ماذا تعلمتم من حريق الجهراء؟

[ليتني مت بدالك]

اترك لكم الأجابه احبائي ماذا تعلمتم من حريق الجهراء؟

اولا ابدأ بنفسي




تعلمت ان الدنيا فانيه وبلحظه الموت يخطفنا من احضان احبابنا

تعلمت ان الفرح ما يطول لأن بلحظه فرح ممكن تنقلب حزن

تعلمت اني ما اغتر بدنيتي لأن الدنيا زواله

تعلمت اني ما ازعل مع احد عزيز على قلبي لأن بلحظه يمكن افقده, واتمنى انه يرجع واقوله اسف

تعلمت اني اوزن الأمور لأن بلحظة ضعف يمكن اصير فريسه سهله للشيطان


تعلمت الهدوء ,,,,,,,,,مدري ليش من صارت الفاجعه صرت هاديه كرهت النميمه والغيبه والمجالس التافهه, حسيت الدنيا ما تسوى والله ما تسوى









والله يا بنات قاعده اكتب وحاسه بشعور غريب , يمكن احساس الندم لأني لاهيه بحياتي بالكمبيوتر والتلفزيون والطلعات ونيست اهم شي مخلوقين له وهو عبادة الله, نسينا دينا وغرتنا الأماني ,يمكن هالشي صار قبل رمضان علشان يذكرنا بذنوبنا ونبتعد عن هالمسلسلات التافهه ونلتفت لربنا.​

 

[miss_lymoona]

انا تعلمت امسك اعصابي واتعوذ من ابليس قبل اي تصرف

 

[miss_lymoona]

اي وقمت اخاف وايد بعد هالسالفه لازم احب حساب حق اخرتي واقرا قرآن وابتعد عن الذنوب كثر مااقدر

 

[ليتني مت بدالك]

انا تعلمت امسك اعصابي واتعوذ من ابليس قبل اي تصرف

مشكوره على المرور

 

[جنون اندرو]

ما أضيع عمري عشان ريال لو شنو ...... وان الدنيا ماتسوا شئ سبحان الله

 

[ليتني مت بدالك]

اي وقمت اخاف وايد بعد هالسالفه لازم احب حساب حق اخرتي واقرا قرآن وابتعد عن الذنوب كثر مااقدر

اي والله هذا اهم شي.

 

[ليتني مت بدالك]

ما أضيع عمري عشان ريال لو شنو ...... وان الدنيا ماتسوا شئ سبحان الله

محد يسوى اخسر اخرتي علشانه

 

[mirrorsweet]

تعلمت مثلج اني مازعل احد

وما اظـــــــــــــلم احد ب اي شي


وودي الله يقدرني ووخر عن الشغلات التافهة الي لاهين فيها ونشوف ربنا

 

[ليتني مت بدالك]

تعلمت مثلج اني مازعل احد

وما اظـــــــــــــلم احد ب اي شي


وودي الله يقدرني ووخر عن الشغلات التافهة الي لاهين فيها ونشوف ربنا

مشكوره حياتي على المشاركه.

 

[شربة عسل]

_تعلمت اني ما اظلم احد لان الظلم ظلمات يوم القيامة
_ اترك الخلق للخالق وكلن ربه يحاسبه
_ احتسب واصبر لان الصبر مفتاح الفرج
_ معظم النار من مستصغر الشرر

 

[ورد طائفي]

والله انها فاجعه يارب هونها علينا والله انا لا اصير لهم من قريب ولا بعيد بس احسس بعوار قلب مو طبيعي
بنات انا تعلمت ان الدنيا زائله قريبا وان الساعه جدا قريبه ما ادري ليش طرى في بالي شغله يمكن الكل غفل عنها واهيا اذا النار شبت بخيمة وصار اللي شفتوه عيل شلووون نار جهنم؟؟
احنا كلنا ذنوب ومعاصي حش نم غيبه اعوذ بالله وايد احس اني مقصره مع ربي مع اني اصلي الفرض بس حاسه لازم ازيد في طااعاتي اكثر ويني من قيام الليل والصيام كل اثنين وخميس وصيام الايام البيض لازم اقرا القران بشكل يومي التفت لنفسي ولربي واخاف من ربي وازيد في الطاعات احس فعلا والله بنات قلبي حيل معورني صرت افكر بنار جهنم وايد وافكر بالموووت اكثر من اول
يارب تحرم جسدي ولحمي وشعري عن نار جهنم بنات قولوووووووووووووا امين انا واللي قاعديين يقرون

 

[NOORAN]

صراحة أنا خايفة
وينتابني شعور غريب كثير
شو كان رح يصير لو كنا معهم ؟؟؟؟؟؟؟؟؟؟؟؟؟؟؟؟؟؟
ومتنا ................
الله يرحمنا برحمتو ويغفر ويرحم جميع موتى المسلمين

 

[ليتني مت بدالك]

الله يبعدنا عن النار امين

 

[كويتية222]

هلا اختي خوووش موضوع

تعلمت شي واحد ان الموت ما يفرق بين ولد بطنها والا ظهرها الكل سواسية
وان الكفن بنفس مواصفات كفن ولد بطنها ولد التجنيس وإلا البدون
يعني كلنا ميتون وكلنا محاسبون
اعذروني على هالرد لكن قريت اكثر من موضوع لاخوات حاولوا شق الصف الكويتي بطريقة جارحة وسافرة

 

[سعوديه كلي فخر]

