مادري شنو اتخصص من هالـ3 ؟! " كلية العلوم الإدارية "

[Little_Queen]

ســلام عليكم

شلونكم ؟

شخباركم ؟؟














انا طالبة في كلية العلوم الادارية ..

في سنه ثانية ..

و الحين كل مالي و قاعده اقرب من مرحلة التخصص ..

انا ليلحين محتارة بين 3 تخصصات


1- التسويق marketing
2- نظم المعلومات الادارية mis
3- ادارة العمليات و سلسلة الامدادات operation managment

----------------------------------------------------

قريت وايد بالنت عن تخصص ال Mis " نظم معلومات إدارية "


و سألت شوي بالكلية لاني مو وايد اعرف ناس متخصصين فيه ..

و استحي اروح اسأل الدكاتره


بلا شك ان التخصص مطلوب و لله الحمد

و ادري انه يجمع بين علم الحاسوب + ادارة الاعمال .ز

يعني الواحد يكون دارس بزنس شوي .. و دارس كمبيوتر شوي



بس كل ما اسأل احد بالكلية يقولي اوففففففففففففففف حده صعب !


انزين ليش ؟؟ شنو الصعوبة الي فيه ؟


يقول لالالا حده صعب حده صعب !!!

بدون ما يشرحلي ليش صعب

الي اعرفه انه التخصص ماله شغل بالرياضيات ولا بالفيزيا و السوالف هذي .. و هذه نقطة في صالحه لاني اي شي مافيه هالمادتين ارتاح نفسيا منه


لكن ابي من البنات الي متخصصين او متخرجين من هالتخصص يفيدونا أكثر


شنو درسو فيه ... شنو المادة الاساسية يعني الي تكون هذا التخصص .. ؟

شنو وجه الصعوبة الي وايد ناس يقولون عليه هذا ؟

ادري انه الي يدرس ما يلاقي شي صعب ... بس هم ابي اعرف اوجه الصعوبة اهي في شنو بالظبط


يعني هل مثلا انه التخصص فيه معادلات و حسابات معقده ؟

ولا انه حفظ وايد ؟

ولا انه متعب جسديا ؟

ولا شنو بالظبط ؟؟؟؟؟؟

------------------------------------

التسويق الكل يقول سهل و ماي و حلو حده و ما تتعبين كلش في دراسته ..


انزين شلون مستقبله ؟؟؟؟

انا ادري انه وايد حلو في القطاع الخاص ... و انا مفكرة فعلا عقب التخرج اشتغل بقطاع خاص .

بس شلون عالحكومة ؟؟؟

سبحان الله الواحد ما يدري شنو تصير ظروف .. ما أروح انا ادرس و اتعب 4 ولا 5 سنين عالتخصص مالي .
و آخر شي اشتغل بالحكومة اي شي ثاني ماله شغل بالتسويق من قريب او من بعيد !
-------------------------------------

و أخيرا تخصص إدارة العمليات و سلسلة الامدادات ...


شنوووووووووو اهو ككل ؟؟ لانه هذا عاد الي كلش مادري عنه ولا أدري شيدرسووون

ولا ادري على شنو يعتمد

و مدى سهولته

او صعوبته

و لا شسالفته

ولا شطبخته


بس اسمه عاجبني اسمه كشخه جذي لما تقولينه تحسين انج بلبل بالانجليزي !


اعرف ناس متخصصين فيه ... اهم نفسهم مو عارفين يشرحولي تخصصهم ..

او قاعدين يشرحونه بطريقة مهنية

انا ابيه بطريقة طلابيه

هل مستقبله زين ؟

هل فيه صعوبات بالدراسة ؟؟

يعتمد على اي مواد بالظبط ؟ رياضيات و احصاء و هالسوالف ولا ادارة و لا شنو بالظبط ؟؟؟
-------------------------------------------------------



و ادري دوختكم و أذيتكم

 

[Little_Queen]

ماكو خريجات ادارية هني ولا شسالفة

؟

 

[Kumar and Clark]

مع ان الادارية بعييييييييييدة كلش عن تخصصي و ما اعرف و لا افهم فيها بس ما حبيت ادش و لا أرد عليج


انا "اسمع" ان افضل تخصص بالادارية هو المحاسبة من ناحية الوظيفة بالمستقبل بس هو الاصعب.. ما فكرتي فيه ؟

موفقة ان شاء الله و اب اب عشانج

 

[Little_Queen]

كومااااااار

لاااااااااااااااااااااااااااااااااااااااااااااااااااااااااااااااااااااااااااااااااااااااااااااااا

لا لا لا لا لا

انسي

انسييييييييييييييييييييييي

المحاسبه ليس الاصعب اطلاقا بل على العكس تماما .. يعتبر من اسهل التخصصات


بس مشكلته انه ممل

لأقصى درجات حدود آفاق الملل !

