ماراح تصدقون شنو ضعفنى @ماء الزعتر@

[احساس الشعور]

رد: ماراح تصدقون شنو ضعفنى

بنات صارلكم فتره تستخدمونه ولا وحده حطت جم انزلت

اشدعوه اذا حتى مانزلتو كتبولنا خلنا نستفيد

انا قصة حياتى قتلها لكم زين ما احطلكم صورتى بعد هههههههههه

 

[kankona]

رد: ماراح تصدقون شنو ضعفنى

انا امس بديت فيه شريت البحريني من حواي النزهة بدينار و ربع

بديت بنص استكانة و عقب ازيد اهوة قالي استكانة مرتين باليوم و اذا خففته مامنة فايدة

 

[همسات ليالي]

رد: ماراح تصدقون شنو ضعفنى

شكلي بجربه

وان شاء الله انزل بصحه وعافيه

ومشكووووووووووووووووووووره صاحبه الموضوع

 

[وحده كويتيه]

رد: ماراح تصدقون شنو ضعفنى

انا جربته بس ما انتظمت وما كنت اخفف اكل بس الحين بنتظم وبعد 3 ايام بكتب النتيجه انشالله

 

[احساس الشعور]

رد: ماراح تصدقون شنو ضعفنى

عاشو البنات

يالله نبى تجاربكم حبيبات قلبى

 

[احلى مريومه]

رد: ماراح تصدقون شنو ضعفنى

مشكوره خوش شي والله

 

[مطيريه زوغه]

رد: ماراح تصدقون شنو ضعفنى

صاحبة الموضوع يعطيج العافيه على ذكر تجربتج بس بغيت اسئلج جم نزلتي من استخدمتيه لما الحين لان ناويه استخدمه وقاعده اقرا الموضوع من الاول بس مادري شفيهم البنات الله يهداهم الظاهر خايفين من العين محد قال تجربته بالضبط

 

[^^غاليه^^]

رد: ماراح تصدقون شنو ضعفنى

يعطيكم العافية
جم نزلتوا ؟؟؟؟؟؟؟؟؟؟؟؟؟؟؟؟؟؟؟؟؟

 

[احساس الشعور]

رد: ماراح تصدقون شنو ضعفنى

صاحبة الموضوع يعطيج العافيه على ذكر تجربتج بس بغيت اسئلج جم نزلتي من استخدمتيه لما الحين لان ناويه استخدمه وقاعده اقرا الموضوع من الاول بس مادري شفيهم البنات الله يهداهم الظاهر خايفين من العين محد قال تجربته بالضبط

اى والله صدقتى مادرى اضعفو والا مافادهم .......بس يتكلمون عن طعمه

الظاهر مثل ماقلتى خايفيين من العيين :eh_s(6):

 

[so_sweet]

رد: ماراح تصدقون شنو ضعفنى

انا بقووول تجربتي بكل صراحه

تقريبا خلصت نص البطل الصرحه انا ما اتبع اي نظام غذائي او تخيف و ما اسوي رياضه ولا شي و الصراحه ما نقص وزني هذا وزني ثابت ما تغير اتوقع ان لازم مع ماي الزعتر اخفف اكل او اتبع حميه معينه ان شاء الله انا مسويتلي برنامج و راح اتبع حميه على نص شهر 10 ومن ظمن البرنامج ماي الزعتر و ان شاء الله راح يفيدني وراح اوافيكم بأخر الاخبار

 

[الشمس]

رد: ماراح تصدقون شنو ضعفنى

مشكوره حبيبتي انا بعد عندي خمول في الغده وزني ماينزل بس يزيد حتى اني امخففه ومسوي رجيم و الله يبيله ماء الزعتر

 

[over love]

رد: ماراح تصدقون شنو ضعفنى

صاحبة الموضوع يعطيج العافيه على ذكر تجربتج بس بغيت اسئلج جم نزلتي من استخدمتيه لما الحين لان ناويه استخدمه وقاعده اقرا الموضوع من الاول بس مادري شفيهم البنات الله يهداهم الظاهر خايفين من العين محد قال تجربته بالضبط

هلا حبيبتى لاأنا كاتبه تجربتى والله بأكثر من رد لحد الحين نازله كيلوين ونص بسبوعين تقريبا مشاءالله

مومتبعه رجيم بس مخففه اكلى وايد والحين خلص وناطره اشري ثانى

 

[حصوص الكويتية]

رد: ماراح تصدقون شنو ضعفنى

بنات وين نحصل ماء الزعتر

ممكن الصورة عفيه بنات لاتبخلون علينا اللى عندها صورة الماي نحطها لنا بلييييييييييييييييييييييييييييييييييز

وراي عرس وابي اضعف بليييييييييييييز ابي كرشتى وفخوذي يروحون انا تعبت من الرجيم وماضعفت كلش وزنى ثابت مادري ليش


انقذووووووووووووووووووووووني

 

[حصوص الكويتية]

رد: ماراح تصدقون شنو ضعفنى

يصير احنا نقع زعتر وبعدين نشخله وتالى نشربه

يمكن احسن من مال الجمعيات صح ؟؟؟؟

 

[Stylista_Q8]

رد: ماراح تصدقون شنو ضعفنى

انا ان شالله ببدى الحين فيه ليين يوم الثلاثا ان شالله واقولكم شيصير معاي

وان شالله اضعف ^^

 

[عاشقه رويشد]

رد: ماراح تصدقون شنو ضعفنى

يبيلي اجربه ان شاء الله

 

[متكوده]

رد: ماراح تصدقون شنو ضعفنى

احساس انا وحده جربته مره وحده ولا ثنيتها لانه طعمه كان وايد قوي انا استخدمت التركي

بس اشتري البحريني وانتظم عليه بتلقيني قاطه ويهي يوميا بهالموضوع ..

 

[حصوص الكويتية]

رد: ماراح تصدقون شنو ضعفنى

بنات ممكن صورة البطل بليييييييييييييييز

 

[bader-albdor]

رد: ماراح تصدقون شنو ضعفنى

مشكوره حبيبتي بس حبيبتي في ماركه معينه يعني مثل الجسر ولا النخيل ....... ؟؟

 

[قطوتي]

رد: ماراح تصدقون شنو ضعفنى

انا ريحني بس لي الحين مانزلت شي ..

بس في معلومه مهمه قريتها عنه بنات

اللي فيها قرحه او حموضه بالمعده ترى مو زين لها ... اللهم بلغت