ماخذه من عيال عمامج أو خوالج ؟ شلون ......؟

[ޢޢޢإيمانޢޢޢะۣۨ>]

السلام عليكم
هذي أول مشاركة لي بهالقسم وآنا مو متزوجة
عندي مشكلة يمكن تحسونها بسيطة
بس مسببة لي قلق
تقدم لي ولد خالي
وماكنت متوقعه او متخيله ان بيوم ممكن ارتبط بشخص من العايله
احس عيال العمام والخوال مثل الاخوان
وحسيت ان مستحيل اتقبل هالشي
ومستحيل اتخيل نفسي معاه ......
وعشان جذي رفضت
مو لانه اهو بالذات
يعني لو اي احد غيره من الاهل هم برفض
والكل قاعد يلومني الحين ويقولون لي هذا شعور عادي راح تنسينه بعدين !
وهو كلم الأهل مرة ثانية
فآنا حبيت أسألكم خواتي إذا في منكم لها تجربة زواج من الأهل وشلون تغلبت على شعور الإحراج أو إحساس الأخوة
وشاكرة لكم مقدماً

 

[ام فواازي]

ماأقدر افيدج لان انا مثلج رفضت ولد خالتي و هم ولد عمتي وخذيت من برا العايله
بس اذا كان نصيبج بتاخذينه

 

[فلنتينو]

تصدقييين انا نفسج بعد ؟؟ ماحب احسهم نفس خواني

 

[فوفو الدلوعه]

حرام ترفضينة عشان اهو من العائلة
اذا كويس توكلي على الله وااستخيري
الله يكتب لك مافية الخير

 

[Gifts&Occaions]

وخري عن زواج الاهل

 

[شوق الوليف]

انسي انه من اهلج وفكري فيه اذا زين او لا يصلح يكون زوجج ولا لا وقبل كل هذا
استخيري
استخيري
استخيري
وبالتوفيق يا قلبي

 

[Model Look]

انا ماخذه ولد خالي

شايليني شيل ومره عصب علي جدامهم وانا سكت امه وابوه زفوه من وراي وعرفت بالصدفه

معني ماشكيت الحال

واي شي ابيه يسوونه لي

الصراحه حيل مرتاحه الحمدلله

وترا كنت نفسج رفضته اول شي بعدين استخرت ووافقت

وبعدها بجيت وبغيت اهون

بس الحمدلله اني رضيت حياتي يحسدوني عليها الكل

اي وادش واطلع حره كيفي محد يتدخل

واهو حيل تعامله طيب وعلا نياته حيل ومخليني على راحتي*

 

[محتارة وبصيح]

العقارب اقارب باجر يصير مشكلة وتششتت العايلة

 

[نونو العصله]

انا ماخذه ولد عمي
وبين عايلتنا مشاكل
بس هو غير
فديته
وكل شي نصيب

 

[رواضي قطر]

استخيررررررررررررررررري وربي يوفقك

 

[أم توتو]

استخيري وربي يكتب لج اللي فيه الخير بس زواج الاقارب مانصح فيه

 

[|مـلاكـ|]

الي تقول بعدي عن الاهل انا اعارضها


موكل الناس طبع واحد

وانا بالعكس اايد هالشغله


ومااقدر اقولج الا استخييييييييييييييييري

 

[ماردك لي]

بالعكس زواج الاقراب حلو
انا متزوجه من بن عمي وبنعمه الحمدالله

 

[زوجة عزيز]

الله يوفقج استخيري قبل لا اتردينه عشان انه من اهلج ترا هاذي مو سبب ما تدرين يمكن سعادتج على يده واهم شي انكم عارفينه احسن من الغريب ومابتهونين عليه عكس الغريب اتمنى لج التوفيق من قلبي حبيبتي

 

[ޢޢޢإيمانޢޢޢะۣۨ>]

فديتكم كلكم على الردود
ماقصرتوا
عسى الله يسعدكم ويهنيكم
​

 

[shak!shoka]

الله يوفقج اهم شي اخلاقه و اتوقع في نوع من الراحه بهالزواج من ناحية الميانه و تقدرين تاخذين حريتج ببعض الشغلات !

انا ماخذه ولد خالي والحياه ما تخلو من المشاكل بس راح يظل بينكم معزه و احترام لانكم من الاهل

موفقه يا قلبي والله يكتبلج الي فيه الخير

 

[انثى عاشقة]

الفيصل في الموضوع هو الاستخارة ياقلبي
لا تردينه بس عشان صلة القرابة
اذا هو شخص خلوق ودين
وعارفينه عدل استخيري وتوكلي ع الله​

 

[انا و بس]

على حسب الشخص نفسة يتفوت ولا لأ ؟

 

[لباسةالعقد]

انا متزوجة من بره العايلة حتى مومن معارفنا سبحان الله نصيب بس كلن خاطبني ولد خالتي ورفضته لانه مثل اخوي بس انا رابية معاه لانه ولد جيرانا بعد

 

[miss swan]

والله انتي شنو حاسه شلون امه وشلون اخلاقه قيسي بعقلج
وبصراحه احسه شاريج لانه نزل نفسه واخطبج مره ثانيه
اول شي صلي استخاره
وعلى الاخوه يمكن الشعور يتغير
​