مااعرف اسولـف !!

[مـلح الكون]

السلام عليكم بنات ​

انا يديده بالمنتدى و واحترت حق منو اشكي له بنات انا وحده هاديه و حياويه شوي لما اروح يمعات او عند صديقاتي كلش ماعرف اسولف حتى كلمتين على بعض ماعرف اقول انا استغرب من البنات اللي يجرون سالفه ورا سالفه وانا الحين مخطوبه حتى مع خطيبي ماعرف اقول شي يقولي ليش انتي كله ساكته انحرجت منه حيييل عفيا بنات لا تخلوني ابييكم تفيدوني ....

 

[Tom ♥ Jerry]

.


حبيبتي و الله خلج حيآوية الحيا حلو ..
بس بنفس الوقت خلج طبيعيه ..
يعني سولفي مع البنات شوي شوي و بعدين رآح تشوفين نفسج أنه عآدي
دخلي معآهم بالحوآر لمآ تتعلمين .. :*
و بالنسبه لخطيبج ظحكي و سولفي شوية و هاذا بيصير زوجج مآ ردج رآح تقرقين عليه صدقيني ..

انا مثلج هآديه .. بس مو وآيد يعني ..
مع رفيجآتي عآدي اقرق و مع بنات خالاتي و خوآلي هم اسولف عآدي ..
الصرآحه انا مآ آحب اسولف مع اي أحد
في بعض الناس مآ آحب اسولف معآهم مآدري ليش
سبحآن الله من الله جذي ..
يعني ذاك اليوم وحـده بالمعهد اسولف معاها عآدي من يت رفيجتهآ انا انطميت
مآدري ليش أحس رفيجتهآ مو شي استغفر الله مآبي أحط بذمتي
فـ تلاقيني اسكت بس اي اي لا لا !
حتى رفيجتي استغربت تقول شفيج مره وحـده سكتتي !
و مع أختي و أمي و أهلي أكيد قرقه و حش استغفر الله
زوجي كان اول الخطبه لمآ نقعد مع بعض يقولي الله يخليج سولفي لووول
بس لأني تزوجت صغيره و استحي و أول مره أكلم صبي فـ استحيت .. لوول
و اهوه طبعا عانى مني معآنآه مآ يعلم فيها الا ربنآ

صدقيني فتره و تعدي .. بعدين آنتي لأزم تغيرين من نفسج شوي شوي ..
آنتي الحين متزوجه غير عن قبل .. الحين عندج حموله
تبين تقعدين مع خالتج تبين تقعدين مع حمآتج و جذي ..
انا مآ آقول قرقي على رآسهم .. بس يعني دشي معآهم بالحوآر شوي شوي
و بعد مده رآح تشوفين نفسج تسولفين عآدي و بتقولين سبحآن الله ..

آعرف وحـده جذي حيآآآآآآآآآآوية .. يعني بالزيآده بس تقول " زينة "
و ويهها يحمر اذا أحد سولف معآهآ بس تظحك أو تهز رآسها يعني خلاص بس سكتوآ !
مع أنهآ كبيره الحين بتدش أولى جآمعه ..

أنتي لأزم على الاقل تسولفين مع رفيجآتج هاذي أول خطوه
بعدين مع ريلج .. لأنه أهم شي ريلج .. و آكيد آنتي قرقه مع خوآتج و آمج ..
فـ شوي شوي و رآح تسولفين ..
مآ تقدرين تتغيرين 100% مره وحـده ..
بالتدريج ..

انا الحين الـ كل من طرف عمآتي يقولون عني هآديه و تستحي ..
بس اذا قعدت مع البنات اسولف صج أنه صوتي مآ ينسمع خفييييف لووول ..
بس هاذي طبيعه صوتي خو شسوي ..
بس مع بنات خآلآتي اسووووووووولف عآدي و أظحك و كل شي
و اعيب عليهم و عادي حدي فري ..
تصدقين انا مرات استغرب من روحي اقول شمعنه يعني انا عند عمآتي الهآديه
و مع بنات خآلآتي و رفيجآتي القرقه و الهبله و الفصله ؟
سؤال صعب يرآودني


.

