ماسووت علي ملجه ...

[نور النـور]

ماعلييييييييييييييييييج منهم
شلوون يعني لازم تصيرين نكديه عشان يحبوونج الناس
لا ياقلبي استانسي واضحكي وطلعي كل اللي بقلبج لوول
بس جدام القراب منج
لكن الي ماتعرفينهم حمولتج لأ عشان ماينقدون عليج اول الايام لكن بعدين لما اطيح الميانه وتكبر علاقتكم ضحكي وسولفي مافيها شي
بعدين ااناا ما احب التفكير الرجعي هذاا
كل شي عيب وياويلي ويلااااه تراهي رقلــه
اوووووووووووووووووووووووووف قطييعه
الناس وصلوا القمر واحنا ليلحين تراهي رقله تراهي خفيفه تراهي مب صاحيه تراهي فيها بلاااااا
يااشينهم مال ينقرضووون
المهم انتي ماعليج حبيبتي الناس تحب الوناسه ملينا نكد
اووف
واسفه طولت عليج بس من الحررررررة ,حراام ضيقوا خلقج على سوالف تاافهه وتفكير العصر الحجري وانتي لاديرين بال خل يولووون
ولعبي مع الجهال مافيها شي ,يعني انتي الحين ماراح تلعبين مع عيالج بالمستقبل؟ ولا ياويلي ويلااااااااااااااااااااااااااااااااااااااااااااه ؟؟ تراهي رقله لوووووول

 

[đeɱɛɼɑ™]

حبيبتي انتي مزهبة الدوآ قبل الفلعة
ليش مكبرة المسآلة .. لي الحين ما صار شي ومفكرة بـ الطلآق !
لا تحطين هالشي في بآلج كلش ملش ..

وبعدين بـ العكس الريآل يحب الوحدة اللي تكون روحها حلوة و مرحة
وانتي بعد الزوآج من نفسج دون ما تحسين راح تتغير شخصيتج
راح تنضجين و تتكيفين مع حمولتج
هذي طبيعة بني آدم .. نعمة من الله -سبحانه- انه يقدر يتكيف مع اي بيئة ينحط فيهآ
مدام عنده الارآدة والايمآن

وربي يتمم عليج ان شاء الله
ويسهل امورج (f)​

 

[al-musk]

مافيها شي لو لعبتي مع اخوانج.....وبعدين لكل مقام مقال وطبعا الثقل صنعة ورزة

 

[غرور وايل]

اول شيء مبروووووووك والله يووفقج
بسس يعني حلاتي بحيياي
يعني خليج شووي ثقيله بس موو الثقل اللي وييع
يعني خليج بالوسط مابين الضحك والجد
اما بالنسبه لموضوع الدوام لالالالالالالالالالالالالا لازم تكونين ثقيله خصوصا ان معاج رجال
بااجر اذا جاء ريلج وشاافج مع الكل تضحكين راح يعصب
والله يووووووووووووفقج يااااااااارب

 

[أحبه موت]

ماشاءالله عليج الله يهنيج بهالطبع والله يدومها عليج من ضحك ووناسه
بالعكس انا احب هالشخصية المرحه الي تضحك واتنكت والله شماخذين من هالدنيا بس عاد مو لدرجة تصيرين كريكرة يعني مثلا انا متضايقه ويايه اشكليج وانتي تقعدين اتضحكين اكفخج بأكبر شي عندي هههههههههههههه يعني خير الأمور أوسطها وقت الجد جد وقت الغشمرة غشمرة
بس نصيحة مني لا تتبعين هالاسلوب مع أهل ريلج ولا اطيحين الميانه معاهم خلج رسمية كثر ماتقدرين ترى والله بعدين اتصيرين عندهم مطقاقه وماينادونج الا بالهبلة والكريكرة فا ديري بالج

 

[ToOoTi]

