مادة الانجليزي سهله ولا صعبة ...

[شمس الحقيقة]

اول شي السلام عليكم والله يحفظ ديرتنا الغالية ويزيد افراحنا
خواتي أبي وحدة تنصحني...أبي وحدة شاطرة بالانجليزي وتعرف له ...أبي تقول لي الخطوات شلون اتعلم الانجليزي واخر شي اتكلم صح وبطلاقة ...تكفون ساعدوني...
يعني احط دفتر واحفظ كل الكلمات ولا اتابع برامج ولاادش معاهد أنا صرفت فلوس شكثر ومااستفدت شي
جبت مدرسة بالبيت مدة شهر وعطتني كل شي بس انا ضايعة ووشريت كتب علشان اقرها انجليزي ولا ولا كلمة افهمها وتحتاج وقت طويل علشان اترجم كلمة كلكمة وعقب راح اقعد احفظها دخلت معهد ولا الناس اسرع مني وافهم مني وعندهم خلفية وانا غرزت.....الله يخليكم شلون اصير فلته شاطرة بالانجليزي ابي الخطوة الاولى ...اللي تسندني ..ابي شلون اكون جملة صح...ابي شلون انطق الكلام وفيه حروف ماتنطق شلون اعرفها...وصح فكرتي اقعد احفظ كل كلمات الانجليزي اللي بالدكشنري بس تعب موت ؟؟؟شنو رايكم ....يابنات ديرة مامثلها ديرة ساعدوني

 

[om_3kash]

ابدي من الصفـر

من الحروف الابجدية بعدين الافعال و و هكذا
بعدين سئلي عن معهد انجليزي تأسيس

انا سامعه في معاهد يعطونج اختبار يقيمون اللغة عندج و على تقييمهم يبدون معـاج من مستوااج ليمـا تتقويين

انـا كنت دايما اشوف افلام انجليزية من غير ترجمه والله هل شي ساعدني وايد

واحب اقره قصصهم و الكلمه الي ما افهمها اسأل عنهـا

و الله يوفقج

 

[شموخ كبرياء]

وعليكم السلام ورحمة الله وبركاته
حبيبتي بس تحتاجين
تاسيس
يعني على الاقل لو تحفظين لج
كلمتين باليوم وتحطين عليها جمل
ولما تسولفين اتقولينها
وقتها بتنرسخ بمخج وتحفظينها وجي
<<هذي الطريقه بالنسبه انج تتكلمين بطلاقه
<<تحتاج شوية وقت
وتقدرين تقرين قصه بالانجليزي ومعاج ترجمتها
وقتها شوي بتدخل الجمل وتعودين نفسج
ومن ناحية القواعد وجي
دخلي لج معهد معروف مو اي معهد
واتمنى اني افدتج وشكرا

 

[*احلام*الدجى*]

حبيبتي تابعي مسلسلات اجنبيه مع الوقت بتاخذين على اللغه وطريقة نطقها وهالشي فيه وناسه بدال ما تقعدين وتحفظين وتتعبين عمرج

 

[غلا الكادي]

شوفي حبيبتي والله من عايلتنااا فشله من نااحية الدرااسه بس الانجليزي واااااااااااااو عندهم..انا شخصياا مصدوومه فيهم ما شا الله علييهم
وطبعا السبب الافلااااااام الاجنبيه ادماااااااااااان فيلم طالع فيلم ناازل..
والحين رووحي على طووول وجيبييلج كوووومه افلاام تكوون اجنبيه البريطاانيه احسن من الامريكيه اوضح الالفااظ عندهم >>انا سمعت جذي ..لان تعرفين النطق الانجليزي يختلف من بلد لي بلد يعني الهندي صعب تفهمين لما يتكلم انجليزي أما الامريكي احسن منه والبريطاني احسن من الامريكي ..وجذي السالفه ..
ويالله بشرينه عنج والوعد الاشهر الجاايه ههههههههههه>>>موفقه حبيبتي

 

[اللعبه]

حبيبتي يبيلج تركيز عقب كل اللي قلتيه اكيد عندج الاساس بس يبيلج تنظيمه .

الافلام 100% .



دشي معهد تاسيس والجهد:eh_s(15): عليج بنسبة 99.9%

 

[sa_ma]

نصائح حلوه ..فعلا الافلام بتساعد موفقه اختي ...