ماراح اخليه يسافر هالسفرة

[mischocolat]

الحمدلله ان عندج اهل يوقفون وياج ويحس ان وراج ريال مب مقطوعه وبيستفرد فيها
والحمدلله بعد انج ما سكتي وخذتي حقج بيدج لا ركنتي ولا استكنتي مثل بعض الحريم اللي يبطون الجبد
الحين الله يهدي بالج الفتره اليايه ما تقل صعوبه عن اللي طافت وبصعوبه تقدرين تكملين وياه حياتج بس ان شاءالله ربنا يعمي عينه عن الحرام ويبعده عن شلة الخراب اللي كان ماشي وياها

 

[مودي كويتي]

بصراحه واااااضح من اسلوبك انه حب تملك وغيره فقط لا اكثر لان بنات الديره اللي بروحلها اجمل من الخليجيات طبعا ف نظرهم وانا فهمت من بين السطور الديره المقصوده؟؟؟؟؟؟؟بس سؤال لو بيروح السعوديه مع ربعه توافقين او لا؟؟؟؟؟؟الحكمه عندك مايسافر لديره سمعتها مو شي طيب احسني النيه وعلى قولتك هو مو راعي سفرات وش فيها لاسافر واستانس ووسع صدره ليه في مجتمعنا صار السفر مقرون بقلة الادب والوصاخه ودي افهم؟؟؟؟؟؟؟؟انا اخوي ملتزم بس مو مره متشدد الصلوات بوقتها وصلاة الوتر وصيام ايام البيض والله لاسمعني اتطنز على وحده يعطيني محاضره ومقصر ثوبه يعني ينقال عنه كويس والحمدلله والله يثبته ويثبت كل شباب المسلمين المهم الاجازه اللي طافت كان يبي يسافر اندونيسيا مع ربعه 7 شباب ومن عمره لكن المدام حملت وكنسل السفره طبعا المدام غلطه اخذناها لانها عايشه عند مرت ابو ماتبيها عذرا قلت كل شي وطلعت برا الموضوع بس هل معناها ان اخوي غرضه شي؟؟؟؟؟؟؟؟احسني النيه فزوجك وخليه يوسع صدره بحدود تراه رجال من حقه يسافر ويروح ويجي والله لو يحقلنا نسافر مع صديقاتنا سافرنا صح او لا؟؟؟؟؟

 

[ناتشوو]

مودي كويتي
طلعت حرتج
بمرت اخوج هني

من حقها تمنع زوجها يسافر
انت شاللي مزعلج
وليش متحمسة لسفرة اخوج لاندونيسيا ؟
وبعدين علاقة الانسان بربه
مالها علاقة بالشكل
كل من قال انا مطوع معناها صار رسول ماله ذنوب ؟!!
والسفرات مو نفس بعض
الحين تايلند نفس السعودية؟؟؟

اكيد الخراب بكل مكان للي يبي يدوره
لكن تظل في دول سمعتها مو شي
لان الدعارة فيها بمباركة وتشجيع الجهات الحكومية

عالعموم صاحبة الموضوع
كملت باقي اللي صار لها في الردود الاخيرة
الله يسخره لها
ويغفر لنا اجمعين

 

[بنوتة ومفتونة]

بصراحه ماينلام الريال يشوف غيرج ولا يسافر بصراحه انتي شفتي اسلوبج بلكلام عنه خله يولي وزحير عندي اشغال بعدين اتفرغ له !!!!!!!!!!!!!!!!!!!!!!!!!!!!!!! اووفر ترى اذا على جمالج وبياضج وثقتج ترى مايبيها الريال عدلي اسلوبج معاه ولاتخلينه يسافر

 

[حشمه]

سوري صاحبة الموضوع بس بعلق



لحظة لحظه لو انتي بدالها جان انبطت مرارتج من القهر ؟

شنو غلط اللي سوته

انا اقسم بالله ارضى ونص زوجي يتعبث بتلفوني ويتسمع على مكالماتي ويطلع برنت ارضى والله

لان ماعندي خرابيط وماني خايفه من شي !!!

لا تبوق لا تخاف


خل تفتش ونص احسن الله فتح عيونها


باجر يروح للواطيات وييب لها الامراض

هذا تحذير من ربها لها


ان شاءالله تبينها تتربع وتخليه يروووح !!


