ماجلة المانيا و النمسا ؟؟؟؟؟

[ريووووومة]

هاااااااي شخباركم
المهم
انا مسافرة المانيا و النمسا نص 7 و الصراحة ابوي يقول هناك ماتاكلون غير ماكدونلز و حبيت اعرف اذا في حاجة ناخذة معانا اكل بعد عماتي قالوا اخذو جدر ضغط حق الطبخ بالفندق شنو تنصحوني ؟؟؟؟

 

[Foshia93]

هلا والله

لا عادي في مطاعم ثانيه وحلال تقدرون تاكلون فيها او اي مطاعم ثانيه بس لا تطلبون لحم عشان مايطلع لحم خنزير وقولولهم بدون وسكي

واذا بتطبخون هناك لازم شقه مو فندق


شكـــــــــــــــــــــــــــــــــــــــــــــــــــــــــــــــــــــــــراََ

 

[رفرف]

لا عادي مكدونالدز او مطاعم السي فوود او البيتزا طلبو مارجريتا او فونجي تكون بس مشروم حلوة ..
وحق الريوق ما ريوق اذا فنادق بوفيهاتهم فيها بيض وكرواسون وكل شي ..
واذا بتسكنون بشقة في هناك مخابز واجبان وكل خير ما يسوى تنقلون ماجلة وجدور معاكم ..

وهم مو حلو التطبخ بالسفر عبالة واماعين ..
بس انا بالسفر اخذ نودلز حق بناتي لأن يهال ايوعون باوقات غلط ولازم قلاص جبن حق الريوق لأن ماحب جبنهم ..

 

[my_size]

على حسب السفره
اذا مو مطولين اخذي معاج كراوسونات و باتيهات
تطول معاج من 3 الى 5 ايام
انا اشتري معاي دايما كرتون سنيكرز
تدرين احطه بالجنطه اذا يعت و ما لقيت مطعم نظيف
قرمت لي واحد ( يشبع )
اخذي معاج الشوربات الجاهزه

 

[نــوف]

الله يعينج

 

[ريووووومة]

مشكورين بنات على الردود ماتقصرون

 

[nice smile]

شوفي اذا بشقه اخذي معاج معلبات

يعني فاصوليا + تونه واللي يحبه قلبج من المعلبات

يعني مرات راح تملين من ماكدونالدز والعشا بره

واهناك اخذي لج اجبان وحليب وعصاير وحطيهم بالثلاجه واخذي لج كرواسون ونعناع وهالوسالف حق ريوق او عشا

 

[ترانيم العود]

ليش مايخذون الاكل بالمطار؟؟؟

انا اسمع ممنوع الاكل بالمطار

 

[nice smile]

يم يم

عادي منو قالج بالمانيا ممنوع ؟!

انا اعرف ناس ياخذون معاهم كل سنه ثلاجه فلين يحطون فيها سمجهم والثلج

 

[bnt_7waa]

لووول تدروون انا شبودي معاي بودي










































ابريج مااي لووووول تدرون اهناك يعزكم الله مايعرفون هوز حق الحمام :dddds: وبعدين اقطه اهناك ووايد شغلات بوديها وبالرده بخليها عشان الوزن


وبودي سخان ماي حق الاندومي وبفك وككاو والبسكوت حق اليوع بليل وكرواسون واشياء جذي خفايف

 

[أساور]

صاجة بنت حوا اهم شي ماي للوضو حسبي الله على نياستهم

 

[nice smile]

ايي بنت حوا الابريج ضروري ..
وزين تسويين

انا مثلج باخذ جم شغله وبخليها اهناك

ثوب صلاه وسياده وجم بيجاما والاوتي والغلايه وباخذ لي شغلات احسها انها ضروريه واذا برد الكويت بحطهم بجنطه وبكتب عليهم اسمي وبخليهم بمخزن الابارتمنت

وان شاءالله داير ايي واستخدمهم لانه الجو بارد والمخزن نظيف

 

[ملاك-77]

بمخزن الابارتمنت ؟؟

ياليت توضحين لي مافهمت

 

[nice smile]

ملاك وضحت لج عالخاص

 

[ملاك-77]

