس هذا اللي تقدرين عليه

 

[Tom ♥ Jerry]

.


طنشي تصرفآتهم و لا تحطينهآ ببآلج كلش ..
الزوآج قسمه و نصيب و عسى الله يرزقج الزوج الصآلح
آدعي ربج و خلي حيآتج تمشي طبيعيه
لا تحرين عمرج و لا شي
و تجآهلي تصرفآتهم

 

[دمع الروح]

الله يرزقج بالزوج الصالح وجمييييييييع بنات المسلمين

 

[LuLiTa]

حبووبة ما عليج منهم,, انتي عيشي حياتج و استانسي و الزواج نصيب تركيه على رب العالممين ,,شنو يبون يعني اتروحين اتخطبين حق رووحج و لا شنو ؟؟

 

[ﭔ سـﮛويتـ ﮱ]

رد : ماادري ليش الناس جذي نظرتهم

آنا اكره الناس الي تحط بعقلها ان الزواج مصير كل بنت ع وجه الارض << خيير بابوو
وين عايشين حنا,, أكره الناس الي جذي احسهم متخلفين
يعني كآنها تقول انتي مالج حياة ,,
استغفر الله ...
ع العموم ولاتحطي في بالج شي ولا تحاتين نصيبج انشاءلله بييج بس لا تفكري كثير ولا تحاتين ..
اوك

 

[honey lust]

حبيبتي ليش تتضايقين هذا نصيبج و محد بالدنيا بياخذ غير نصيبه
و ترا مو معناته المتزوجات مرتاحين شوفيهم كل واحده شايله هم بقلبها
و لا تصيرين حساسه
عادي شنو يعني ما تزوجتي ترا الدنيا مو كلها زواج في وايد اشياء تحققين نفسج فيها
و نصيبج مكتوب و انتي اببطن امج و انشالله بتاخذينه
و لا يضايقج كلام الناس لان اهمه مو مكانج و لو يدرون هالشي يضايق اكيد ما قالوه

 

[*أم*خالد*]

خلج قاعده ابيتكم احسن من ما تتزوجين واحد مو زين وتكتبين مشكلتج بقسم المشاكل الزوجيه وتبجين وماتدرين شتسوين
على الاقل راسج فاضي ماعندج مسؤوليات غير نفسج

انا مثلج كنت افكر واحاتي وشايله هم

اللحين قلت بالطقاق باللعنه
تزوجت ولا ماتزوجت اهم شي احط راسي عالمخده ماكو شي بجسمي يعورني وفلوسي موجوده بالبنك
وعسى ربي يحفظ لي امي وابوي ويطوول لي بأعمارهم ويجعل يومي قبل يومهم

 

[BaiTotia]

رد : ماادري ليش الناس جذي نظرتهم

ماكو بنت ماتبي تتزوج أحلى شي الوحدة يكون عندها بيت خاص فيها وعيال تخاف عليهم

بس كل شي قسمة ونصيب

وماتدرين شنو ربج خاش لج

والناس حاولي تطنشينهم اللي يسمعهم يتعب

 

[bellaa]

رد : ماادري ليش الناس جذي نظرتهم

يزاكم الله خير بنات مشكورين وماقصرتو صج صج كلامكم ونسنى وريحنى

بس ياربي الناس حاطه كل شي دوبهم دوبه مثل اليوم العيد لابسه وكاشخه يطالعونى بنظرات وكلمتهم الله يرزقج جنه حياتى وقفت بس على هل شي انا ابي بس شنسوي نصيب الللي الله كاتبه يصير بس كلام الناس يذبح

 

[مس كوكا]

حياتي والله ................

اي الناس كلها صارو جذي وجنه انخلقنا عشان نتزوج ...........

بس شنو نسوي يعني النصيب ما جاااا يعني نجره جر مثلا ؟؟؟؟؟.............

حبيبتي دخلي مني وطلعي مناك دونت وري

 

[كويتية اصيلة 28]

رد : ماادري ليش الناس جذي نظرتهم

عندنا وعندج خير انا اختي عمرها 33 والحمدالله واثقة من نفسها ومرتاحة ولاترد على احد وناطره نصيبها ان الله على كل شي قدير

 

[al3ta]

رد : ماادري ليش الناس جذي نظرتهم

يابعد قلبي الله يرزقك يرزقنااا عاجل غير اجل

 

[رزنامه2010]

حبيبتى دخلى كلامهم من هالاذن وطلعي من الاذن الثانيه وعيشي حياتج وصدقينى هذيله اللي يتكلمون كلهم مرتاحين بحياتهم مااتوقع اتلاقين كل وحده فيها بلاوى على قولتهم طنش تعش تنتعش
وبعدين الحمدالله وظيفه وشهاده واهلج موجودين والاهم رضا ربج ونصيبج بييج انشالله

 

[منيرة خالد]

عادي ترا الناس كله جذي اللي مو متزوجه يدعون لها بالزوج الصالح

واللي ما عندها عيال يدعون لها بالضنى

واللي تعبانه يدعون لها بالصحه والعافيه


خليهم يكثرون من الدعاء لج والله يكبر حظج

 

[طموحه بزياده]

ماعليج منهم شكثر بنات كبرج مو متزوجات مو عيب ولا حرام ولا تصيرين حساسه حاولي تخلين نفسج عادي مع هالكلام

والله يرزقج ان شاء الله

 

[over love]

سمعى حبوبه توج صغيره والعمر جدامج وإذا عالناس والله لو شتسوين يطلعون لج شي عشان يضايقونج فيه هذا طبعهم !!

عشان تعيشين بوسط مجتمعنا المتطفل لازم تكونين قويه صنديده مايهزج كلام ولايضايقج أبدا لأن هذا طبع لو تزوجين هم بيغثونج بشي ثانى

وبعدين أحس من كلامج أنج حساسه ومن هالموضوع بالتحديد

ترى كل شي بهالكون ربى منزله بقدر وبترتيب وبوقت محدد إذا أيقنتى بهالشي خلاص ماراح يهزج حجى الناس