مسا الورررررررد
هالماسك من زمان أستخدمه وما أستغني عنه وتوني سويته
قلت أفيدكم وأصوره وأحط لكم طريقته
فوايد الماسك :
يخلي بشرتي ملمسها مخملي ناعم مثل الورد
حيييييل يهديها خصوصا إنها حساسة من أقل شي تتهيج وتقب علي فلما أحطه أحس بشرتي مرتاحه
يعني ينفع حق عقب الحف أو الشمع أو للي محترقة من الشمس
عقب ما أغسله أحس بشرتي نضرررة وموررردة
حييييييييل يخفف الدهون والمسامات مع الوقت
وريحته حلوه لما أحطه ما ودي أغسله من حلات ريحته لوول
مو مثل الروب > أعاني من الماسكات اللي فيها روب أكرهه وأكره ريحته
هالماسك ينفع للي بشرتهم حساسة ومختلطة أو دهنية
المقادير :
نشا ذرة
ورد محمدي ( بلدي ) مجفف
ماي ورد مركز
ماي عادي
* بالنسبة للورد انتبهوا النوع الزين أول شي يكون لونه فاتح ويشوق وريحته تهببببببل
لا يقص عليكم العطار ويعطيكم ورد لونه غامج أجلح أملح وريحته مو حلوووه كلش
يكون نفس هذا زين
الطريقة :
تطحنون الورد وتخلطونه مع النشا وكمية النشا تكون أكثر من الورد شوي
وتحطون عليهم ماي ورد تضيفونه شوي شوي وتخلطون لما تمسك الخلطة وتصير يابسة
عقب تضيفون ماي عادي شوي شوي لما تصير الخلطة ثقيلة شوي وتقدرين تمسكينها وتدهنين ويهج فيها
لاهي سائلة ماي مايوه ما تثبت عالويه ولا هي يابسة حييييييل ما تقدرين تفردينها
ان شالله تكونون فهمتوا علي
هاي النشا والورد
وهني بعد إضافة ماي الورد والماي العادي
آنا طاحنه كمية من الورد وخالطته مع النشا وحافظته بعلبة
متى ما بغيت آخذ من الخلطة وأضيف عليها ماي الورد والعادي
من غير حوووووسه ولا شي
تخلونه ربع ساعة تقريبا على الويه لحد ما ينشف وييبس تالي تغسلونه
ولا تنسوووون ضروري ترطيب البشرة عقب الماسك
آنا أستخدم مرطب كلينك الوردي
و الماسك تحطونه مرة أو مرتين بالأسبوع كافي
لا تصيرون مثلي آنا استانست على نتيجته وهبيييييييييت فيه يوميا أحط لووول
بس جفف بشرتي حيييييييل وصرت ما أستخدمه غير مرة أو مرتين بالأسبوع بس
الموضوع جهدي مو منقول ما أحلل اللي تنقله من غير ذكر مصدره
وأمانة ادعوووولي الله يوفقني بدراستي وأتخرج ويحقق اللي أتمناه