شوقتوني للسفر واغراض السفر وتجهيزهم لوووول

عاد انا ان شاءالله سفرتي بعد جم يوم ان شاءالله

بروح المانيا ومن هناك بطلع بالقطار للنمسا(زلمسي)

وبروح فينيسيا البندقيه واحتمال سويسرا

ادعولي بالتوفيق والسعاده صار لي جم سنه مومسافره سفرة محترمه لووووووول

 

[abla_momaiza]

حبيبتي في مطاعم تركية والشاورما لا تطوفينها وفي مطاعم عرب هناك خصوصا عند الدانوب في واحد مصري اكله وايد حلو خصوصا الشيش الطاووق بس ما يمنع انج تاخذين قيمر معلبات وجبن كرافت واندومي بالفندق في غلاية اخذي معاج الصحون البلاستيك ربطة ومري على السوبرماركت اخذي انواع الخضرة من خس وطماط وخيار وفواكة جمعيتهم تهبل لا تخافين الأكل الحلال متوفر في كل مكان بس علي اللي يدور بالسلامة

 

[أم خالد]

أن عندي يهال ودايما آخذ بعض الأغراض تنفع للسفر لوقت الحاجة
جدر الطبخ الكهربائي ينفع حق طبخ العيش نفعني لمن حاشت اليهال نزلة معوية من السباحة كنت اطبخ العيش بالجدر واطلب الروب من الفندق الطاسة بدينار لوووووووووووووول وكنت اسوي لهم فيه الشوربة الي يحبونها (شوربة الهيليون ماجي) اخذي معاج الي راح أقولج عليه: هاندباق شوي كبيرة فيها 2 طشت صغير لغسيل ملابس اليهال على السريع + وحطي فيهم جدر طبخ العيش الكهربائي ( بلوازم العايلة بالخالدية حجم وسط ومناسب) + العلاق المدور الي عليه جلاليب لتعليق الغسيل من الملابس الداخلية والجوارب + كرتون صغير صابون +عدد 2 من علاقة الملابس الي عليها كلبسات تنفع لي غسلتي جينزاتهم + ابريج ماء لكل حمام إذا بتسكنون بغرفتين + كرتون بسكوت دايجستف المطاحن أو بيتي فور + نودلز + تونا +الشوربات الفورية + العيش + جبن كلاسات اخذي الكلاسات الصغيرة بس لفيهم بالملابس عدل لا يتكسرون + رول صغير من بو 100 فلس كياس الزبالة الصغيرة + بلاك كهربائي يركب عليه الفيشة بو3 مالت الجدر ويكون راسة بمسمارين حصلته بلوازم العايلة اليرموك علشان تركبين عليه بلاك الجدر احتمال ماعندهم فيشة 3
والله يسهل امورك وادعيلي بالسفر دعاء المسافر مستجاب
وقولي الله يسهل اموري وأروح النمسا انشاء الله بشهر 8 وتروحين وترجعين بالسلامة بس طمنيني لي رجعتي

 

[أم خالد]

نسيت أقول لج اخي معاج من ايكيا كم حبة من الطوس البلاستك الملونة الخفيفة وكم ملعقة للأكل

 

[ميســـا]

شوفي حبيبتي

انا كنت بالمانيا قعدت 3 شهور

وكنا قاعدين بشقه

كل شي موجود هناك حتى من هناك شرينا جدر متوسط حجمه للطباخ

وتقدرون تاكلون عادي انا كنت اكل اكثر شي في بيتزا هت اخذ بيتزا خضار بس

وفي وايد اشياء تقدرين تاكلينها

وفي مطاعم تركيه وايرانيه وعراقيه وكل لحمهم ذبح حلال

يعني الاكل ابد مو عائق عندهم

بس اذا انتي تطبخون عيوش ودوا بهاراتكم واذا تشربون قهوه يعني تاخذون هالسوالف

 

[@Miss Dio@]

ترى في مطاعم ايطاليه بيتزا هت هناك يهبل على خضار وغير اللي عندنا وفي مطاعم تركيه وايرانيه تعقد وفي فلافل وكل شئ ليش الطباخ ماله داعي كلش