ماتوقع احد مثل بنتي،،ماتنااام ماتناام :"(

[om MaRyooM]

السلام







جد جد تععععععبت

بنتي االله يحفظها عمرها شهرين ونص

بنات ماتنااااام

فظيعه فظيعه،،،،موقادرة اسوي شي

حايشتني حاله كااابة واحباط




ماتبجي واايد بس كله تحن ومبققتلي عيونها@@


تنام11 وتقعد 7 الصبح مصحصحة وماتنام الا 11بالليل مرة ثانية

شسوي ,منو مر عليها جذي:eh_s(16):


حتى مرتين طلعت مع زوجي قطيتها عند امي ماتحملت امي لووول منصدمه تقولي 5دقايق مانامت بنتج



شسوي تكفووووووووووووووون


لاا و دوامي بعد شهرين:eh_s(10): احاتي

 

[c a t w o m a n]

الله يحفظها أنا بنتي اسمالله عليها ساعة على بعض ما كانت تنام تعبت تعبت حياتي انعفست بسبة نومها

سافرت ييت خالتي الله يطول بعمرها عدلت تظامها يبيلها قلب قوي

صرت وقت نومها ما أخليها تنام نهائيا أيننها ألعبها أغسل ويهها بماي أتحمل حنتها أنومها بوقت إيللي بنام فيه

تقوم ثاني يوم مبجر أقعدها نفس الشي تحن تبي تنام مو شبعانه نوم .. لا أنططها ألعبها المهم ما تنام إلا الوقت إيللي بنام فيه

ثالث يوم نومها اسمالله عليها تعدل صارت تقوم دايخة أنومها النهار متى ما تبي ( لأني أقومها مو شبعانه ) بس بعد المغرب نهائيا ما أخليها تنام لي وقت نومي شوي شوي يتعدل لا تحاتين بس قوي ألبك مثل ما يقولون


الله يحفظ عيالنا انشاالله و يبلغنا فيهم

 

[<<لمار>>]

صغيرة ماتقدرين تحكمين بنومها ودامها تنتم بليل زين يمكن تاخذ كفايتها وفي يهال خمس دقايق يقطها تشبعه ماينام اكثر

 

[om MaRyooM]

cat women

لا حبيتبي مافهمتي المقصد

بنتي ماتناام اصلا
حتى العصر والمغرب ماتنااااام ..

مادري شسوي

 

[Melazlaza]

ام مريوم الله يعينج
واااااي خفت حامل واحاتي نومة الياهل يغث اول جم شهر

شوفي انا اتذكر بولدي كان الحل ان لي يت الساعة ست المغرب بس خلاااااااااااص مافي نوم لو شيسوي عشان لاصار وقت نومتنا الا خلاص يدور النومة
واهم شي ماتستسلمين مشكلتنا عيالنا ينشونا هالنتف قادرين علينا

الله يهديها لج

 

[om MaRyooM]

مشكورة حبيبتي

بس مشكلتي وياها انها حتى العصاري او المغرب ماتنعس ولاتنام

من وين بظبطلها نومتها اذا اهيا ماتدور النوم اصلا @@

 

[توتا حمرا]

بنتي عمرها سبع شهور اذا أبيها اتنام لازم اسبحها
يعني مرة الظهر ومرة الليل بس الحين برد كفاية مرة باليوم
وجربي اتهزينها على ريلج واهي تشرب الممية

 

[c a t w o m a n]

cat women

لا حبيتبي مافهمتي المقصد

بنتي ماتناام اصلا
حتى العصر والمغرب ماتنااااام ..

مادري شسوي

من 11 الليل قعديها لا تخلينها تنام و قوميها ثاني يوم أبجر راح تكون دايخة النهار تبي تنام لا تخلينها تنام لي الليل

 

[نور الدنيا 88]

ام مريوم
نفس ولدي بالضبط
و المشكله ان طول مااهو قاعد يحن و يجي و يصرخ

 

[A7la-SmiLe]

عاد النوم عافيه
مشكلتج انها ماتنام كلش !! مو مشكلتج انها بليل ماتنام
مادري عطيها اعشاب اتريحها بس السبوح لا حرام برررد
قاريه معلومه اتنقطين نقط على مخدة البيبي من زيت الخزامى وينام عاد وين اتحصلينه مادري !! وان صار وحصلتيه قوليلي

الله يحفظ بناااتج من كل شر :**​

 

[أم حورية]

اتوقع طبعها جذي

سبحان الله احيانا اطباع الياهل تبين من الصغر

بس دام تنام الليل عدل تمام

الله يحفظها ويخليها لج يارب *

 

[Melazlaza]