اهنيج على برود قلبج

لو الحريم مثلج جان الريايييل تسرح وتمرررح

ليش حبيبتي احتر عنده رب يحاسبه

ودام ان واثقه من نفسي واثق فيه خل

يسافر يستانس ويغير جو دام ماضرني

ولا قرب صوب الحرام لان اثق فيه وعارفه شنو

زوجي اما اني افتش وراه واتجسس

واشوف شنو بسوي وشنو سوه جذي احرق اعصابي

عالفاضي واطلع غلطانه ولو ربي حاب يكشفه صدقيني

بيكشفه جدامي بدون لا اتجسس ولا ادور شي من وراه

واما سالفه يتعبث بتلفوني مارضاها واثقه من نفسي

بس تلفوني خصوصيتي فيه صور ممكن رفيجاتي

مطرشينها او اهلي او موضوع خاص مع اهلي

ماسمح ان يتعبث فيه ويدور مثل مااهو هم مايبي احد

يشوف تلفونه واما تفتش عشان تفتح عيونها

لا تفتش عشان تحرق اعصابها قصدج

لان بالنهايه ماراح تقدر تمنعه ليش تحرق اعصابها

ربج موجود وبعدين في طرق اسمها كلام وحوار وتفاهم

يقعدون ويتفاهمون مو حرب وبعدين لو كل وحده سوت مثلي

ريلها يسرح ويمرح غلطانه لو كل وحده فتشت ودورت

ورا زوجها عيل نص بنات الكويت متطلقات

لان هالحركه بالذات الريال مايحبها اكو شي اسمه

ثقه بين الزوجين مو تجسس والنطره على الزله

 

[حشمه]

مشتطه انا معععععععععععععععععععععععععععععععععععععععععععععععك

حشمه اوووووووووفر خياليه

اتوقع ماافكرت بيوم ان لو احد مثل بروودها وزوجها بيسافر لدوله خررراب
ممكن يرجعلها بمرض اييييييييييييييييييييييييييييييييييييدز

الموت البطططططططططططططططططططططيء

مرض مو مثل باقي الامراض

مرض يفشل وعااااار على كل اهلهم وعيالهم

الله يسترنا فوق الارض وتحتها وبيوم العرض

حبيبتي ليش خياليه كل وحده وعارفه زوجها راعي خرابيط ولا لا

اما افتش وراه لا وراعي خرابيط وسافر ماقدرت تمنعه فتشت ولا لا

يرتفع ضغطها ليش عشانه الحل مو بالغلط الحل تدخل احد تكلمه

 

[حشمه]

الله يهداج ليش كل هذا؟؟؟

كل ردودج كنتي تأكدين ان ما تبين السفاله تكبر..ولا تبين تدخل اي طرف...

ولا تبين تهزين صورة ريلج وابو اعيالج وبتحلينها بينج وبينه...

فجأه عفستي الدنيا كلها!! لا تفاهم لا حل..اعصاب وسب وفضايح وطق ومابقى احد مادرى بالسالفه!!

يعني بعد نصايح البنات المفروض تكونين عقلانيه وهاديه وعارفه شنو تقولين وشنو تبين

اسمحيلي اعصابج وردة فعلج ووطريقتج بحل السالفه بعد كل نصايح البنات وتفاعلهم معاج يمكن يكون هذا السبب

الرئيسي اللي يخلي زوجج يشوف برا..ويفكر يسافر برا..الراحه مو بالجمال ولا البياض ولا الرشاقه اللي تقولين عنها

الراحه بالزوجه الحنونه الحكيمه العاقله اللي تعرف اشلون تحتوي مشاكلها ومشاكل بيتها...

انه مقدره غلط زوجج وكنت ممكن اعذرج لو رده فعلج كانت بوقتها قلنا اعصابج طغت عليج وما تنلامين

بس السالفه لها جم يوم وانتي مكتشفه الموضوع..وقاعد تفكرين وتشاورين يعني المفروض تكونين هاديه واعقل من جذي

رده فعلج غلط ووايد عنيفه..حتى لو تهدى الأمور بينكم زوجج بيظل شايل عليج طول عمره انج فضحتيه وفشلتيه

وانتي بعد بتحسين بتأنيب الضمير بعدين انج فضحتي ابو اعيالج ونزلتي قدره اذا انتي نسيتي اهلج واهله ما ينسون!!

:rerrerek::rerrerek::rerrerek:

 

[حشمه]

الله يهديكم صاحبه الموضوع ويصلح حالها

 

[حشمه]

بنات لا تاخذكم العاطفه تصرفو بعقولكم

البنت بمشكله وتبي حل لا تشيشونها

حطو نفسكم مكانها صح تصرفها يبرد الجبد بس وبعدين ؟ شراح يصير بعد هالسالفه مافكرتو

بردت جبدها بس المشكله الاساسيه ما انحلت وراح ياخذ السالفه عناد وراح يسافر وراح يتهاوش معاها ويمد ايده عليها ويطلقها لان الشيطان راح يسيطر عليه بهالموقف

حبيبتي خلي هالسالفه بينج وبينه لاتقولين لاهلج عشان مااتطين السالفه اكثر هذا زوجج مالج غيره وماله غيرج