تعلمت انه الدنيا مامنها امان

يجي الموت فجاء انا واقفه او جالسه

ما عمر الموت بيجي يطق بابي جي فجاء

تعلمت ان اخاف من الله في السر والعلن

ان اكون محتشمه في الاعراس وغيرهاااا

وان اخاف الله في ما اكتب لاني محاسبه على كل شي سويته في الدنياا​

 

[taybaa]

وأنا تعلمت إن الموت قريب ومحد منحاش منه وإني ماأظلم أحد ومادري ليش كل أتخيل نفسي إن بالعرس والله يبعدنا عن النار

 

[سارية]

تعلمت انتظار لحظة الموت في اي لحظة وتعلمت التقرب من الله اكثر واكثر بالعبادات الله يكتب لنا الاجر

 

[AnGel GirL]

اترك لكم الأجابه احبائي ماذا تعلمتم من حريق الجهراء؟

.​

تعلمت الدنيا فانيه
تعلمت كل شي ينتهي الا عملج
تعلمت اوزن الامور بعقل وان الغضب من الشيطان وممكن بلحظه العاقل ينقلب شيطان وان الدنيا مالها أمان
تعلمت ان الكل وقت الازمات ايد وحده باختلاف مذهبه وأصله وفصله وعقيدته كل أهل الخليج حسينا بوقفتهم وصج أهل ومايبين معدن الواحد الا بالازمات
تذكرت وتخيلت ممكن أي وحده فينا تواجه هالمصير ,, حزتها شلون بنواجه الله وشنو سوينا بالدنيا
تذكرت ان بيوم من الايام بكون ملفوفه بكفن واسأل نفسي لي متى لاهيه بالدنيا والدنيا فانيه ماتستاهل اعيش عشانها
تذكرت صوت الحريم بالحريجه وكررته اكثر من مره سمعت وحده قالت يااااااااا ويلي ما حر الناااااار صرخت بهالكلمه قالتها بنص المقطع وان شاء الله يارب كل لسعة نار حست فيها وكل جلد ذاب فيها تكفير عن كل ذنوبها وحرمان لها من النار وبشرى لها بالجنه يارب كل وحده احترقت بالنار اغفر لها وارحمها وابدلها دار خير من دارها ,, هالمقطع وايد أثر فيني وكل وحده غرتها الدنيا خل تشوفه وتخيلوا جهنم لها سبع ابواب ووصفها سيدنا جبريل عليه السلام :لو أن خُرْم إبرة فتِحَ منها لاحترق أهل الدنيا عن آخرهم من حرّها
ورد عليه الرسول عليه الصلاة والسلام وطبعا الحديث طويل بس اختصرته
((ألا تخبرني من سكان الباب السابع ؟ ))

فقال : فيه أهل الكبائر من أمتك الذين ماتوا و لم يتوبوا . فخَرّ النبي صلى الله عليه وسلم مغشيّاً عليه، فوضع جبريل رأسه على حِجْرِه حتى أفاق، فلما أفاق قال عليه الصلاة و السلام: (( يا جبريل عَظُمَتْ مصيبتي ، و اشتدّ حزني ، أوَ يدخل أحدٌ من أمتي النار ؟؟؟ ))

ثم بكى رسول الله صلى الله عليه وسلم، و بكى جبريل ..

وسألته السيده فاطمه رضي الله عنها بعد ما شافت الحزن عليه وقالها عليه الصلاة والسلام عن نار جهنم
فقالت: يا رسول الله كيف تقودهم الملائكة ؟!

قال: (( أما الرجال فباللحى، و أما النساء فبالذوائب و النواصي .. فكم من ذي شيبةٍ من أمتي يُقبَضُ على لحيته وهو ينادي: واشَيْبتاه واضعفاه ، و كم من شاب قد قُبض على لحيته ، يُساق إلى النار وهو ينادي: واشباباه واحُسن صورتاه ، و كم من امرأة من أمتي قد قُبض على ناصيتها تُقاد إلى النار و هي تنادي: وافضيحتاه واهتك ستراه

 

[! بــدويه وآآيــد !]

:~






وربــي الي تعلمتيه هو نفــس الي بقلبي ..~


تعلــمــت ان امي حبيبتي تبديني على نفسهــآ لأن لمآ كنآ بالسيآره قلت لهآآ لو كنآ بالحريق وانتي عند البآب تطلعين قآلت لآ وربي اطلعــج وانا احتــرق عآآآدي بس مآ افقــدج امبييه فيني بجيه والله ، على كثر مآ اعصب عليهآ واصرخ واسوي سآلفه واذا وعدتني بطلعه وقآلت معزومه اصرخ واسوي هوشه بالبيت يآ اطلع يآ مآ احآجيج تعـلمت اني مآ اقول لهآ ابي ودي اعطيهآآآ ودي ارد لهآآآآ نقطه من بحر من الي سوته لي احبهاا والله احبهااااا الله لآيحرمني منهآآآ


<~ بجــت















:~

 

[فديتـ♥ترابـ♥الكويتـ]

هلا اختي خوووش موضوع

تعلمت شي واحد ان الموت ما يفرق بين ولد بطنها والا ظهرها الكل سواسية
وان الكفن بنفس مواصفات كفن ولد بطنها ولد التجنيس وإلا البدون
يعني كلنا ميتون وكلنا محاسبون
اعذروني على هالرد لكن قريت اكثر من موضوع لاخوات حاولوا شق الصف الكويتي بطريقة جارحة وسافرة

الله يجيرنا من النار حبيبتي وانشالله نعتبر حبوبه