ماذا قدمنـــــا لهــــــم؟؟؟

[كويتيه مذهله 87]

الله يشافيهم وعافيهم وطول بعمارهم يارب
,,,

 

[نهى الأحمد]

رد: رد : ماذا قدمنـــــا لهــــــم؟؟؟

بسراحه عن نفسي ما قدمت لهم أي شي
(اخوي الكبير ) معاق واعاقتهـ بجسمه وهم اعمى وفيهـ اكثر من مرض والله اني مقصره معااااه حيل بشكل مو طبيعي ما ازوره ولا اكلمه ولا اشوفه مو سالفة قطاعه او شي بس اني ااذا شفته اقعد احاتيه حيل واخذ همه واتكدر اذا شفته يضيق خلقي والله


بس ان شاء الله بعد هالموضوع بغير رايي وبروحله ..

هلا حبيبتي

الله يخليلج اخوج ويعافيه

ديري بالج عليه ياقلبي

ولج الاجر والثواب من رب العباد

 

[نهى الأحمد]

رد: رد : ماذا قدمنـــــا لهــــــم؟؟؟

.


آنآ بنت خآلتي معآقه , عمرها 14 سنه ..
آحبهآإ حييل , وآحترمهآإ ..
بس مآإ آحب آبين لهآإ آني متعآطفه معآهآ ,
لآنهم يتحسسون من سآلفه , آلتعآطف على بآلهم آنه شفقه !
مآدري مآ قدمت شيء .. بس صج صج آقعد معآهآ وآسولف , وآضضحك .. آهم شيء آن آهي مو حآسه آنهآإ نآقصه عن آلبآقي .. =)
وبس ..


.

هلا حبيبتي

شاكره لج على المشاركه الطيبه

والله يشافي بنت خالتج

انتي قدمتي لها شي ياقلبي

شي معنوي جميل

قعدتج وياها حبج لها واحترامج لمشاعرها

 

[HearT ChocolaTe]

رفع

 

[قطــرات مطــر]

رد : ماذا قدمنـــــا لهــــــم؟؟؟

على راسي ومقصرين وايد بحقهم

انا كنت ازور جمعية الفرحه والامل ومااقصر وياهم من الناحية المعنوية اولا وتالي المادية

ومسؤولتهم حيل ذوق يزاها الله خير اميرة الشمري

بس انشغلت بظروفي وحمالي بس وربي ماراح انقطع واقصر وياهم

عيالنا وخواتنا واخواننا ويستاهلون كل خير

انا اسميهم ذوي التحديات الخاصة عندهم ارادة وعزيمة احسن من مية شخص عادي

وربي استمد القوة والتفاؤل منهم

والله يسامحنا على القصور

ومشكورة ياقلبي

 

[نهى الأحمد]

والله موضوعج وايد حلو وياريت نقدر نسوي لهم شي

اقل شي انج تبتسمين في ويهم لانهم راح يستانسون وايد وبعد تقدرين تمسحين عليه وتحنين عليه هذا اهم من الفلوس والاكل والمشرب

اعتقد

بس وين بيكونون عشان اذا قدرنا انيي راح نيي

تسلمين ياقلبي لكلامج الطيب ومشاركتج

 

[نهى الأحمد]

رفع

رفع الله قدرج يا الغاليه

لج وحشه

 

[فطووومة]

جزاج الله خير حبيبتي

والله يشفيهم يارب

 

[نهى الأحمد]

اقل شي نسوي لهم

انه ما نصفط باماكنهم

وننظرلهم نظرة انسان عادي كامل وليس نظرة شفقه وعطف

وانه نساعدهم اذا احتاجو باي شي ونعطيهم الأوللوية

ونقولهم ترى انتو عيالنا واخوانا اذا ماشالتكم الأرض تشيلكم عيونا

مشكوره حبيبتي لآرائج بالموضوع وكلامج العطر

 

[قطووه حلووه]

رد : ماذا قدمنـــــا لهــــــم؟؟؟

الحمد لله وااحد من العاايله من ذوي الاحتياجات الخااصه وكل مااشاافني لازم يبووس فيني وابووس فييه ويحب يسوولفلي واناا اسمعه واطاالعه وانا مبتسمه له ويستااانس اذا شاافني ونا استااانس اذا شفته احس اني قدمت شي

 

[قطووه حلووه]

رد : ماذا قدمنـــــا لهــــــم؟؟؟

ترى صغير بناات لايروح بالكم بعيد خخخخ

 

[! هُوْ وِينِه !]

آلله يشآفيهم ويعآفيهم
مآ قدمت لهم إلا شغلة وحدة ألي هي مسآفط آلجمعيآت وآلأسوآق مآ أخلي آلسآيق يسفط فيهآ
وأدري أني مقصرة بحقهم

 

[نهى الأحمد]

رد: رد : ماذا قدمنـــــا لهــــــم؟؟؟

يعطيج العافية عزيزتي نهى

وانتي سباقة لمثل هذي الأمور

وذوي الإعاقة هم أبنائنا وإخواننا وفرد مهم في المجتمع يحتاج منا الكثير من الإهتمام والدمج في المجتمع.

