مادري شفيه مستبخل ..!

[سوسن1980]

رد : مادري شفيه مستبخل ..!

لو عندي معاش مااطلب منه الا اذا احتجت

 

[درة أهل الطولات]

رد : مادري شفيه مستبخل ..!

مو محتاجة ال100 انتي

معاشج عندج

 

[عمري فـداك]

رد : مادري شفيه مستبخل ..!

عادي حبوبه يمكن عنده شي هالشهر او يبي يجمع تعرفين متطلبات الحياه صارت غاليه والله يعين الرياييل على المصاريف

 

[Tom ♥ Jerry]

رد : مادري شفيه مستبخل ..!

.



اهوه كل شهر يعطيج 100 فوق رآتبج !
آلحين يايه تحآسبينه عشان مآ عطآج شهر وآحد
و آنتي مو ميته من اليوع و لا آنه مآ عندج معآش !
الحمد لله معآشج بآيدج و محد ياخذ منه فلس وآحد كله حقج !
لا تصيرين انانيه و تزعلين ريلج عشان الفلوس !
ترا الفلوس تروح و اتيي و الفلوس وصخ دنيا
لا يصير بينكمـ تآشش على شي مليق مثل الفلوس !
مآ تدرين شنو ظروف زوجج ! و ريلج مآ يبخل عليج
كآهو كل شهر قاعد يعطيج فوق رآتبج !


الله يهديج ان شاء الله :*

 

[نـــووونـــا]

رد : مادري شفيه مستبخل ..!

مشكورين بنات

ذكروا الله وقتلكم مضغوطه هالشهر واهو راهي يعني مافيها شي يعطيني لو سلف بس شكلي باخذ من امي وارجعلها تالي لان عندنا عرس هالشهر ومضغوطه ..

ذكروا الله بس ..

..

 

[الغاليه نونو]

الشرع يقول نفقه الزوجه بانواعها الثلاث........مأكل وملبس ومسكن
اذا موفرهم لج مايحتاي تداحرينه علي ال100 دينار مع ان من حقج تاخذينهم بس بالطيب يمه ترا العساره موزينه دام معاشج بيدج سكتي عنه واخذي ال50 دينار منه وقوليله هالشهر باخذهم منك بس الشهر الياي ياقلبي عطني اللي تعطينياه قبل ادري فيك ماتبخل علي فيهم بس ماعليه هالشهر يمكن ظروفك موشي عسا ربي يسمح دربك ويسهل امورك دامك يمي يالغالي تفداك كنوز كسري وقيصر "مابي شي غير وجودك الله لا يحرمني منك ولا من حسك ":

بالطيب والكلمه الحلوه تاخذين هدومه اللي عليه بس قظبي ارظج ولسانج وكل شي يصير تمام يمه

 

[رغد84]

ماشاء الله عليه
اللي يعطي بعد
فيه غيرررررج
ياخذ من معاشهااااا
وانتي يعطيج

احمدي ربج يامعوده

 

[flower quen]

رد : مادري شفيه مستبخل ..!

حبيبتي عادي
اذا انتي لك راتب مو شرط يعطيك من راتبه

 

[نـــووونـــا]

رد : مادري شفيه مستبخل ..!

مشكوره الغاليه نونو ع الرد الحلو


ما

شاء الله عليه
اللي يعطي بعد
فيه غيرررررج
ياخذ من معاشهااااا
وانتي يعطيج

احمدي ربج يامعوده

مافهمت شنو قصدج

 

[!الجادل الصعب!]

رد : مادري شفيه مستبخل ..!

ملزوم حبيبتي .. وانتي اتوقع قآعده تجهزين للبيبي .. وقولي آنت رجل ولآزم تعطيني آجل شفآيدتي قآعده عندك ومآتصرف علي .. كآني عآيشه بروحي .. كل شي نتشآرك فيه الا معآشك مآتصرف علي منه ..!
حبوبه لآتسكتين ترآ بيشيل ايده مره وحده وعلى حسب الطريقه الي تنفع معآه بالتفآهم ..!

 

[الفنانة لؤلؤة]

