مادري شلون الحل معاهاااا !!

[άℓ-м3άηđάћ]

السلام عليكم والرحمه
شلونكم بنات شخباركم ؟
امم اليوم بقولكم موضوع عن اختي
الصراحه انا صارلي فتره مو مكلمتها ومعصبه عليها
الي قاعده تسويه حده غلط شذنب عيالها ينحركون مع ابو جذي !

الله يسلمكم السالفه بختصرها لانها وايد طويله ،

اهو من اول ماتزوجها عنده خرابيط اول شي ببين انه شريف وجذي وبعد جم شهر

قالها انه يشرب ! وطبعا اهي سكتت اتقول مابيدها شي تهدم حياتها عشان انه يشرب الله يهديه << اموت على ردها !!

المهم انه قام يخروها ويشرب بالبيت عندها ويطقها ويسبها ويسب اهلها وبعد جم شهر يابت حمود الصغيرون واهو ماقام يشرب بالبيت ولا يدخن ولا شي

اتقول انه حس بالمسؤوليه < خير ان شاءالله

المهم انه كبر حمودي سنه تقريبا ويابت ليونه الله يسلمكم اهو هداا فتره بعدين جد بده يخربها

قام يطق عياله ويهددها انه راح يذبحهم ومادري شنو < لمه يكون سكران طبعا

وبعد فتره يتلنا وقالت انها مو راضيه اتحمل تبي اتطلق احنا ماصدقنا وقلنا يالله !

لانه الريال مايستحمل صج ، مادري شصار شكله كلمها ولا شي جذي جان اتقول لا خلاص

باجر عيالي بتمون ماعندهم ابو قلت لها انا عن نفسي ماعندهم ابو ابرك من انه يقعد معاهم كافي انهم يهال ويعذبهم ويطقهم بسبتج وكافي انه يشرب جدامهم واهم يهال وكافي انه يطقج جدامهم اذا انتي تحبينه قعدي معاه وخلي عيالج عندنه انا راضيه اني اربيهم بس مايقعدون معاه !

طبعا تهاوشت معاها وحتى امي وابوي ! مابيدنا شي خلاص كيفها بتروح ختروح

راحت وكل ماله الوضع و يسيئ حييل قامت تيننا كدمات بكدمات والحاله حاله مادري شلون راضيه ومادري شنسوي معاها :eh_s(10):

انا خوفي لي كبرو عياله اكثر من الحين بينون صج لانه مره واهو سكران شال ليونه وقعد يحذفها من فوق السرير ويرفسها ويسبها ويعلمها شلون اتسسسسسسسسسب سب مو طبيعي اتيننا عندنا وتقولي خالتي انتي ***** كلمه ماتنقال صراحه !!!!!!!

< اهي عمرها سنتين الحين وحمود 3 سنين

اهم صارلهم 5 سنين مع بعض ،


بنات شرايكم ؟ شنسوي لها ؟؟ شنو الحل :eh_s(10): :eh_s(16):!!​

 

[άℓ-м3άηđάћ]

آشدعوه بنـآآآآآآآآت وييينكم !! ​

 

[ليلو جبريت]

ياحرام باجر تندم والله
دام بيت اهلها مفتوح لها اشحادها على المذله
باجر عيالها يكبرون معقدين واحسن له يكونون بعاد عن هالي يسممه عقله ويطقهم
مساكين اليهال الله يهديه

 

[محد مرتاح]

ابوج واخوانج وينهم عنه ؟؟ المفروض يسنعونه الين يصطلب دامها تبيه ولااا الطلااق ابركك
اختج اسمحيلي غلطااانه المفرووض ماتصبرعليه انا مالومهاا كلمة مطلقه قويه ابمجتمعنا الي مايرحم
بس تصبرر ع واحد يشرررب لاا المفروض ماتصبررر السكرران يسوي بلااوي ابمرته يمكن بيعهااا بعد ع ربعه
يببااا خل تقعد عندكم لو بدون طلاااق اهم شي صحتها وصحة العيييااال وتخليييه الين صج يعتدل
ربي يحفظها ويحفظ بنااااااااااااات المسلمييييييييييين

 

[سروري]

بداية أتمنى تكون الأسامي مستعاره
_منعا للفضايح_
ثانيا:عليكم بالدعاء لها ولعيالها و زوجها ان الله يهديهم ويصلح حالهم
ثالثا:الحل بايدها والاختيار بيدها
رابعا:حاولي تحسسينها ان رايج سليم بانها تخلي اعيالها عندج خليها تشوف طبيعه علاقه مثاليه بين أطفال وأبوهم
خامسا:تعمدي تشغلين سي دي حق تربويين وانتو قاعدين واهي معاكم بحيث يكون الموضوع عن التعامل مع الاطفال وعندي لج جم اسم مقترح:

