مابقي شي

[ام توتوي]

بنات انا با الثامن تكفون ياحبايبي ساعدوني مالي بعد الله الا انتو انا والده بجري قيصريه با الصباح وكان السبب البيبي تعب والحين والله مادري وين اولد ناس تقولي روحي الهادي وناس اقولولي خليج بالحكومه لاني والده قيصريه وهم الي بصبرون علي بس انا تعذبت في بجري مافيه اهتمام ومو جني بجر معامله خايسه ودي اولد طبيعي وودي با الراحه والاهتمام

 

[أأأميرة الورد]

خليج بالحكومة دام بجرج قيصري
الحكومة صج ما كو اهتمام ورعاية
بس الدكاترة ما شاء الله عليهم ينطرون على الوحدة
ولا يضطرون للقيصرية الإ آخر شي
الله يسهل عليج وتولدين بالسلامة

 

[أحـلام * ورديـة]

روحي دار الشفا عنايه واهتمام

وانشالله تولدين طبيعي

 

[ام توتوي]

وينكم
ابي ردود شعوني وين اروح تعبت من التفكير

 

[KaiFY Q8ia]

روحي رويال حياة عند خالده المجيبل

اوعماد غزاوي وااااايد شطار

حق هالحالات ويصبرون على الوحده

بس ديري بالج لاتصرين على الطبيعي

اخاف انتي تتعبين والياهل يتعب

الله يقومج بالسلامه

وماتشوفين شر

 

[أم الهواشم]

روحي لدكتوره خالده مجيبل برويال حياة وايد شاطره وان شاءالله تولدين طبيعي

 

[ام أحمدووه]

حبيبتي انتي الحين بالثامن ربي يسهل عليج
بس وين كنتي تراجعين طول الفترة اللي طافت؟؟
شنو راي دكتورتج؟


عموما أنا عن نفسي مستحيل أولد بالحكومة
على بجري ٢٠٠٦ ولدت بالهادي كان ممتااااز ورعاية واهتمام
وتوني قبل أسبوعين والدة برويال حياة قمة وروووووعة بالاهتمام والنظافة والراحة