ماذا تفعل اذا غضبت ؟؟؟؟

[مغربية قلبها كويتي]

ماذا تفعل اذا غضبت ؟؟؟؟
كثير من الناس لهم ردود افعال مختلفة عند الغضب
وتتفاوت على حسب طبيعة هذا الأنسان!
منهم من يكسر أي شيء أمامه؟؟؟
ومنهم من يسب ويشتم؟؟؟؟
ومنهم من يرفع صوته معلناً أعتراضه؟؟؟
ومنهم من يلزم الصمت ؟؟
ومنهم من يتطاول على من أثار حفيظته بالضرب وغيره ؟؟
نريد أن نعرف غضبك إلى أين يوصلك
أتمنى أن نتحدث بكل مصداقية ؟؟
انطر الاجابة

 

[a l m a g r O r a]

احاول اسيطر على اعصااابي لين اهدى

 

[C'est La Vie]

ما عندي شي واحد التزم فيه
حسب الشخص اللي جرحني والمكان والموقف اتصرف

 

[katko0ota]

اروح البحر اركظ على قد ما اقدر لما خلالالالالاص احس بموت

اييني شعوور غريب

 

[إنسانه بكل حالاتي]

أسكت

 

[ashwarya-q8]

احذف اي شي جدامي:dddds:

 

[دلـــع_الكويــت]

اعوذ بالله مني..

اصلا ابي حل حق مشكلتي ...وايد عصبية واي احد جدامي افجر فيه !!!

يعني تقدرين تقولين ارهابية نوعا ما ...خخخخخخ

 

[مغربية قلبها كويتي]

mercccciiiiii 3al mosharaka

 

[(كويتيه عسل)]

على حسب الموقف

__ أكثر شي اسكت ولا اكلم احد

واذا احد حاول يكلمني أقوله انا الحين حدي معصبه ماابي احد يكلمني

او اروح غرفتي وانعزل ومااكلم احد لحد مااهدا علشان لا اضايق احد

الانسان اذا كان غاضب مايحس بنفسه يتكلم وبس ويمكن يجرح غيره ومايحس بنفسه

__ و ساعات اتحلطم

__ ساعات ابجي

 

[بحط قلبي بين إيدينك هدية]

إذا عصبت أطلع حرتي في الشخص اللي معصبني يعني أناجره وتلقائيا ألقى حسي ارتفع, أحاول ما أجرح اللي جدامي إلا إذا كان اهوا قاعد يجرح وبادي بالغلط, أو أشكي لأحد وأطلع انفعالي بصوتي وشكواي على اللي عصبني, أو يمكن أحط حرتي بأحد (عاد هذا الشي ما حبه بس غصبن عني), أو إذا ما قدرت كلش أطلعها بالبجي من القهر والحرة.

عاد آنا طبعي عصبية, بس دايما دايما أحاول إني ما أجرح أحد, إلا إذا كان يتعمد التجريح أو الاستفزاز أو تقليل الاحترام. والمصيبة إني ما عرف أحقر أو أسوي روحي كأن شي ما صار إذا أحد تعمد يستفزني

 

[مرااااحب]

سابقا كنت اصرخ واحاول ادفع عن نفسي بس اكتشفت ان الصراخ
ماله اي فايده بس يرتفع ضغطي واتعب وانقهر على الفاضي وممكن
يطلع مني كلام جارح ممكن اندم عليه طول عمري
فتعلمت اني اسكت واتجنب الكلام لين تهدا المشكلة بعدين
ممكن اقول اللي بخاطري من غير صراخ وصدقوني بنات
هذي احسن طريقة واكيد ربنا بياخذلي حقي .
السكوت من ذهب

تقبلي مروري

اختك
,
,
,
مرااااحب

 

[أم منصور]