باك
وي ام مريوم صج اذا جذي غريبة

خوفج تعطبنها اعشاب او شي جذي ترئ في اعشاب تسهر حسب طبيعة الياهل انا الينسون كان يأذي ولدي
مو عارفة شنو السر هم ممكن يكون طبعها لكن طبيعة الطفل بهالسن ينام عشان ينمو انا اقول استشيري دكتور واااايد احسن

 

[al6aylaaa]

خخخخخخخ
الله يحفظهاا
اب

 

[Winter Q8]

المفروض تنام 15 ساعة يومياً .. و اسم الله عليها تنام 8 ساعات بالليل يعني لازم تنام 7 ساعات خلال النهار ..
أخاف بيتكم ازعاج و لوية و اهي تحب الهدوء .. جربي سوي لها جو هادي و ظلما يمكن تنام

 

[طيبة83]

ام مريومه انا بنتي سبع شهور وما تنام مثل الاوادم

بس انا بقولج

اول شي ليش اهيا ماتنام خير شر متواصل؟؟؟؟؟؟؟

لان بنتج اكيد "overtierd" يعني منهكه ع قوله هل كتب الطفل اذا يصير وايد تعبان ومنهك ما يقدؤر ينام

فانتي لازم تصيدينها في الوقت الي تبتدي تتعب فيه

تصير:

• هاديه
• تقل حركتها
• سرحانه
• ما تركز في الوجوه
• تفرك عينها
• تفرك اذنها
• تثاوب

اذا شفتيها تسوي جذي عطول عطول عطول نوميها

لان اذا اتاخرين عليها عادي ترجع تصحصح وتطير نومتها

هل شي وايد تفاجات لمن قريته ان دورات نوم البيبي تختلف عن الكبير واذا طفتي دورة نومها خلاص جسمها يتبرجع ويروح لحالة النشاط مرة ثانية وما يكون فيها نوم واذا صار هل شي تصير اوكي عادي تللعب وتحرك بس تكون من داخل منهكه وصعب ترجع تنام


الشي الثاني ليش تنام بس شوي 5 او 10 دقايق

لان تعودت تنام في وضع معين مثلا وهيا ترضع منج او وهيا محموله وبعدين تفتح تلقا روحها في وضع ثاني ع سريرها مثلا فترجع تقوم

فانتي لازم تخلينها تنام بروحها بدون مساعده منج................ وهل شي 7 شهور احاول اسويه وفشلت فشل ذرييع

او انج تستسلمين للامر الواقع وتخليها تنام على حظنج بالنهار وحطي لج ايباد تقري في المنتداى وهي نايمه

 

[طيبة83]

اي بعد السبوح يدوخهم

بس انا بنتي من دخل الشتا ما قمت اسبحها خخخخخخخخخخخخ

 

[توتاتوتا]

عطيها سعوط انا ماخذه لولد اخي من مره تعالج تعطيش اياه بلاش اسمها ام عايد فالرقه و تقدرين تكلمينها تلفون تساعدش

الحمد لله من بعدها بدا ينام و يدعون لي

 

[ليمون ونعناع]

حبيبتي ترى وايد زين اذا تنام باليل متواصل
يبيلج تعودينها تنام العصر والمغرب بوساعه وراح تتعدل نومتها بالرابع
وتاكدي انها ترضع عدل يمكن من اليوع ماتنام جربي رضعيها وقت الي تبينها تنام و حطيها مكان هدوء وخليها اذا بجت ردي طبطبي عليها بس لاتشيلينها حتى لو قاعدة او تنادي
كل شوي طبطبي عليها او عطيها مصاصه ومهديها لمن تستسلم وتنام
بس عمرها اتوقع كافي عليها نومه اليل المتواصله ولمن يصير عمرها 4شهور بترتاحين بالنوم وفي يهال ست شهور
والله يعينج
كلنا مرينا بهالمرحله لا توسوسين
انا ولدي كان ماعنده نومه متصله كله ساعتين اطول شي طول اليوم فقولي الحمدلله

 

[Queen of Sadnes]

السلام عليكم ام مريوم الله يحفظها لج ويعييينج
عندي لج حل ان شاء الله يفيد
طبعا اذا رضعتيها وبدلتي لها وكل شي اوكي وماتنام مالج الا الديرفه اشتري لها الديرفه الصغيره وفيها العاب ملونه تدور من فوق وصوت موسيقى هااااادي وخليها تهزها عالخفيف ما اعتقد عقب هذا ماتنام
بنت اختي كانت نفس الشي وشرتها ومن يومها مرتاحه بس تنام تشيلها ومرات تخليها على نومتها اذا ماتبيها تطول والديرفه مريحه وان شاء الله بترتاحين وتنام بنتج

 

[مظلومة حيل]

الله يحفظها اسالي الدكتور بس اهم شي ما تبجي طول الوقت واعرضيها لا تسكتين