ماعاد فيه غيره رجال على حريمهم

[قلبي*خضر]

بالعكس اختي الواحد لمى يكتب عن ايجابيات مجتمعه وخصوصا ان احنا عالم مفتوح هني بالانترنت يقرا مواضيعنا الناس من كل دول ياسفني ان كثير من الناس خذو فكره سيئه جدا بسبب هالمواضيع الكثيره الي كل تذم في مجتمعنا جن في مجتمع فسق وفجور وبس على العموم يعطيج العافيه وصج ياريت احد يذكر محاسن مجتمعنا بمواضيعه رفقا بالكويت يابنات

اختي الشر يعم والخير بخص
اجل اشلون بذكر الظواهر الدخلية علينا بالرسائل الخاصة

 

[قلبي*خضر]

يالله عاد
ترى ما نرضى على رياييلنا
الرجولة والشهامة والطيبه والكرم والاخلاق اللي مالها عدد عند الكويتيين
والاغلبية الساحقة من حريمنا محجبات محتشمات وحتى السفور بنات حمايل ومؤدبات
وما فيها شي اذا كشخنا ولبسنا هذا دليل على كرم رياييلنا وحسن معاملتهم لنا

حبوبة لما اتكلم وانقل ظاهرة مو من الضروره تنطبق عليك
سؤال لك ترضين تتطلعين شبه مفصخة وزوجك معاك والناس تطالعك ؟؟؟
ترى هذا اللي شفته بعيني بالراية
والله على ما اقول شهيد

 

[النبع الصافي]

هذا والله آخر الزمان الي المتمسك بدينه مثل القابض على الجمر

 

[malak_alroo7]

لا حول و لا قوة الا بالله

الله يهديهم ان شاء الله

 

[بدويه عيميه]

والحين شنو هابين فيه الحمدالله والشكر اذا تزوجوا وكانت الزوجه متحجبه يخليها تقط الحجاب لا راحوا شعر العسل يعنى يبون يستانسون الله لايبلانا

 

[يمّه مني]

اختي انتي موتفضلتي وقلتي انها مع ريلها ؟؟
انزين اذا اهو راضي يشوف مرته جذيه احنا اشبدينا انسوي ؟؟؟؟؟؟؟؟؟؟؟؟؟؟
انروح انطقه انقوله انت ماتغار على مرتج رووح لبسها عدل ؟ بيقول وانتو شكو مرتي وكيفي ؟
فعلن كيفه...........

بس السؤال يا اختي مو اهني

السؤال
انتي دام هالشي ماعجبج وين دورج بالاعتراض الفعلي ؟؟
ليش ماكلمتي المره ولا زوجها
شنو بيدنا احنا يايه اتقولين لنا ؟؟؟؟
هالمناظر كليوم قاعدين انشوفها يعني مو شي يديد
ليش مواضيعكم بالقسم صارت كله جذيه ؟؟
ويريت في حل او تصرف تتصرفونه غير التحلطم ونقل الصوره لنا بالمنتدى بدون فايده تذكر

يا اختي خلوو الناس بحالهاا مالكم شغل ابغيركم