 

[ام الحلوووين]

لالالا نصيحه مو زين ولا انج تخرينها مره وحده

انا جذي ومتضايق من نفسي والحين تزوجت ياسلام تعالي شوفيني اذا سولفت عطيات بدليات مااقدر اسولف استحي مع ان صار سنتينن وخالتي من النوع الدقيق لما اسولف الجمله فيها 90 الف بدليه والحريم ماعرف اجابلهم استحي ورفيجاتي 2 بس اخذ واعطي وامي واخواتي هذولا اللي اسولف معاهم

اختي تقولي متى انت ام وعند ناس فجي شوي ماعرف مااقدر وتعبت جماتي تجر سالفه ورا سالفه وانا سؤال وجواب

 

[deedaluss]

عادي اتكلمي مع المقربين منج امج اختج اي وحده قريبة ادربي معاها , بس ها نصيحة في المفيد
و بعدين يبه شلج في القيل و القال و بعدين احسن لج جذي احسن مع الاغراب اسمع و قولي ايه و لا
ترى بنات النساء اكثر اهل النار بسبب اللسان بسبب الغيبة و النميمة اعوذ بالله
نصيحتي اتكلمي في المفيد و بس:rerrerek::eh_s(21):

 

[Cander]

انتي اذا ييتي تسولفين لاتسولفين بسرعة

خليج على مهلج سولفي ع الراحة وصفي الكلام بمخج قبل لا تقولينة عشان لا تتلعثمين

عادي اهي مو مشكلة تنحرجين منها بالعكس خير الكلام ما قل ودل

 

[منوووووله]

كل واحد وطبيعته انتي طبيعتج جذي ساكته

حاولي من داخلج تغيرين طبعج قعدي جدام المنظره وسولفي

 

[زهراء الركابي]

رد : مااعرف اسولـف !!

اي نعم الحيا حلوووووو بس مو دايما لازم تتجرئين شوي وتتكلمين مع خطيبج وصديقاتج لا تميتي جذي ترى تصيرين ممله يعني شلون الشخص يكلمج وانتي ساكته مايصيرررررر
ابداخله راح يقول عنج يا انج ما تفهمين اللي قاعد ينقال او مو عاجبج الشخص اللي قاعد جدامج

ة_ة

غيري من نفسسسسسسسسسسسج

 

[كسر.قلبي.زماني.]

رد : مااعرف اسولـف !!

اعطيج الساني

 

[ماكنتوشة***]

رد : مااعرف اسولـف !!

حبيبتي عادي لاتحطين في بالج وتصير مشكلة
مع الوقت حاولي تتكلمين شوي ....شوي
ولا تستعجلين بالكلام
وخير الكلام ما قل ودل !!

 

[aRoRa]

رد : مااعرف اسولـف !!

حبيبتي أهم شي be yourself لا تحاولين اتكونين شخص ثاني

صدقيني متى ما ارتحتي حق الشخص الي جدامج رااح تلاحظين انه السوالف رااح تطلع لا ارادياا

يعني تذكري مواقف صارتلج اليوم بالفتره الي طافت وكوني مرتاحه يعني لا تتوترين وتظغطين على روحج انتي منتي مظطرة اتسولفين مع اي احد مو مرتاحتله

وشاركي بخبرااتج ورايج ولاا تحطين ابالج "أخاف الي جدامي يمل " أخاف ما تعجبهم سوالفي" حبيبتي متى ما تقبلتي نفسج تأكدي كل الناس راح اتقبلج ودووم سمعي الي جدامج وطالعيه بعيوونه صدقيني رااح يحسج انج مهتمه و intresting و ورااح يعاملج بالمثل
وحاولي تقرين بعض الكتب او حتى المواقع الي تهتم بهالجانب
وموفقه حبيبتي =***

 

[cherry67]

تدربي عالكلام وقعدي بروحج بالغرفة وطالعي الطوفة وكأن شخص امامك وتكلمي او اشتري كتب أو قصص من المكتبة وتعلمي اسلوب فن الحديث لا تضحكين لأن جربت هالطريقة والحين لساني فلته .
قبل ما اعرف اكون جملة مفيدة يبيلي قاموس أما الحين فررررق والله يعينج.