ترى البنات اللي يشيشونج ويقولون زين اتسوين لو يمرون بموقفج ماراح يسوون اللي اكتبوه لج لان الكلام سهل وزوجج مايعنيلهم شي ولا انتي تعنينلهم شي فأسهل حل بنظرهم طريج الطلاق

تلقين كل وحده تشبص فبيتها وعيالها وزوجها وتكشخله وتلبسله وتحاول تكسبه

بنات ارجوكم قولو خير او اصمتو لاتهدمون بيوت بنصايحكم

الحمدالله في ردود تبرد القلب والله يصلحهم

 

[Zinab BH]

سوري بنات

كنت اقرا و ما يمديني ارد



سمعو شصار


عقب ما رد المغرب و نام


دشيت عليه س ١١

بطلت الليتات و قلتله قوم بتفاهم معاك


انت امس قطيت كلام و قلتلي روحي بيت اهلج وانا ما ابيج


انا شنو وضعي ؟!

قال كيفج
تبين تقعدين قعدي ما تبين ذلفي بيت اهلج و غيرج عشره و الباب ياسع جمل

قلت خلاص ما تبيني
دق ع ابوي كلمه
و قوله بنتك ما ابيها و قوله عيوبي و كل شي مو زين شايفه مني وخلاص
طبعا انا ادري ما عنده سالفه لانه مخترع بس سويت نفسي بطله

ودقيت ع ابوي

قال انا ياي و بكلمه و اقعد معاه


وصج يانا ابوي و قعد معانا
و عطاه محاضره
وكلامه بعد كان موجهه لي


المهم ريلي تأسف و اعتذر و الله يهديه



بنات

عفيا



انا ما اشيشكم


ولا ابي لكم الخراب



بس المشاكل زادت

والرياييل صايرين لا ذمه و لا ضمير

واذا اذا فيهم واحد صاحي يخاف من الناس ما يخاف من ربه


كل هذا من منو


منا احنا الحريم


حتى اذا شافت الوحده زوجها يسوي حرام

طبطبت عليه و خذت بالاحضان بحجة انه مابي اخسره وما يبي يضيع من ايدي


لا يعمري

ماراح نخلص جذي



لازم وقفه جاده و حازمه

و قوه و جرأه


واذا كان يحبج وشاريج

يثبت باعتذاره





الي تشوف زوجها يسوي الحرام توقفله و تتصدا له

ترا الضعيفه والخوافه ما تعيش
ولا ترتاح
ومشاكلها ماراح تنتهيييييي




و اسفه اشغلتكم بموضوعي
مشكورين ع المسانده و المشاركه و الافكار



ويعيش احلا منتدى ��������

الله يهنيج و يسخركم لبعض و يبعد عنكم السوء و الضر و يبعد عن زوجج الحرام
و صح كلامج اذا الوحدة رضت بالحرام و الخراب في قعر دارها و نامت مع واحد نايم مع الف غيرها
و رضت بالاهانة و الاستغفال على اساس مالها الا هو ترى كلنا لنا رب واحد المهم مانسكت عن الغلط
والساكت عن الحق شيطان اخرس وهذا حق من حقوق الزوجة على زوجها لا خيانة ولا زنى
والله يهدي الجميع يارب

 

[حشمه]

قريت اخر رد لج الله يهديكم

واللي يعتقد البرود بالرد اللي

انكتب مني ومن غيري معناها

احنا ماعشنه اللي مرت فيه غلطانين

بس مو معناتها بصارخ واقلب الدنيا

فياريت لحد يفتي بشي واهو مو عارفه

عيب هالكلام يموتون عالريل ومادري شنو

محد فيكم عايش مع العضوات اللي يردون

عشان تحكمون

 

[صحكة الايام]

حشمه ماقصرت

 

[مودي كويتي]

ناتشو لا طبعا مو كل من قال مطوع خلاص صار مطوع بس انا مو قاعده اتكلم عن احد من الشارع؟؟؟؟؟؟ اتكلم عن اخوي اعرفه عدل وطبعا متحمسه لاني ابيه يستانس وعارفه قصده من السفر واحنا بالبيت وحتى هو يقول غلطه اني اخذتها لان مرت ابوها ماتبيها حتى ايام الاجازات خميس وجمعه واحيانا تصير عندنا ظروف واشياء خاصه بالاهل وهي ماعندها احد تروحله ولاتحب تقعد بالبيت بروحها؟؟كلامي فيه غلط؟؟والخراب بكل محل الخليج وغيره بس تصرف شق التذكره وهالحركات ان دلت دلت على حب تملك وسيطره وغيره فقط وهي تقول زوجها اخلاق ومو مال خرابيط يعني عارفته عدل الحمدلله ليه سوء النيه هذا سؤالي؟؟؟؟

 

[روزماري]

