- إنضم
- 22 سبتمبر 2008
- المشاركات
- 5,141
- مستوى التفاعل
- 1
- النقاط
- 0
مرحبااااا
اذا تذكرون واحنا صغار اشكثر امهاتنا يننونا بالروب
حق العيد رووب
قبل المدرسه روووب
ردينا من السفر رووب
ردينا من الشاليه رووب
وليش ؟؟ لان اويوهنا تصير بعدا جلحه ملحه بس ماكنا نحس بقيمته :wqedqw: لين كبرنا وفعلا صرنا نحتاجله
ومثل ماتعرفون مليون خلطه وخلطه لماسك الروب
بس اللي بحطلكم اياه يناسب البشره الجافه اكثر ولله الحمد ناسب بشرتي وانا بشرتي جافه وتعبانه شوي من الولاده ومن المكياج
قفشه كبيره روب
قفشه كبيره خميره البيره
قفشه صغيره عسل
تخلطينهم بصحن وتحطينهم بالميكروويف نص دقيق بالضبط
واذا طلعتيه خلطيه عدل مدل لين يصير جذي
وبعدها حطيه على ويهج بظهر القفشه
وغطيه بالماسك الورق
واذا ماعندج استبدليه بالكلينكس قطعيه وغطي المساحات اللي عليها الماسك بمويهج مثل ما انا سويت
والطريقه شايفتها باليوتيوب
وخليه على ويهج نص ساعه بعدها بتلقين الماسك نااشف
وشوي شوي ابدي شيلي الماسك وراح ينشال معاج بخطوه وحده
ولاراح يتلزق معاج بالغسيل
وبعد ماتغسلين ويهج بس بالمااي
مسحي ويهج باسكينول البابايا وانا هذا اللي ناسب ويهي
وراح تلقين ان ويهج نظيييف ومشدود وناعم
وبعدها نشفي ويهج وحطي المرطب اللي ترتاحينله
وانا اقترح لكم
بوندس المبيض
او
غارنييه لايت مضاف لها قفشه زيت اللوز المر او جنين القمح
وتمتعي بعدها ببشره رطبه ونظره وصافيه وخاليه من التجاعيد و الأرق
وانا اللي لاحظته من بعد استعمالين النعومه والترطيب والنظاره
وحياكم
