مابي احط فاونديشن بالنهار شنو تنصحوني

[خُزام]

البنات ما قصروا قالوا المرطب الملون
وغيره إذا تبين تغطيه شوي أقوى من المرطب الملون عندج
الـ BB Creams لو تقدرين تطلبين من النت
البي بي كريم صاير ما بين المرطب الملون وبين الأساس
وفيه وايد ماركات وأنواع حسب نوع البشرة والتغطية هم أنواع فيه الخفيف وفيه الأثقل
بس عجييييييييبييييييين يغطون ووايد طبيعيين حتى بالشمس وما يضرون البشرة
و هم عندج الـ Mineral Powder Foundation فيه بسيفورا ماركة نسيت اسمها
صايرة عند الدخله بالويه عندهم لوس بودرات مينيرال تغطي وطبيعية وخفيفة
وفيه بعد ماركة برستيج بسنتر بوينت عندهم لوس بودر مينيرال وايد حلوووه
آنا مرات أحط كريم حماية عادي و بيس ( سان لوران أو بنيفت ) وفوقه لوس بودر مينيرال

 

[diamonda]

شوفي حبيبتي اذا بشرتج مافيها عيوب واضحه
حطي فوق الحمايه مرطب بس فيه لون مثل اولاي وبوبي براون ترى حلوين وايد!
بس في حركه انا اسويها اذا ابي شي طبيعي حيل
شفتي البروش اللي تحطين فيه البلاشر!!
ييبي بودرة اساس خفيفه (انا استعمل من بوبا حلوه تعطي انعكاس لمعه طبيعي جنه بشرتج نظيفه حيل)
وحطيها من فرشة البلاشر
بعدين حطي منها على بشرتج بس بطريقه دائريه على كل بشرتج بطريقه ناعمه
وفوق المرطب

وترى اللي حطوه البنات من اولاي الابيض اللي بالتوت البري ما يناسب البشره الدهنيه ولا يناسب وقت الصيف! ويعطيج لون ابيض
انا قبل كنت احط منه قبل لا انام مو حق الطلعات!! ما يناسب جونا كلللللللللللللللش

 

[krkooora]

BB cream

 

[_zahra]

يعطيهم العافيه البنات عالردود

 

[lebanon night]

اسنمروا في هل الرابط اطلعي عليه رح يفيدك
http://fashiongossip10.blogspot.com/2011/05/my-choice-summer-makeup-with-clarins.html

 

[ام سعود ديكسون]

مرة مليت من المكياج و جربت strobe cream من ماك
اهو مرطب بس فيه لون وردي خفيف يعطي نضارة

>>> تصدقين لقيت مدح من البنات ذكرتيني بذيك الفترة

صج الواحد يمل من الفاونديشن

 

[barbya_q8]

انا بعد بنات ماحط اساس سائل احط مرطب نتفه عشان ما يدهن الويه وعقب حماية بعدين كومباكت عاد انوع عندي ماكس فاكتور او ميبلين شي خفيف حق الصبح ماحب ثقيل وويهي صافي الحملله بس نحط كتغطيه يصير لون واحد الويه وشخباري السائل سنين صارلي قاطعته بس حق العروس ممكن احط الكومبات خفيف وايد على مكياج عرس والسائل تري يتعب البشره وايد

 

[>الحنان كله<]

انا ماستغني عن الفاونديشن ابي شي يغطي غيره شنووو؟؟

 

[ام سعود ديكسون]

الحنان كله<, post: 30115229, member: 337903"]انا ماستغني عن الفاونديشن ابي شي يغطي غيره شنووو؟؟

B B cream اللي يستخدمونه الكوريات
اهو علاج و اهو يعطي صفاء للبشرة
شوفي بقوقل و بالمنتدي وايد تكلمون عنه

أنا رفيجتي يابته صوغة
بس اللون كان فاتح حيل و قطعته

ناوية اشوف لون يناسبني اذا سافرت
او
اشتري من معرض منتدي كويتيات << تاجرات المنتدي ينزلون هناك

 

[نعوومة *كيووت]

امسح وجهي بثلج ماي ورد
أحط الحمايه من نوكس او لوريال
واحط المرطب الملون من جيفنشي يعطي لوك روعه الوردي
وغلوس وارسم حواجبي بودي شوب
واذا راايقه أحط لي مسكارا بينفت*

 

[miss.lol]

نصيحتي حطي كريم حماية بيوديرما الي نسبته 100 spf أقوى حماية و انا احس لما قمت استخدمته ويهي فتح وايد لان صج يحمي من الشمس و اخذي على حسب بشرتج ان كانت دهنية اخذي الي مكتوب عليه fluid اذا جافة اخذي الي مكتوب عليه cream

و فوقه بودرة بدي شوب يبين ويهج صافي و يهبل و لا جنج حاطه شي

 

[cba girl : )]

اب اب اب

 

[ورقات]

مشكورررره

 

[بنوتة عتيبه]

مرطب بحمايه وعليه بودرة نيبو بالفرشة مو الإسفنجة
وبلاشر روز إمبير من برجوا على تفاحة الخد والجفون والذقن
وروج بينك او لحمي وخافي عيوب للهالات من ماكس فاكتر خفيف ومو ثقيل ومسكرا لانكوم

بس

 

[Katkota_46]

حطي كريم الحمايه وعقب اكو لوز بودر كريمي عجيب وما تحسينه كريمي كلش
وايد خفيف وتغطيته بعد حلوه