ماذا تفعلين ايتها المعلمة في هذي المواقف؟

[وحدة من الناس *]

السلام عليكم يا احلى حلوين ؟

بقول لكم كذا موقف وانتو قولو اشلون تتصرفون وتوقفون الطالبة عند حدها

أول موقف

المعلمة : يا فلانه خلاص من غير كلام بسج سوالف

الطالبه بعصبيه : شنو مو بس انا انتي كله حاطه علي!!!


الموقف الثاني

المعلمة: ياللا بنات نكتب التعريف مع بعض

الطالبه : ياللا عاد خلصينا


الموقف الثالث

المعلمة : قومي اوقفي ليش تسولفين وليش الضحك ومتاخره بعد

الطالبه: مابي اوقف كيفي


الموقف الرابع

المعلمة : وقعي على ورقه التعهد هذي

الطالبه : ماني موقعه

طبعا الطالبه من النوع اللي فيها قلة ادب


سويت استدعاء ولي امر وخليت الناظره والوكيله تكلمهم والمدرسه الاولى بس ماكو فايده:bbbiu:

فانتي يا معلمة شنو تسوين لو كنتي بهالمواقف

 

[Om_RaYomaH]

يماااااا

لو هذي عندي يمكن امسكها من كشتها وافرم خشتها بالارض

المهم

اشوف ظروف الطالبه الاجتماعية

واحاول اتفهم معاهه علي انفراد

ثانيا ما اراددها

ان رفضت تسوي شي بعد الحصة اخذها واوقعها تعهد جدام رئيسة قسمي

وبحضورها عشان يكون في شهود

مانفع
اوديها الاخصائية استدعاء ولي امر
مانفع الوكيله تكتبها
تعهد او تحولها للناظرة فصل وتعطيها كلمة تمشيها عالصراط المستقيم

نصيحة لا تترادينها عشان ماتقلل من هيبتج جدام الطالبات

اطنشها داخل الصف واتعامل معاها بالدرجات

 

[Miss independent]

انا بكل صراحة اطردها من الصف اقولها مابيج بحصتي روحي للوكيلة
وبس ماكثر حجي معاها
طبعا ارد عليها بنفسية وجدية ونظرة قوية
باختصار قوليلها طلعي برا

 

[ياحلاتي قمر]

أحيانا قوانين المدرسة ماتسمح ان نطرد الطالبات من الحصة

أسكت عنها واحقرها افضل حل
لان
صادفتني جذي بنات والعن من جذي بعد, وديتهم عند الاخصائيات الاخصايات باردين مايسوون شي
والمشكلة اذا ولي الامر واقف مع بنته

 

[وحدة من الناس *]

كل الوسايل اللي قلتوها استخدمتها بس ماكو فايده!

 

[ريمي اميري]

لا طبعا ماينسكت عنهااااااااااا بقوولك ليه ... انا ابلة انجلشش الحمد لله حصتي محبوووبه من قبل الطالبات ومع هذا الا انه فيه
حركااات بنات قلة ادب وميااعه ,,,
لو سكتنا عنهم ,,, 1 البنات المؤدبات بيتمادون × لانهم بيفكرون شمعنا هي قليلة ادب وبكيفها تعمشي كلامها على الكل !!×
,, 2 بتصير حصتك هواااش وصراااخ وتدخلين الفصل ونتي مقموته **
, 3 المدسة مكان تاديب مو بس تعليم انا هذاااااااا المبداء عندي ,, ُُ

الطريقة الي اتبعها مع البنت اول شي اهزئها بالكلام امسح بكرامتها الارض مو بالالفاظ الوصخه لا مفروض ماننزل مستواه
بالعكسس احاول اتماسك اعصابي وافهمها انها مسكينه ماعندها القدره العقليه مثل ابنات انها تميز بين الجد ووقىت المزح .
وانها تشكر لانها تسوي من نفسها اضحوكه للبنات ,, وتاااااااااااااااااااااااااااالي لمن تبرد كبدي اطلب منها تترك الفصل واقول لها
ما راح اشتكي عليها لانها ماتهمني في شي وانه لو المديره سالت عنها بقول انها تعبااااااااانه ومو قااادره تحظر حصتي ,,
واخليها تطلع لغرفة لحلهااااا اي غرفة متاكده من انها فاااضيه ومافيها احد .., احنا عندنا غرفة الاعسعافات الاوليه خخخخ
ووالحمد لله ياااااااارب الطريقة هذي نااااجحت مع البنات ,,, وفيه شغله كل ما دخلت عليهم احاااول انصحهم بانهم يهتمون
بمستقبلهم واحاااول ابين اهميت هالشي ,,, للاسف اغلبية زميلاتي من المعلمات يقووولوون مالهم خلق على البنات وانهم يفضلون
يطلعون برااا لمن يكوون مو درس ,, اسفه تفلفسسسسسسسسسست كثير (××) خخخ

 

[ترف بابا]

ترى قلة الادب مو طبع أوتربية---- هو تعمد من الطالبة بس تسوي لها هالة ..