مهنة و دراسة و تفكير روتيني بحتتتتتتتتتت


ابداا مافيه مجال للإبداع
او الخيال
او العطااااء

ارقام . شيل و حط و اطرح و اجمع

و مو بيدك تسوي أي شي ثاني

رغم المستقبل اللامع لهذا التخصص إلا اني كلش بعيده عن الرغبة فيه يا كومار

و لهذا لخصت رغباتي في ال3 المذكورين اعلاه مابي شي فيه جمود .. ابي شي فيه حركة .. فيه تفكير .. إبداع .. شخصيتي تظهر في شغلي


انا ماحب الشغل الجامد

و ثانكيووووو عالرد و النصيحة يا حلوة

 

[ice_cream]

انا كنت تسويق وايد حلو التخصص وانصحج فيه

بس في الغالب لازم تشتغلين بنوك او شركات

 

[غَسَقْ]

السلام عليكم
انا بالادارية و كنت اسوي سيرج عن هالتخصصات و وصلت لموضوعج
و الله سبحان الله بالضبط نفس الثلاث تخصصات الللي محتارة فيها
التحليل الكمي التسويق و الmis

صارلي من كورسين مخلصة مواد التخصص لكن خايفة اتخصص و حدي محتارة و قاعدة اخذ مواد مشتركة
انا ملاحظة ان الموضوع من سنتين فاتوقع انج تخصصتي

فبشنو تنصحيني ؟ شنو تخصصتي ؟ و على اي اساس

انا وحدة ابي تخصص فيه ابداع مو قوانين و اطبق
لا ابي شي انا افكر و انتج فيه

و شكرا

 

[الحورية الصغيرة]

التوب التوب محاسبة و بعده mis بعدين تمويل

 

[~ طـــواري ليل ~]

قوووووووووة بنااااااات ...

شلووووون مواد الاداريه بالنسبة للمستجدة ؟؟؟

و اللي يتخصصون محاسبه ، شنو يدرسووون <<< رياضيااات صح ؟؟

و هل اهو نفس رياضيات الثانوية ولا لا ؟؟ <<< اكره التكاملات و المعادلات :

و هم اللي تخرجوا من المحاسبة هم اللي يشتغلوووون في البنك <<< اللي لما نفتح حسااااب بالبنك نشوفهم

هع هع هع <<< قصة


وبث !!

 

[قلب حنان]

انت بسنه ثانيه والتخصص جم سنة تدرسينه سنتين عشان اتخرجين باربع ؟

 

[عواشه =)]

قوؤه آنآ توني خريجه من الثآنويه بنسبه 86,59
تنصحيني ادخل علوم ادآريه وحده محتآره

آسف لآني غيرت الموضوع

 

[ƒédaîtn¥ ZoO'3a]

تسوييق واايد حلو ودراسته سهالات بس في كراااف من ناحية البروجكتات وراح اطبين مع قروبات لازم والله يعينج اذا ما تعرفين احد معاج بتتبهذلين نفس حالتي :/ مستقبله واايد حلو من ناحية القطاع الخاص عليه طلب وايد اما من ناحية الحكومة اهم من متى يوظفون الواحد على حسب التخصص يقطون الواحد اي مكان والسلام ,,, وترى دكاترى التسويق عسسسل عسسسل ايننون كلهم بدون استثناء في جم دكتورة نظاهم كراف بس بالدرجات حقانيين ويقدرون الطالب الملتزم معاهم
تخصص mis رفيجتي متخصصته تقول اهم شوية اصلا وقلة الي يتخصصون هالتخصص وتقول مو صعب وبالعكس حلو بس مادري عن مستقبلة , بس آنا من وجهة نظري هالتخصص الـ mis و الـ om ماعليهم اقبال وايد اكيد في سبب يا الدكاترة نححس او مستقبلهم الوظيفي مو ذاك الزود

 

[ƒédaîtn¥ ZoO'3a]

قوؤه آنآ توني خريجه من الثآنويه بنسبه 86,59
تنصحيني ادخل علوم ادآريه وحده محتآره

آسف لآني غيرت الموضوع

انصحج وبشدة لأن الحين دراسة الـ Business اهي الي ماشية ويبيها سوق العمل وبالتوفيج