• د.ابراهيم الخليفي
• د.مصطفى ابوسعد
• د.خليفه المحرزي
• الشيخ أحمدالقطان

سادسا:حطي مع الجريده وبوسط الصاله-كأنج مو انتي اللي حاطه-نشرات عن التربيه وشخصيه الطفل
وللعلم ان من كلام الدكتور مصطفى ابوسعد ان الصراخ تأثيره شديد على شخصيه الطفل فمابالج بالطق والسب
وتقدرين تسوين سيرج وتطبعين مواضيعهم وتوزعينهم بالبيت بطريقه تضمنين انها راح تقراهم
وبالتوفيق:eh_s(15):

 

[PuPa^^SWeeT]

والله مانقدر انقوول تطلق ولا ماتطلق

اللي ابي اسالج ويين ابووج و اخوانج

ليش ابووج مايكلمه

ليش ماتدخا العايلتين ؟؟؟؟

شلوون البنية اتحل مشكلتها برووحها ؟؟؟

ابووها يكلمه ولا اهيي اتكلم اهله

شوفوو

 

[ميشو المالكي]

مشكلتها تقهر حسبي الله على رجال ماترحم ومايروح والضحيه هم الأطفال الضعوف
أفضل شي أنها تجلس عندكم سنه ولا سنتين ولا ترجعله أل أذا تعالج وجاب أثبات أنه تعالج
وراح السموم من جسمه لأن بعضهم يقعدون كم شهر مايشربون وفي لحضه يرجعون له بكل سهوله
الله يهديها ويدلها ألاطريق الحق والصواب

 

[( مي )]

انا اللي اعرفه
الزوجة من حقها انها تتصرف لمصلحتها بعدة حالات ومنها
- خاين وزاني
- راعي خمر ومخدرات
- يهينها ويسئ معاملتها جسديا
- يسئ معاملة عياله جسديا​

المصيبة ان فيه هالنقاط ال 4 @@ يعني ما اعتقد على كل هذا ،، انه ما يعرف بنات ،، وانشالله يكون الله هاديه من هالناحية عالأقل ،، وما اعتقد يصلي وخايف ربه وهم يسوي كل هذا ؟؟​

بس ترى اليهال واهم صغار كل شي ينطبع بذاكرتهم وما يطلع ،، وتتحول لأمور سلبية اذا كبروا او حتى اذا تزوجوا
فإذا ما تبي تنفصل
على الأقل خل يكون في تواصل بينها وبين استشاري نفسي للأطفال عشان تعرف شلون تتعامل مع عيالها ​

وعلى فكرة ،، منو قال انهم يعيشون مع ابو من هالنوع ،، افضل من انهم يعيشون بدونه !!!!!!!!!
الظاهر اختج ميته عليه وحاطة لها عالعذر ومصدقته​

 

[al-musk]

حرام عليها تدمر عيالها جسديا ومعنويا ..باجر لي كبرو بيكرهونها هي وياه...وتكون خسرت كل شي لاعيال ولا دنيا

 

[ام بوحنة]

الله يعينكم

بس اهي موظفه والا طالبة ؟؟

وعلى فكرة بييها يوم بتمل وبتهدله الجمل بما حمل

 

[نفهمها صح]

مدري ليه خايفه من كلمة مطلقه
افضل واشرف من زوجه زوجه سكار
واذا بيت ابوها مفتوح ليه تعيش بظلم
الله يهديها من زين ابوهم هذا مووو غدوه لهم

 

[sunshine22]

الحل مع اشكاله

الطلاق

 

[άℓ-м3άηđάћ]

ليلى المطوع : ادري انها بتندم اهي ماتبي شنو بيدنا انطقها وانقولها غصبن عليج اهي ماهي ياهل شكبرها محد يقدر يغصبها ، ان شاءالله يهديها !
محد مرتاح : ليش عبالج ماتدخلو ! شنو فجأه يدشون عليه يطيحون فيه طق مو ميانين لهدرجه في قانون بس اهي ماااتبي مادري شسالفتها امييييييييييين ان شاءالله !!
سروري :
يعطيج العافيه حبيبتي ع النصايح
بابا سويت < جذي صح ؟ :
حبيبتي تدخلو شنو من صجج بنخليها بروحها تحل مشاكلها !
احنا كلمناها ابوي كلمها وقعد معاها بس ماكو فايده
وبعدين شلون بتكلم اهله ! اذا اهله يدرون :\
ميشو المالكي :
ان شاءالله ،
قاعدين نحاول انخليها تقعد عندنا فتره !
مي :
اي ادري مليون مره افضل يعيشون بدونه !
بس اهي الله يهداها مادري شنسوي معاها
اصلا قاعدين ناخذ اليهال ونومهم عندنا شوي
يعني خميس ويمعه وسبت اهي غصبن عليها تنام عندنا ونغير جوهم عرفتي شلون ونحاول كثر مانقدر انخليهم عندنا