واليكــــ رد عليه من اهلـــــــ العلم :ـــــــــــــــــــــــ

فها هم صحابة رسول الله صلى الله عليه وسلم ، يتسابقون إليه كي يغنموا منه الكلمة الجامعة ، والتوجيه الرشيد ، وكان منهم أبو الدرداء رضي الله عنه - كما جاء في بعض الروايات - ، فأقبل بنفس متعطشة إلى المربي العظيم ، صلى الله عليه وسلم يسأله وصية تجمع له أسباب الخير في الدنيا والآخرة ، فما زاد النبي صلى الله عليه وسلم على أن قال له : ( لا تغضب )



وبهذه الكلمة الموجزة ، يشير النبي صلى الله عليه وسلم إلى خطر هذا الخلق الذميم ، فالغضب جماع الشر ، ومصدر كل بليّة ، فكم مُزّقت به من صلات ، وقُطعت به من أرحام ، وأُشعلت به نار العداوات ، وارتُكبت بسببه العديد من التصرفات التي يندم عليها صاحبها ساعة لا ينفع الندم .

اما انطباعي الخاص عندما اغضب احاولــــــ تكرار الاستعاذة من الشيطان الرجيم وبذلك يزول الغضب ولو كان بحمل جبل لانه في الاصل في نظري استفزاز من الشيطان الرجيم

 

[زهرة الدنيا]

بحاول اجلس بروحي وما اكلم احد

 

[noorq8]

تلقيني أحووووقل(قول لاحول ولاقوة الا بالله ) واستررجع(قول انا لله وانا اليه راجعون) حتى عيالي يصخخون لي شافوني لين أطخ .

 

[*الماسه*]

اصاارخ

 

[Pettita]

أكتم بقلبي و أدش آخذ شور و أقعد ابجي ابجي ابجي لين أحس الحين خلاص طلعت كل اللي بقلبي

 

[ღ خجلانة ღ]

أكتم بقلبي و أدش آخذ شور و أقعد ابجي ابجي ابجي لين أحس الحين خلاص طلعت كل اللي بقلبي

نفس طريقتي احس مايطلع الي بقلبي الا دموووعي : (

 

[grumpy22]

التزم الصمت لحد ما اهدى او احاول اقعد على اقرب كرسي يمي

 

[MaZyOoOoNa]

مممم انا اقولج شغل انا دوامي اتعامل مع الناس يعني تحصلين الزين والشين ولله في ناس تهزء جنا خدم عندهم بس لازم لازم تمسكين نفسج لان الزبون قبل العميل عندنا..وعاد انا المشكله فيني اعصاب مو طبيعية عادي اطق الي جداااامي استقبلي ياني عميل يبي يشتكي ليش قطعنا خطه واهوا عليه 120 موعاجبه الحبيب المهم قاعد يصارخ علي جني انا راعية الحلال :$ قتله اخوي هذا من حق الشركة وهاذي فاتورتك من شهر ونص ترا غيرك اكثر ابي افهمه ان احمد ربك بس غثني ولله قالي ترا انا شغل النصب ماحبه قتله اخووي اذا ماعليك امر ماله دااعي هالالفاض قالي ذلفي انتي تعلمي الشغل بعدين تعالي كلميني يلا ذلفي نادي مديرج انا ما اكلم يهال :$ يابووووووووووووووووي دش ظغطي 100000000 انا يهال ؟؟ انا ذلفي ؟؟ ولله الي يمي يعرفوني ان ما اتحمل تخيلي بغيت ارقعه ولله لوما الي يمي اخر شي المدير مسوي فيني دقه يبي يختبرني لما درا انا اعصاااب :\

حدي طولتها عليج صح لووووول المهم انا ردة فعلي اطق ما امسك نفسي ماقدر او اصارخ لما الصوووت يختفي :$

 

[المتوكله على الله]

قبل كنت من كثر ما ( ألعلع ) ابط أذانهم ههههههههههههه أستغفر الله

بس الحين وبفضل الله ومن ثم ( الحلم بتحلم ) عرفت ان كظم الغيظ والعافين عن الناس والصابرين لهم اجر عظيم عند الله تعالى

وأحاول جاهده أكون منهم (واتعوذ من الشيطان واتحوقل مثل ماقالت نور الكويت