ماتت اللهفة وتسلم يا الخاين

[3tebeya]

يتفاوضون معاه واهي عند اهله ما فيه طب تتطلق .. في بنت بينهم تشاركهم مهي بعمرها وتقول افتك منه

امج وامي وامهاتكم ما اصبروا ع ريايلهم ؟
شلي تغير بهزمن الريال نفسه اهو بس عقليتنا للاسف
غرور وتجبر ع رب العالمين وهذا نصيبها وتشوف شنو اخرتها معاه ما صلح حاله تخلعه مو تطلب الطلاق
غلطان وراكبه من راسه لريوله بس تحجوا بشي ينفعها واهيا الوحيده اللي تفصل بينا لان تدري فيه اكثر منا احنا كلنا

 

[بنت الامارات-]

لا يا اختي عتيبيه مو كل الرياييل يسافرون بروحهم
عدنا ممنوع
وصاحبة الموضوع الله يصبرج ويكون في عونج

 

[عاشقة العباس]

شوفي حبيبتي الي الله كاتبه بسير سواء تطلقت ولا ماتطلقت العلم عن الله وحده بس وانا اريد وانت تريد والله يفعل مايريد

الي الله كاتبه بصير شأنه ولا ابينا فرأي ورايج ماراح اغير بقضاء الله وقدره شي

 

[عاشقة العباس]

شوفي حبيبتي الي الله كاتبه بسير سواء تطلقت ولا ماتطلقت العلم عن الله وحده بس وانا اريد وانت تريد والله يفعل مايريد

الي الله كاتبه بصير شأنه ولا ابينا فرأي ورايج ماراح اغير بقضاء الله وقدره شي

 

[مسـك]

فيه داعيه من الدعاه حاليا اول حياته كل شي حرام سواه من شرب وخرابيط وبلاوي وسهر وعربده


ومرته صابره عليه وساتره وحافظه بيتها وعيالها وتدعيله وتدعيله لين الله كتب له الهدايه والتزم وصار داعيه الحين

وفي كل. ندوه يذكر فضل زوجته


المهم ان الطلاق مو حل


روحي عند اهلج خليه يفقدج ولاجاج واجهيه بكل شي واقرصيه لين يخلي خرابيطه والله يهديه


والله يصلح حالكم يارب

 

[مسـك]

اللي تقول رياييلنا ممنوع يسافرون بروحهم


ممنوع من الدوله يعني ماتسفره الا زوجته وياه والا شنو بالضبط ؟

 

[حلم *]

ياسبحان الله
استغرب من كلام البعض هنااا
والله كل اللي قالوا لا تطلبين الطلاق فعلا قلبهم عليك ونظرتهم ابعد وانتي اوزنيها بعقلك
و شوفي كلام الاخت مسك ،سبحانه يهدي من يشاء و الصبر مفتاح الفرج مثل ماقالوا
اما اللي أيدوك على الطلاق مافكروا زين بالعواقب وكل واحد له نظرته باﻻخير تبقى هذي وجهات نظرنا بموضوعك
وما احد بيخايف عليك كثر نفسك !
جربي كل المحاولات اللي قدامك كلميه ناصحيه ذكريه بماضيكم الحلو ويا بعض
اذا مافاد كلمي ناس عاقلين يكلمونه وان شاء الله ربي يفتح على قلبه ويسخره لك ولبيته
بس لا تسمعين كلامهم وتستسلمين وتهدمين حياتك !!!!

 

[حلم *]

ياسبحان الله
استغرب من كلام البعض هنااا
والله كل اللي قالوا لا تطلبين الطلاق فعلا قلبهم عليك ونظرتهم ابعد وانتي اوزنيها بعقلك
و شوفي كلام الاخت مسك ،سبحانه يهدي من يشاء و الصبر مفتاح الفرج مثل ماقالوا
اما اللي أيدوك على الطلاق مافكروا زين بالعواقب وكل واحد له نظرته باﻻخير تبقى هذي وجهات نظرنا بموضوعك
وما احد بيخايف عليك كثر نفسك !
جربي كل المحاولات اللي قدامك كلميه ناصحيه ذكريه بماضيكم الحلو ويا بعض
اذا مافاد كلمي ناس عاقلين يكلمونه وان شاء الله ربي يفتح على قلبه ويسخره لك ولبيته
بس لا تسمعين كلامهم وتستسلمين وتهدمين حياتك !!!!