الماسك : الله كريم
ام بوحنة :
امين ويعين جميع المسلمين
لا هذا ولا هذا وين تقدر اداوم وتشتغل
ان شاااااء الله تمل منه
نفهمها صح :
امين ويهدي الجميع ،
تسلمين
sunshine22
قاعدين نحاول !!
تسلمون بنات
​

 

[ظل الياسميـن]

رايي من راي البنات

تطلب طلاقها الحيين احسن من بعدين

 

[G!RLooNa]

حراااام شمقعدها معاه !!!!!!!

عيالها كل الامراض و العقد النفسيه بتطلع فيهم !!!

مو خايفه على روحها خل تخاف على عيالها!!!

و على كل هذا قاعده تروح تثبت حاله لما يكوفنها !!!

و لما يطقها تقولينلها تروحين تثبتين حاله و تطلع تقارير تخشهم و تيمعهم و بيي اليوم اللي بتحتاجهم فيه

 

[ام شووووق]

خلها تتقي الله بنفسها وبعيالها

 

[ليلو جبريت]

قوليلها عشان عيالج والله حرام بيتعقدون

 

[انا لحبيبي .]

حراام ، ترا لا تفكري اختك مبسوطه بحياتها تلاقيها عايشه الجحيم بحد ذاته ، بس ما بتعرفي زوجها شو بحكيلها لحتى ضلها موجوده معه ،،

بس حرام اختك مافكرت بالاولاد بس يكبرو؟؟ شو رح يصير فيهم ،

انتو نصحتوها كتير ومافي فايده ، حاولو خلي حد هي بتتأثر فيه يحكي معها

الله يهديه يارب ،،

 

[محد مرتاح]

محد مرتاح : ليش عبالج ماتدخلو ! شنو فجأه يدشون عليه يطيحون فيه طق مو ميانين لهدرجه في قانون بس اهي ماااتبي مادري شسالفتها امييييييييييين ان شاءالله !!​

خخخخخخخخخخخخ منو جاااب طاري الطق شكلج شراننييييه خخخخخخخخخخخخخ
الي اقصده شي اسمه تفاااهم لانه لو درا رجل اختج انه سالفته وصلت لابوها بيحس ع دمه هذا الي كنت اقصده امااا الطق هههههههههه اعوذ بالله مع انه اشكاله يستاهلونه

المهممم دام تدخلوووا مافاد مالها الا االطلاااااااق ولا تقعد عندكم
قوليلهااا تراا تاخذ اثم في عيالهااا مالهم ذنب يتعقدووون

وربي يهديييه انشالله

 

[FeShinGoOo]

الصراحه اختج ماعندها مخ اسمحيلي ..!!

شلاقيه فيه ..!! اقعد فبيت اهلي معززه مكرمه ولا اقعد ويا هال ............

اصلا هذا مايعتبر ريال واهي لاتعتبر روحها تحت ظل ريال هذا ماقدر اقول الكلمه بس والله مافيه ذرة رجوله هاذا باقل مشكله اتطيح فيها بيشوتها ويمشي ..!!

لا مسؤليه لا تربيه لا احترام لا اخلاق لا دين اشتبي فيه ..!!

لازم اهلج يتدخلون حرام اهي حابته مع ان مافيه شي ينحب كيفها بس العيال اشذنبهم ..!! والله ذنبهم بارقبتهاااا ..!!

يعيشون ويا هالانسان الفاسد اتوقع من يطقون ال 10 سنين بتشوفون عليهم علامات الانحراف

الولد بيكون صايع مفتح باللبن يدور سوالف الوصاخه وزقاير ومخدرات وافلام وهياته بالسكيك والبنت اتوقع نفس الشي ..!!

حراام والله حراااام تاخذ عيالها وتحفظهم وتربيهم تربيه صالحه ولا تقعد ويا هالانسان المنحط ..!!!!

اتبط الجبد اختج ..!!!!!