حبيبتي اشدعوة لا تكبرين الموضوع عاادي
كل البنات قبل الزواج غييير
وسبحان الله من تزوجوا تغيروا حيييل
انتي اذا تشوفين نفسج يبي لج كنتروول سوي كنترووول
اهم شي تكونين مقتنعه باللي تسوينه
يعين لا تسوين شي عشان الناس

 

[*بسبوسه*]

لا تكبرون الموضوع
وانا اشوف اسلوبج حلو لان تيشين اللي جمبج بفرح وانتي بجي ماتعيشين بهم
مو مثلنا 24 ساعه شايلين هم ونفكر مانعرف ناخذ الامور بضحك ووناسه ومزاح
بس شوفي العروس لازم تكون شوي تكانه اول الايام عودي نفسج ماتتكلمين واجد
وشدراج يمكن زوجج يستانس على اسلوبج
وترى الرياجيل مايطلقون عشان مرته رقله يطلق اذا مرته عوبه وماتسمع الكلام
لا تحاتين وروحي جهزي لعرسج عسى ربي يوفقج

 

[Cander]

حبيبتي لاتحاتين ما يقصدون

بس يبون طريقة كلامج وسوالفج تصير تكانة جدام حمولتج مايندرى عنهم

يمكن يكونون نقادة او يعلقون او يقولون خفيفة

يبون مصلحتج بس

اهم يعلمونج احسن من ان حمولتج يقطون نقزات عليج

هونيها وتهون

 

[صامته]

رد : ماسووت علي ملجه ...

فديتج الله يوفقج يارب بس نصيحه حاولي تمسكين نفسج شوي وحطي في بالج اهم شي زوجج ترى الريال يحب البنت النعووووووووووووووووووووومه حاولي تصيرن جدامه نعومه وسمعيه اكثر من ماتسولفين وجدام حمولتج ضحكي وسولفي بس بثقل
وموفقه ياااارب والله يتتم عليج فرحتج ويرزق البنات كلهم بزواج صالحين

 

[cherry67]

الله يوفقج أنا كنت مثلج اقط الكلمة عل ابراد ما أراعي شعور الناس اللي حواليه هذا الشي من زمان قبل الزواج ب22 سنة بس الدنيا علمتني واحتكاكي مع الناس وأهل زوجي وخواتي خذيت دروس وعبر ما أقول الكلمة الا بمكانها الصحيح وأراعي شعور الأخرين لأن في ناس ما تقبل الغشمرة ولا أحتك مع الناس علشان لا تصير حزازات بينا وأعطيج الحل لاني عالجت روحي بروحي لما تطلعين مثلا من الصبح ليما نهاية اليوم قعدي بروحج بالدار وراجعي نفسج من أول ما طلعتي وتذكري شنو قلت هل تكلمتي مع أحد قلت كلمة ما تقصدينها شنو لازم تقولينه بموقف معين وشنو لازم ما تقولينة والله أنا سويت هالطريقة ومشت معاي وغير نصايح خواتي اللي اكبر مني أنا اخر العنقود واحمدالله ألحين أحس بفرق حتى لما ما أييي اليمعة يفقدوني لأني ألطف الجو ويحبون يسولفون معاي

 

[ام جويسم]

حياتي لاتكدرين خاطرج انتي وحده عسوله وتحبين الوناسه والضحك


بس امج شنو تقصد ؟؟

تقصد انه لما تتزوجين بتكون انظار اهل المعرس واقاربه عليج من تصرفاتج وكلامج


ومومشكله حاولي تتحكمين بنفسج فترة الزواج بقد ماتقدرين

 

[جوك احلى جو]