 

[JOoORY2000]

حبوبه
هذي طالبه مراهقه تبي تستفز المدرسه عشان تستعرض قدام رفيجاتها انها مرحه ودمهاا
خفيف وماتخاف من الابلات علي اساس انها مثل اعلا لرفيجاتهاااا>>> تبرد جبودهم في المدرسة

هذي علاجهاا :
١-التجاهل التام ولا كانهاا موجودة >~> اذا علي كلامج الناظرة والوكيلة ما سووا شي
٢- اذا شفتيهاا تتكلم كلمي اللي قاعدة تكلمهاات احقريهاا اهي وخلي البنات يلاحظون انج مطنشتها
٣- فليم الرعب عند الطالبات دفتر الدرجات خلي دفتر المتابعه معاج شوفي شلون يلتزمون باقي الطالبات ويخافون منج ويحقرونهااا معاج
بدال لا تاشرين بالقلم اشري علي السبورة بدفتر الدرجات >~> بنهاية الحصة والبنات يكتبون دققي بالصف وبالدفتر شوفي البنات بس يبون رضاج

٤- بهذي اللحظة عاد راح تكونين سيطرتي علي الصف باحترام وبزون اصراخ وبهيبه وراح تلقبن الطالبه اللي تشتكين منهااا راح تجي اول مرةمع الطالبات
ماراح تتاخر
وشوي شوي راح تشارك معاج لانها شايفه الصف كله مطنشهاااا ويبي ينتبه معاج


بصراحه>~> مفعولها قوي هالطريقه. شرايكم يا ابلات اذا عندكم تعليق علي كلامي*

 

[JOoORY2000]

بنات لاحظوا انهم مراهقات والله ماعندهم سيطرة علي انفسهم يا ابلات
والله ساعات تلقينها قويه بس لما تكلمينها بروحها تلقين داخلها ماكو شي

 

[PuPa^^SWeeT]

فعلا الطالبات الحيين اتعمد اتحداج بهالاسلوب



انا صارت فيني مرة موقفين من هذييل



ناديت ابلة من قسمي و قلتلها البنت انا مابيها بالحصة و خلاص مابي اتكلم زياادة

اخذووها و بسسسسسسسسسسسسسس






صججججججججججج ارتحتتتتتتتتتتتت

 

[وحدة من الناس *]

ايشرايكم قايله حق مدرسة عندنا

انتي يا ابله تشتغلين عندنا !!!

تخيلووو هالاسلوب

 

[الحياة فرص]


والله الشرهه مو عليج علي الناظره المفروض تعطيها فصل تخليها عظه لمن يعتبر
اليوم تقول للمدرسه انتي تشتغلين عندنا باجر بتحذف المساحه ع الابله وتقولها اشرحي وانتي ساكته
بس عااد اهني وخلااااص فصل يعني فصلللللللل
انا يقهروني البنات اللي جذي اذكر لما كنت ميداني في طالبه كانت كله تحذف اوراق ع البنات وتكتب اشعار ع طاولتها وتسولف مزعجتني بصف حييييييل بس سويت لها استدعااء ومشت سيدا الحمدالله
بس هالنوعيه من البنات ما اخذ واعطي معاها ابلغ الناظره والوكيله باسلوبها ووقاحتها وتصرفاتها وعقب تفصللللها
فصل يعني فصل

 

[italeya]

ما تدش حصتي .. وما علي لا من ناظرة ولا أكبر راس !! ليمن تتعلم السنع والادب حياها الله بس غير جذي حصتي تتعذرها !!

 

[_--_]

اب اب اب اب
اب اب اب
اب اب
اب ​

 

[ام الحوراء زينب]

طرديها قوليلها خلي قلة ادبج تحل بدالج بالامتحان
واذا كلموج الاداره قوليلهم نبهتكم وقتلكم عنها مافي فايده انا اتصرف بطريقتي ولاتدخلينها الحصه لو تمووووووت لين تتأدب قليلة الادب