 

[عاشقة العباس]

اهاااااااااااااااااااا يعني عادي عندكم لا سمح الله يعديها وصير فيها شي مو بيتحمل المسؤوليه وااااايد شايفين الامر بسيط صدقيني لو انتو مثل حالها ماتقعدوووون دقيقه وحده خااااافو الله بناااااااااات شفيكم جذي زااااني وشارب خمر وراعي بنات انتو شئ مو طبيعي استغفر الله

 

[Koko7taty]

الله يفرج همج

 

[بنت الامارات-]

اختي مسك لا مو ممنوع السفر لوحده من الدولة
انا اقصد في مجتمعي ومحيطنا وعادتنا ممنوع الا لعلاج او
ويا زوجته والحمدلله

 

[كيوت للابد]

جربيه مره مرتين اذا ماياج عن خرابيطه كلمي احد كبير من العايله خل يعرف ان عندج ظهر وسند تالي اذا ماتاب شيلي قشج وربي بيرزقج لالي احسن منه بس بالاول صبري عليه ان شالله تصبرين سنه

 

[-فلانة-]

القرار قرارج، و انتي أدرى بنفسج، في حريم يتحملون، و فيه حريم عندهم الموت اهون من انها تعيش مع زوج يخربط..
انا بالنسبة لي الرجل اللي الحلال ما يشبعه و يتم يركض ورا الحرام هذا مو كفو يكون زوجي و لا كفو يربي عيالي لأنه هو نفسه مو متربي و فاقد الشي ما يعطيه..
6 سنين زواج تخلى عنهم و داس عليهم عشان نزواته معناها بايعج و بايع بنته و بايع بيته و استقراره، يعني ما منه رجا.

 

[boliana_q8]

هديه لاباجر يسوي شي في بنتج واهو سكران ومو حاس في نفسه
ليش تربين بنت وسط المشاكل
خل يتأدب اذا عاجبه هالدرب خل يكمل فيه بروحه

بنتج امانه برقبتج

 

[his only]

سكرااااان

هذي سوالف الله يهداه!!

انا ما بقولج شي اشيشج عليه واتحاسب عليه يوم القيامه اخاف اقول لج كلمه توقفني هالصراط!
بس ادعي له يخيه
واذا ما نفع.... الله يكتب الي بصالحج ان شاالله وين ما كان..


شرب !!
قويه صراحه,, زين متحمله كل هالسنين!!

واي قلبي يعورني :eh_s(11):

 

[جامعيه طموحه]

انا مع 3tebya بكل حرف قالته ماشاءالله عليها

الطلاق جنج تعالجين الغلط بالغلط باجر تكبر بنتج وتشوف رفيجاتها كل وحده مع امها وابوها واهيه لااتيي تسألج يما ليش تطلقتوا بتقولين لانه ابوج كان يسكر و يعربد؟ بيتكون بداخلها حقد وبتقل ثقتها بالناس وصدقيني بتتأذى وتتأزم نفسيتها وتقوم تدور على حنان الابو وبلحظه ممكن يضحك عليها شاب وتقوم تكلم لانه فاقده حنان الاب ولا تقولين مستحيل ما في شي مستحيل
ومادام مافيشي مستحيل معناها لازم تقعدين قعده جديه ولازم الاهل يتدخلون ويكون الكلام بينهم وانتوا موجودين لازم ابوج يتكلم معاه ويشوف حل !