بنات شفيكم كليتوها،، شالسالفة مبطلين عيونكم عليها
ما فيها شي،، الريال ملزوم يصرف عليها شرعا وقانونا ولو كانت مليونيرة
وهذا الدليل
[ ص: 156 ] كتاب النفقات نفقة الزوجة واجبة بالكتاب والسنة والإجماع ; أما الكتاب فقول الله تعالى : { لينفق ذو سعة من سعته ومن قدر عليه رزقه فلينفق مما آتاه الله لا يكلف الله نفسا إلا ما آتاها } . ومعنى : ( قدر عليه ) أي : ضيق عليه . ومنه قوله سبحانه : { يبسط الرزق لمن يشاء ويقدر } . أي : يوسع لمن يشاء ، ويضيق على من يشاء . وقال الله تعالى : { قد علمنا ما فرضنا عليهم في أزواجهم وما ملكت أيمانهم } . وأما السنة فما روى جابر ، أن رسول الله صلى الله عليه وسلم خطب الناس ، فقال : { اتقوا الله في النساء ، فإنهن عوان عندكم ، أخذتموهن بأمانة الله واستحللتم فروجهن بكلمة الله ، ولهن عليكم رزقهن وكسوتهن بالمعروف } . رواه مسلم ، وأبو داود ، ورواه الترمذي ، بإسناده عن عمرو بن الأحوص ، وقال : { ألا إن لكم على نسائكم حقا ، ولنسائكم عليكم حقا ; فأما حقكم على نسائكم ، فلا يوطئن فرشكم من تكرهون ، ولا يأذن في بيوتكم لمن تكرهون ، ألا وحقهن عليكم أن تحسنوا إليهن في كسوتهن وطعامهن } . وقال : هذا حديث حسن صحيح . { وجاءت هند إلى رسول الله صلى الله عليه وسلم فقالت : يا رسول الله ، إن أبا سفيان رجل شحيح ، وليس يعطيني من النفقة ما يكفيني وولدي . فقال : خذي ما يكفيك وولدك بالمعروف } . متفق عليه . وفيه دلالة على وجوب النفقة لها على زوجها ، وأن ذلك مقدر بكفايتها ، وأن نفقة ولده عليه دونها مقدر بكفايتهم ، وأن ذلك بالمعروف ، وأن لها أن تأخذ ذلك بنفسها من غير علمه إذا لم يعطها إياه . وأما الإجماع ، فاتفق أهل العلم على وجوب نفقات الزوجات على أزواجهن ، إذا كانوا بالغين ، إلا الناشز منهن . ذكره ابن المنذر ، وغيره . وفيه ضرب من العبرة ، وهو أن المرأة محبوسة على الزوج ، يمنعها من التصرف والاكتساب ، فلا بد من أن ينفق عليها ، كالعبد مع سيده .
وبعدين نووونا حبيبتي إلغي الموضوع لأن شكلهم البنات ما راح يعطونج خير،، الله يكافيج شر الحسد
الله يسخر لج زوجج،، وعليج بالحيلة ولا تتنازلين عن حقج لأن إذا بتطوفين ألحين راح إتطوفين العمر كله ومو بعيدة ياخذ منج بعد
شوفي شنو نقطة ضعفه وإستغليها وتدلعي عليه شوي وبالحيلة تاخذين إللي تبين،، بس هم حطي يدام عينج إنه زوجج وحبيبج وأبو عيالج (إن شاء الله تكونين فاهمتني)

 

[@البتووول@]

رد : مادري شفيه مستبخل ..!

ههههههههههههه

أهم شي خفتي من العين

لاإله إلا الله

شفتي شلون وضعج ممتاز بالنسبه لغيرج

وبعدين دام عندج عرس بسيطه روحي جهزي معاه وخليه يدفع يعني موشرط المبلغ يسلمه لج بإيدج السوالف هذي يبلها ذكاء مو مداحر وفرد عضلات


وأخيرا الله يوفقج معاه ويستر عليكم ويتمم عليكم بخير

 

[ZOHOR]

عيل ريلي مايعطني شي الله همه يصرف اغراض البيت ومرة انا اشتريهم بس هو اكثر ..
ولا يقول عندج راتب وفوق هذا اعطي مني مصروف صار يذلني علي اغراض الجمعية..

قولي الحمدالله أهون من مايعطيج ولاشي اهم شي زين متفاهم كافي*

 

[eman84]

يبتي الحجي حق روحج لووووول

واخرتها خفتي العين ماشاءالله و ان شاء الله عاده ماتنقطع يارب

وراعي ظروفه هالشهر يمكن ناوي على شي يشتريه ؟؟ وانا مع البتول تحايلي وروحي معاه السوق واهو خل يدفع مو شرط تقبضين نقدا

 

[English.Teacher]

رد : مادري شفيه مستبخل ..!

احسك تحسفتي نزلتي هالموضوع

مالومك والله

بس المشكلة ان المنتدى يدخله جميييييييييييييع فئات المجتمع

وليته بس ع المجتمع الا كل العرب

الله يعينننك

 

[ام كوشه منكووشه]

رد : مادري شفيه مستبخل ..!

ماعليه ياقلبي عذريه هالشهر ماتدرين شنو ظروف لريال يمكن عنده التزامات ولا حاب يوفر شوي حق ولادتج بالسلامه ويوفر شوي حق البيبي اللى ياي بالطريج

 

[الدلوعه2008]

الله يعينج حبيبتي

اصبري شهر وشوفي كم راح يعطيج الشهر الجاي
اذا نفس الشيء قولي الحمد الله علي النعمه

 

[نـــووونـــا]

رد : مادري شفيه مستبخل ..!

مشكورين بنات ع الردود ماقصرت

..*

 

[noo7a]

قولي الحمدلله
فوق راتبج كل شهر يعطيج
يمكن هالشهر محتاج عليه ظروف خو بعد مايصير يعطيج كشف بحسابه و ظروفه
و دامه يصرف عالبيت شتبين بعد
يمكن بيمع حق ولادتج