أتمنى من الكل تغيير كل فكر سلبي عنهموالتأكيد بانهم عزيمة وتحدي واصرار.

الله يعافيج يا الغاليه

وانا في خدمتكم دام فيني الروح

 

[نهى الأحمد]

يعطيح الف عافيه على هالموضوع

وبصراحه من ناحيتي انا ماقدمت شي غير الدعاء لهم ولاخوي لان اخوي صار معاق بسبب حادث

وحسيت بمعاناتهم من صار اخوي معاق وعلى الكرسي المتحرك وقلة الحركه والمشي

اسأل الله العظيم ان يرحم ضعفهم يااارب العالمين

الله يعافيج ياقلبي تسلمين

أسأل الله العظيم ان يرحم ضعفهم يااااااااااااااااارب ويعطيهم الصحة والعافيه


والله يشافي اخوج ويخليه لج

واهو محتاج دعم معنوي ياقلبي

 

[مباركيه]

جزاج الله خير يا نهى ...

مشكورة على هذا الاهتمام ...ومثل ما قلتي الدعم المعنوي هو أبدى من الدعم المادي

 

[حنونه بطبعها]

السلام عليكم

مواضيعج روعه حبيبتي نهى

لان قلبي ضعيف وحاولت اتطوع واساهم بجهدي لهم ما قدرت

صار لي جم سنه ادفع عيالي للتطوع لذوي الاحتياجات الخاصه

وبفضل من الله ومنته قدرت احببهم بالهشي

وكلنا صغيرنا وكبيرنا نستنكر اللي ياخذ مصافطهم ولا يعطيهم نظره فيها كسرة خاطر لهم


واتعاطف مع اهاليهم لان هذا ابتلاء من رب العالمين الله يجزيهم خير ان شاء الله عليه

تقبلي مروري حبوبه

 

[نهى الأحمد]

أولا : الشكر قليل في نهاوي اللي يدها كانت على جرح أهالي المعاقين قبل ماتكون على أبنائهم
فعلا تستحق وبجداره أنها تكون مراسله لذوي الاحتياجات الخاصه .

ثانيا : أشكر أختي العود اللي حاولت أنها تضيف بنود حلوه وما قصرت بكلامها الطيب

ثالثا : أنا عن نفسي افتخر أني أفكر في لمس جرح أي أم عندها معاق وكل اللي أقدمه لها مصافحه من القلب
إلى القلب مع ابتسامه ونظرة متحدثة بمدى إعجابي لصبرها ..

وأخيرا أتمنى من كل شخص سليم الصحه والعافيه ان يراعي الله فيهم ويخلي أمانة في رقبته الموقف
المخصص لهم أناشد وبقوة بتطبيق قانون صارم لمن يقف باماكنهم
لأن وللأسف انعدمت الضمائر والكلام أصبح بدون أي معنى للبشر ،،

اسمحي لي بقول هالموقف اللي صار لي اليوم واللي من منبره بقول
ان هذا أبسط شيء تقدموووووووونه لهم !!!

أنا اليوم رحت 360وقعدت ألف أبي موقف واحد لولدي ولا لقيت ... وبالصدفه لقيت سيارة نازلين منها 3 أشخاص سليمين !!ومن جنسيه هنديه !! لهذه الدرجه وصلنا باهمال تطبيق القانون للأسف تدمع العين على هالشي قلت بقلبي ماتنلأم تشوف أهل الديره وتقلدهم ،،طبعا طلعته من الموقف ووقفت غصبن عليه

اتحسب على كل صحيح بدن يقف مكان ابني وأقوله بصوت مسموع
حسبي الله ونعم الوكيل ،، لأن ماتدرون المعاناه في حمل المعاق من السياره ووضعه والمشى فيه مسافات طويله

شكرا لج مرة ثانيه نهاوي ولي متابعه للموضوع وبقوه حتى ارى ما الذي سيقدمه مجتمعنا

بعد عمري والله يا الغاليه

العفو
وانا ما سويت الا الواجب

وذوي الاحتياجات الخاصة يستحقون كل تقدير واحترام منا لمشاعرهم

 

[sherazia-x]

رد : ماذا قدمنـــــا لهــــــم؟؟؟

يعطييج العافيه انج بطلتي هالمووضووع

 

[نهى الأحمد]

والله ما ادري
بصراحه مخي مقفل على اخر
ربي يساعد الجميع
من اختك شوشو

اللهم امين ياقلبي

نورتي

 

[نهى الأحمد]

رد: رد : ماذا قدمنـــــا لهــــــم؟؟؟

صح اقل شي مانصفط مكانهم وغير هذا ما ننظرهم نظره شفقة
ولهم كل التحية

مشكوره صاحبة الموضوع

العفو حبيبتي

وشاكره لج على المشاركه الطيبه