انتي صح تحملتي وتعبتي والوضع يلوع الجبد وانا لو مكانج بنهار بس حب 9 سنين وزياده 6 سنين زواج وثمرتكم بنيه شذنب الحب تهدمينه بلحظه؟ عالجي الموقف بدال لا اتهربين شذنب بنتج مستقبلها تعيشه بدون ابو حافظي على مستقبلها بدال لا تخربينه ! حتى لو اهو موخوش ابو مثل ما قالت عتيبيه ردي بذاكرتج وتذكري اخر مره كان زين معاج شوفي شصار عقبه وقام يتجه للخرابيط يمكن من ربعه السبب يمكن مشكله في شغله اكيد في سبب محد يسوي شي الا كان في سبب مخليه يغلط

كلام ابوج واهله معاه بيخليه يصحى على نفسه ويحس انه بيخسركم ويتوعى عن الي قاعد يسويه

نصيحه فكري بالكلام وبعدي الطلاق عن تفكيرج

 

[((البرنسيسا))]

الله يعينج مشكلتج كبيرة

وإنسان مثل هذا باع العشرة ما أنصحج تكملين وياه
بنتج بتتربى بيئة فاسدة وبينتقل لها الفساد من أبوها

وإلي تقول باجر بنتج لي إسألتج عن سبب طلاقج من أبوها شبتقولين عادي قولي
ماصار توفيق بينا وماقدرنا نكمل ويا بعض مولازم تعرف إنه أبوها سكير

إنتبهي لنفسج قبل لا يجيج مرض منه وبعدها ماينفع الندم
مستقبل بنتج بيكون أحسن من غير أبو سكير ​

 

[كاملة الدسم]

شخص متعدد الخيانات وحياته ماشية بهالشكل اكيد عنده الوازع الديني ضعيف او يكاد يكون معدوم فلا تستغربين اذا ياج البيت سكران

انصحج تلجئين لمختص ليحل مشكلتج

 

[do0ora]

ياقلبي عسي ربي يفرجها عليج
دايما رددي اللهم اجرني في مصيبتي واخلف لي خبرا منها
تقريبي من ربج هذا بلاء من ربج والله ما يبلي الا الانسان المؤمن والانسان الي يحبه ربج يبيج تتقربين منه ادعي ربج خصوصا بتالي الليل
ربي احن عليج من امج وابوج واحن عليج من اي احد واقرب لج دايما ادعي ربج
وانصحج ياقلبي اذا قدرتي سافري معاه غيروا جو
روحوا العمرة خلي يستعر ويحس

 

[ضــمــاد]

انا بقولچ شنو راح أسوي لو كنت بموقفچ


١: بعطيه فرصه وحده مو عشان سواد عيونه عشان ضميري ما يأنبني بعدين
وال فرصه هذي لها شروط ، راح أشرط عليه جم شرط ،، اذا وافق برجع ، واذا ما وافق
مايشوف شر ، وبطلب ورقتي


٢: لو ما تاب ، وتكرر الشرب ، ماراح اقعد ثانيه وحده ، لانه عندي بنت
مابيها تتعود على هالمنظر ، ما بيها تتأثر بصراخنا
هذا لو دخل البيت واهو سكران وسوى بالبنت شي ، شنو راح أستفيد ؟!
شنو البيئه اللي بتعيش فيها البنت !! شلون بتكون نفسيتها لما تشوف أبوها جذي !
لا يبا الطلاق قرار صعب ، لكنه افضل من القعدة مع واحد سكير نكير راعي بنات



٣: قبل اي شي ، وعشان ما تحسين بتأنيب الضمير اتجاه بنتچ
روحي لاستشاري / استشارية ،، وعرضي عليهم مشكلتچ
وسوي اللي يقولون لج عليه ، اذا نفع ف ربي لك الحمد والشكر
واذا مانفع ،، ضميرج راح يكون مرتاح ، انتي عطيتيه فرصه بردتچ للبيت
وعطيتي حياتكم فرصه بأنج رحتي استشرتي ..

شوفي هالاستشاريه : هذا حسابها بالانستقرام marsvenuskuwait@

واذا تبين استشاره زوجيه ، عندچ المستشار والمحامي حمد الرفدي
هذا الرقم حجز المواعيد 55756564
هذا انستقرامه the7amad@


وعسى الله يهديه ويصلحه