مودي كويتي

أخوج و مرته كيفهم حتى لو قالت له لا تسافر انتي شاللي حارج
الله يعينها على حموله جذي

 

[مودي كويتي]

هالموضوع هذا يشبه موضوع وحده ماتذكرها زوجها قالها بروح الحج واخرتها سالت اختها موظفه بالمطار قالت زوجج راح لبنان ماراح الحج وصاحت وقلبت الدنيا؟؟؟؟قولوا بعد لبنان سمعتها مو شي؟؟وصاحبة الموضوع تقول انا (بياض وجمال) ومو ناقصني شي خلاص هذا اساس الحياه؟؟؟؟؟؟ف حطي فبطنك بطيخه صيفي

 

[مودي كويتي]

روز ماري هي ماقالت واساسا ماتقدر بس انا اقول اسباب اللي يخلته يكنسل السفره وان مو كل سفره دليل قلة حيا ومدري من اللي الله يعينه على الثاني

 

[pusy cat]

بصراحه واااااضح من اسلوبك انه حب تملك وغيره فقط لا اكثر لان بنات الديره اللي بروحلها اجمل من الخليجيات طبعا ف نظرهم وانا فهمت من بين السطور الديره المقصوده؟؟؟؟؟؟؟بس سؤال لو بيروح السعوديه مع ربعه توافقين او لا؟؟؟؟؟؟الحكمه عندك مايسافر لديره سمعتها مو شي طيب احسني النيه وعلى قولتك هو مو راعي سفرات وش فيها لاسافر واستانس ووسع صدره ليه في مجتمعنا صار السفر مقرون بقلة الادب والوصاخه ودي افهم؟؟؟؟؟؟؟؟انا اخوي ملتزم بس مو مره متشدد الصلوات بوقتها وصلاة الوتر وصيام ايام البيض والله لاسمعني اتطنز على وحده يعطيني محاضره ومقصر ثوبه يعني ينقال عنه كويس والحمدلله والله يثبته ويثبت كل شباب المسلمين المهم الاجازه اللي طافت كان يبي يسافر اندونيسيا مع ربعه 7 شباب ومن عمره لكن المدام حملت وكنسل السفره طبعا المدام غلطه اخذناها لانها عايشه عند مرت ابو ماتبيها عذرا قلت كل شي وطلعت برا الموضوع بس هل معناها ان اخوي غرضه شي؟؟؟؟؟؟؟؟احسني النيه فزوجك وخليه يوسع صدره بحدود تراه رجال من حقه يسافر ويروح ويجي والله لو يحقلنا نسافر مع صديقاتنا سافرنا صح او لا؟؟؟؟؟

والله حسيتها سندرلا مرت اخوي الله يعينها

احس ماخذينها بس عشان اتعايرونها واتمننون عليها ولان ما وراها ظهر

بتاخذون فيها اجر واستاثمتو فيها جان جاها نصيب احسن منكم ولا يعايرونها

خليسافر معاها يستانس ويونسها شهالانانيه يسافر مع ربعه وزوجته منطقه بالبيت

سوري بس اسلوبج نرفزني بصراحه اشلون شطحتي عالبنت

 

[منـــاي]

ههههههههههههههههه يالشريييييره قاعده اتخيل منظره وهو يشوف تذكرته مشققه بس بصراحه يستاهل اذا هذي سوالفه عيل مو مال سفر ويا ربعه :/

 

[مودي كويتي]

لاتخافين سافر معاها اكثر من مره وهالمره كان يبيها سبشل مع الشباب بس حملت وماقدر يسافر واذا قصدك اعايرها فلاتحكمين علي رجاء لا انتي او غيرك لانكم ماتعرفونها عدل ولاتعرفون افعالها طبعا انا مو ملاك بس في حاجات خاصه مابي اكتبها ولا ابي اطلع من الموضوع الاساسي بس انا تكلمت عنها كضرب مثل على سالفه صاحبة الموضوع

 

[مودي كويتي]

طبعا انا ضايفتها معي بالبلاك وحذفتها طبعا يوم حملت كنسل السفره اللي كانت مدتها اسبوعين وبعدين صار زواج ولد خالتي بالكويت رحنا مع اخوي العرس مشينا نفس يوم العرس ورجعنا ثاني يوم بعد الظهر يعني ماتجي يومين طبعا هي فبيتها وكانت تبي تروح بس اخوي مارضى لان بالاشهر الاولى صعب تروح بالسياره وخلال هاليوم ونص انا حطيت علم الكويت وصور مناطقكم وهي بتفكيرها المحدود فكرت اني ابي احرها حطت علم السعوديه وصورت المنطقه من الدريشه وحطتها صورت عرض؟؟؟؟؟؟فرجاء لاحد يقول عني متكبره وووالخ ولاتطلعون عن الموضوع الاساسي