مبروك حبيبتي منه المال ومنج العيال يارب



سمعي

ماكو شي اسمه انا احب الضحك وماقدر اغير من شخصيتي اكبر غلط

الضحك له وقت والجد له وقت وترا الثقل يعطي هيبه وجاذبيه للبنت

انا ماقول لا تضحكين لا ضحكي واستانسي بس بالوقت المناسب

بعدين سوالف المتزوجات الخاصه حتي الحين لما ملجتي هالسوالف الخصوصيه ماتنقال في الدوامات ولا بين اهلج اصلا حرام تفضحين خصوصياتج انتي وريلج

موحلوه الكل يعرف حياتج ا بطيحين من عينهم وانتي بنفسج قلتي ان رفيجاتج تحسين ينقدون عليج ترا الناس ماترحم

بعدين لارحتي بيت ريلج تطيح الميانه مع اهله والضحك اللي ماله والي والقرقه الزايده عرفي انهم بتكلمون من وراج ماراح يحطون لج قدر خلج ثقيله ولج هيبه انتي مقبله علي دنيا يديده لازم ترسمين لج برستيجج الخاص

والله يوفقج ان شاءالله

 

[( المـلاك )]

والله حبيبتي مشكلتج صغيره
و سهالات انشالله
انتي خليج مفرفشه و دوم تضحكين
بس بسنع
مو على اي شي
وتعودي انج تمسكين لسانج مو على اي شي تتكلمين وعلى كل شي تجاوبين
و امج و خالاتج يحاتونج لانه وراج زواج و ريل واهل ريل

و بالتوفيق حبوبة =)

 

[كتكوته ورديه]

اثقلي

 

[عالمي المجنون]

خليج ياقلبي ع طبيعتج

و انتي تلقائيا جدام اهله راح تثقلين

انا حدي خبلة عند اهلي مع اني توني متزوجة

واستهبل احيانا عند ريلي لي صرنا بروحنا

بس جدام الناس نصير تكانة حبتين

 

[3emya_Berry]

لوووووووووووووووووووووووووووووووووووووووووووووووووووول جنج انا بس مره تغشمرت عند حمولتي كشو مني لوووووووووووووووووووووووووووووووووووووول الحين بس اسلم واقعد اتبوسم وان سالوني اجاوب غير جي لا لاني مثلج ما اقدر اسيطر على نفسي سوي مثلي تعيشين

 

[جـوود الحب]

رد : ماسووت علي ملجه ...

صدقيني مع زوجج راه تكونين غيييييييييير وقولي جود قالت !!!

 

[mimi_el3so0ola]

الف الف الف مبروووك حبيبتي ^__^ ربي يوفقج ويهنيج الغلاآ ،،

وانا برايي ان الشي جدا عادي .. اتوقع انتي مع الوقت راح تعرفين اسلوب حياتهم وراح تتأقلمين عليهم شوي شوي ،

واللي اشوفه انح تتمين مثل ما انتي ولا تتصنعين .. بس ع الاقل حاولي تكونين مستمعه أكثر من متحدثه على اساس ماتقطين كلمه بالغلط وانتي بعدج يديده عليهم ^^

والله يوفقج حبي ((=

 

[bnt_kwt]

رد : رد: ماسووت علي ملجه ...

لكل مقام مقال ..
وأكيد ناس توهم متعرفين عليج وبعرفون عليج نسايبهم واهلهم
لازم تكونين متحفظة شوي .. مو شرط تغيرين شخصيتج بس الثقل صنعه
فكري بالكلمة قبل لا تقطينها .. وتذكري انج تمثلين أهلج بين الحمولة
فقبل لا تقولين أي كلمة تذكري شنو بقولون عن أهلي !!!؟؟
الله يتمم عليج ويرزقج الذرية الصالحة

ماشاء الله تبارك الرحمن كلام اختي happy&single عين العقل والسنع
عجبتيني والله يا happy&single الله يكملج بعقلج سنعه

 

[ماما نونا]

نفسي لوووووووووووووول , بس بديت أحاول أثقل اشوي , الله يعينج حاول ما تطيحين الميانه من اولها لي اهما يتعودون عليج ويعرفون شخصيتج