مادري شسووي

[*كلي احساس*]

بنات صج والله تعبت وحترت مع خطيبي مادري شلون اتعامل معاه كله يعصب على اي شي تافه وكله يقولي انتي ماتفهمين يعني ما افهم شيقول واذا على قولته مافهمته يهاوشني ويقط على كلام واخر شي يزعل ومرات اتفاجا من زعلان اقوله على شنو يعطيني سبب تافه يزعل على اي شي وكله يبيني انا اقوله اسفه اهو الغلطان ويبيني اقوله انا اسفه عاد امس قتله مابي اعتذر انا موغلطانه المهم ماطول عليكم قتله خلاص مابي اكمل معاك ماتحمل تعاملني جذي وتذلني صج تعبت منك والحين خلاص ماكلمه ومادري شسوي محتاره تكفون ابي تساعدوني:eh_s(2):

 

[الأميرة الحزينة]

الله يعينج ترا كلهم جذي اول فترة بيفرضون شخصيتهم .. طولي بالج حبيبتي والله يهديه لج ودايم ادعي بصلاتج جذي . موفقه

 

[الأميرة جوري]

يمكن مبينه غلاته او دوم تعتذرين له علي اي شيء لو انه مايستاهل الاعتذار.......ثانى مره حاولي تعطينه طاف اذا حسيتي انه زعلان بس حطى نفسج ماتدرين انه زعلان ومشيها بضحك وسوالف حتى لو حاول يبين الزعل قولي اشفيك تعبان والا مريض <<ههههههههه ان كيدهن عظيم علشان يهون ويقول هذي مو منبه انى زعلان ويطيح الي براسه

 

[أبله كويتيه]

رد : مادري شسووي

غلطانه عودتيه تقوليله اسفه

زين سويتي ما اعتذرتي اخر مره ولا تعتذرين اذا انتي مو غلطانه

اهو يتغلى وبيفرض شخصيته عليج وبيحاول يفرض نفسه ويفرد عضلاته عليج

حقريه حقريه حقريه هذا الحل حبيبتي

خليه اهو يدق اهو يشتاق اهو يتلهف اهو يعتذر مو انتي

 

[اشتياق]

اذا ايام الخطبه جذي؟؟منفس عيل بعدين شبيسوي؟؟

 

[وتلومني فيك يوم اغليك]

انا جذي زوجي .. اذ1 شفته زعل من شئ تافه (( زعل من نفسه ))

ماأعتذرله لو شنو يصير ..اهو يرضى من نفسه (( زعل من نفسه يرضى من نفسه )) لاتقطين روحج عليه وتبجبجين وتعذرين واهوا الغلطان واهوا اللي زعل من نفسه ..

اما اذا انتي مزعلته وماطعتيه بشئ زين وتكبرتي عليه وزعل ..(( اهنــي راضيه وتاسفي منه ))

والله يسخرلنا ازواجنااا يارب​

:eh_s(22):

 

[بدويه زوووغه]

مع الاميرة جوري استهبلي ولا تعتذرين علي اشياء سخيفه وعلي اي شي وخلي الإعتذار عندج له هيبه ’’’’’’’’’

 

[شواخي]

كلهم جذيه ...

 

[ماني من الناس]

لا تتعودين على كلمه اسفه,,,,,,,,,,

ولحد يعتذر لاحد وثقلي عليه شوي وصيري غامضه يمكن يحب الغموض

ولا تبيني نفسج ضعيفه ,,,,,,,,,,,,اهدئي شوي لما يحس على دمه

ولا تتركيه عشان هالشي,,,,,لانه سبب مو قوي ,,,,,

باجر تتعودوا على اطباع بعض

وقوليله انا غير عنك لازم تتقبلني مثل ما انا وانت غير عني,,,,,,,,,,لاتتوقع انه تصرفاتي كوبي بيست منك,,,,,,,,لاني انسانه وتعودت على حياتي

 

[*كلي احساس*]

رد : مادري شسووي

مشكورين حبيباتي الله لايحرمني منكم انشالله اي انا موغلطانه عليه اهو زعولي وصج انا عودنه اقوله اسفه بس هلمره ماراح اتاسفله صج انا متضايقه ومحترق قلبي بس ادري شكله ماراح يقولي انا اسف عشان اهو قالي انتي غلطانه وقوليلي اسفه بس قتله مابي ومارد علي كلش