مابي مابي مابي

[^^طالبه^^]

يابنات مشكلتي عويصه

انا مابي اتوظف لاني عايده الثانويه والحين بس باقي شهر علي الامتحانات
وانا حلمي ادش التربيه الاسياسيه

بس للآآسف نزل ترشيحي بديوان بالوقت الي مو منااسبه و بوزاره التربيه اهلي كلهم ضدي فيها يقولون ماحنا رافضين
جتنا ونعوف النعمه بيدينا ليش

بنات والله انا جد من البارح وانا معصبه ومو طايقه احد

يقولون عادي كملي دراستج وخلي شهادتج عندج
بس رفض للوظيفه محنا رافضين
تكفون قولولي شيء حدي تعبت من البارح ماجاني نوووووووم

اللهم أجعلني من الصآلحآت والصآلحيـن

 

[Beauty paradise]

اهلج شكو فيج وشكو يرفظون ؟؟؟؟؟؟؟؟؟

انتي مسؤولة عن نفسج والقرار بايدج والموضوع راجعلج

انا مادري شنو ظروفكم يمكن اهلج محتاجين ومالهم غيرج

 

[^^طالبه^^]

لا ياحبيبتي اهي مو سالفة محتاجين الحمدالله احنا بخير ونعمه
بس اهما يبوني اتوظف بتربيه علشان الدوام والعطل وجذي اجازات المدارس ماتطوف وانتي تعرفين

ياربي بنات فيدوني صج تعبانه

 

[دلع24]

انا لووو منج سيييييده اواافق والله هاذي نعمه والحمدلله


والله انا نصيحتي تستخيرين يمكن الله كاتبلج خيير بهالوضيفه ومو كاتبلج بالتربيه

انا اقوول استخيييري احسن مالج غيير هالحل


والله يوفقج

 

[الدنيا كلها]

السلام عليكم ورحمه الله وبركاته

اول شي ما خاب من استخار الخالق...استخيري وربي يقدم الي فيه الخير


ثاني شي من رايي اانا...بالعكس...هذا شي حلو لج يعني تاخذين خبره وتصرفين على نفسج وبعد تدرسين ^^ عشان تملين وقت فراغج وما تضيعينه باشيا مالها فايده ^^

يعني قولي الحمدالله على النعمه وتوكلي على الله ^^ وايد بتستفيدين من المجال العملي

 

[queen92]

صح حبيبتي لاتتضايقين ولاشي يمكن خيره من ربج ماتدرين انتي استخيري و ان شاء الله ربي يريح قلبج..

 

[M!SS.LOBY]

صلي صلاة الاستخارة

الله ييسر أمورج

 

[الغلاااااا]

استخيري


واذا قدرتي تقبلين الوظيفه وتكملين لما تاخذين الثانويه وعقب قعدي سنه بالوظيفه بعدين اخذي تفرغ دراسي وكملي ومكانج بالوزاره محجوز بس لما تخلصين تعدلين على اوراقج ومسماج بالوزاره



روحي وزارة التربيه وسألي اذا تقدرين تسوين مثل ماقلتلج احسن لج للتشيلين هم ولا شي

جربي الحياة الوظيفيه مدة سنه عالاقل وبعدها اذا يحقلج تاخذين تفرغ دراسي قدمي عليه وكملي دراستج

 

[Beauty paradise]

عيل درسي واشتغلي

 

[Mrs.H]

مافي طريقة انهم يقيدونج بس ماتشتغلين وتكملين دراستج!؟

 

[Rooz Aziz]

وافقي
كملي دراستج عقب باشري بالدوام
واخذي تفرق دراسي وكملي دراستج

اذا خذيتي تفرق دراسي من اول سنه مايعطونج معاش
واذا بعد سنتين يعطونج ربع المعاش
واذا ثلاث سنين نص المعاش
وبعد اربع سنين المعاش كامل


انتي امسكي الوظيفه
لان ي حبيبتي اذا رفضتي الوظيفه
بعدين اذا تخرجتي صصصصصصصعب ينزل اسمج بسرعه

 

[^^طالبه^^]

يعني من رايكم اقبل ؟؟

 

[أماراتيةكول]

الله المستعااان

 

[مدّهره !]

الله يعينج ...~

 

[سندس 90]

حياااتي طالبه 

اول شي مبروووووك 

ولو كنت مكانج اصلي استخاره واوافق واداوم الصبح وبالليل اخذ طبياات
ومرا اغيب مني ومرا مناك جذي
وماباااقي شي
اخااف لا قدر الله تجيبين نسبة مو شي وتتحسفين

استخااااره

 

[noor salam]

حبيبتي صلي استخارة
وشوفي درجاتج تساعدج انك تنقبلين في التربية الاساسية و الا لا انتي ادرى بمستواك
وتقدرين تدرسين و تشتغلين شدي حيلج و كل الامور سهاله باذن الله تعالى

 

[(كويتيه عسل)]

انا من رايي استخيري

واذا كتبلج الله تشتغلتين وحابه تكملين في تربية اساسيه تقدرين عادي
اخذي اجازه ادارسيه من الدوام وكملي اتوقع حتى يمشيلج معاش
انا خريجة تربية اساسيه كانت معاي زميله عمرها بالثلاثينات وقريب الاربعين
كانت تشتغل ماخذه اجازه دراسيه وكانت تدرس معاي والحين اهيا ابلة علوم


واعرف وحده كانت تشتغل سكرتيرة اخذت اجازه دراسيه ودخلت تربية اساسية والحين اهيا ابلة انجليزي