ماعرف أحاجي الخدامة .. بصير معزبة مو قادرة !!!

[بشه المنفشه]

السلام عليكم ورحمة الله وبركاته



بما إن توني ما صارلي وايد من صرت زوجة وراعية مكان عشتووو .. هذي أول مرة يصير عندي خدامة وأكون مسؤولة عنها

يا جماعة مو عارفة أتأمر عليها وأقولها سوي ونظفي !! أقولها مو ما أقولها بس مادري شلون مرات أستحي هههههههههههه

شي يفشل أدري

خصوصاً إن شكلي صغير وأساساً خدامتي أكبر مني بسنة تقريباً .. شغلها مو ذاك الزود ومرات تسوي شغلها على مزاجها ولما أقولها ليش جذي ؟ تقولي بابا قال !! وطبعاً بابا ما يدري عن الدنيا !! أو تقول خدامة بيت حمولتي علمتها جذي وذيج مو صوبها !! يعني باختصار اتخوره مرات واتقط بلاويها على غيرها

ماعرف أواجهها وأقولها إنتي وإنتي .. حتى بالتنظيف أطوف لها وايد .. بالطبخ عيزت أعلمها وغيرها وايد سوالف تصير بس لي الحين مو عارفة أعيش الدور إني أنا معزبة حتى مرات أطرش زوجي يحاجيها

مع العلم إني صارلها بحدود شهرين ونص عندي :eh_s(1):

 

[يمة يادلبي]

خخخخ حتى انا معني توني اصغيرة بس اشوف خواتي يتأمرون ويزفون الخدم اما أنا كلللللش ماعررررف
ياريت الأخوات يفيدونا

 

[تخيل اعطيك وجه]

هههههههههههههههه نفسي والله

 

[♥ąϻᴑŁ♥]

والله انتو مثلي .. انا اذا ابي شي منها اقولها بليز سويلي جذي ..

او عطيني هالشي واللي يعافيج ..

بس والله عندي هالمعامله احسن من الزف والصراخ ..

 

[ناتشوو]

بشة انا بعد
ناطرة اول خدامة لي
وانا من النوع المؤدب معاهم
اهلي يقولون شكلج بتودينها الحج!
او بتشتغلين مكانها
مو متخيلة اشلون بتعامل معاها
بس لو تصرفت معاي نفس خدامتج
بزفها
يعني خليج حازمة معاها
لا تستغفلج
وتستغل ادبج معاها

 

[فديتني وبس]

اللي تسوينه خلج حااازمه وشديده بس مو معناتها ماتتساهلين معاها لانه الخدم اذا كنتي طيبه معاهم يداروونج

 

[طيرشلوا]

شوفى حبيبة الخدامة اول شئ لازم تكونين شديدة وحازمة فى وقت واحد
يعنى فية مواقف تصير لازم تكون نبرة صوتج فيها حزم سواء كانت اكبر منج او اصغر
يعنى لما تطلبين منها طلب تسوية مو تقول بابا قال وزوجج لايتدخل فى الخدامة دايما شكو اهو تطرشينة يحاجيها انتى المعزبة والى قاعدة فى البيت اهو خلية وقت الشدة
ولاتقولج مثل خدامة ماما ومثل خدامة بيت اخت انتى وضحى لها وخلى ايدج فى ايدها اول شئ على التنظيف والترتيب لان طريقتج واسلزبج لازم يكون منفرد
وفية شغلات يبيلها تطوف بس الا انها ماتسمع الكلام غصبن عن خشمها كلامج يمشى
ومادام الحمد اللة معاملتج زينة وياها ولاتنسينها بهدية العيد واذا طلبتى مطعم حسبى حسابها
لانها هم نفس وتبى تفرح مثل الكل

واللة الحمدللة هذى خدامتى لها سبع سنين عندى مريحتها ومريحتنى بس اقولج انا ما اخلى الشغل كلة عليها وبعدين لاصارت عندى عزيمة كبيرة اوبوفية انا اشتغل علية بنفسى ما ارتاح مع انها طباخة ولما اشتغل اصلا انسى نفسى اول امس قاعدة ارتب اغراض عندى وقطيت بلاوى وما حسيت بنفسى الا الساعة عشر ونص الصبح وانا قاعدة اشتغل من الساعة 2 وكان عندى اجازة من الصلاة فما حسيت الا لما هدنى النعاس

 

[قطوه شريره]

امبي كلنا نعاني من هالمشكله انا بعد هذي مشكلتي مع خدامتي استحي منها بس هذي الثالثه
لان اول ثنتين يوني وقعدو عندي تقريبا شهرين
وهذي عاد لما ولدت بعدها بشهر وصلت بس ملوعه جبدي ولاني عارفه اتعامل معاها خاصتا انها اكبر مني انا وريلي وكله احسها تغار مني لاقعدة عند ريلي واذا وكلني ولادلعني واهي تمر بلغلط تعالي سمعي تأفأفها

 

[eman12]

شوفي بعد قلبي الخدامه لالالالالالاتشدنى طول الوقت ولاترخين وديري بالج تبين لها انها منرفزتج
لانه اهم يتعمدون بعدها تنرفزج شفتى وسخ اشري بالاشارة يفهمون قولى يبي فوطه ونظفى بس لاتقعدين طول الوقت ليش مانظفتى وليش وماليش عموما الخدم جديده قديمه لالازم تتابعينها
اما الطباخ
فشهرين تو الناس عليها
انا خدمى باكثر من هالمده يتعلمون الا اذا انتى يايبتها طباخه ومشتغله بالكويت اما اللي مشتغلين بالخليج فريقة طباخهم مو نفسنا
يبلها صبر
ولا تبين لها انها اكبر والا انتى اصغر بعدين ماتهتم لاي امر منج
الله يكفينا شر الخدم

 

[النوري]

عادي انا خدامتي أكبر مني ب 4 سنين .. وأنا صرت معزبه و أنا عمري 18 ؟؟؟ شرايج خخخخخخ


وأتأمر عليها هذى يعتمد على الشخصيه بس هم غصبي عليها ...

قصبيها إنتي المعاش .. بإيدج عشان تحس صج غنج معزبتها .. ووقعيها . ولا تضحكين وياها حيل .. .
وإذا ما قدرتي . سوي نفسي

خدامتي من غلط مني .. قامت تطيح بنت أبوها الميانه وياي ..

تنكت .. تقول قصص حياتها .. أفتح اللابتوب و أخليها تقرق .. و كل دقيقيقه ألف عليها أضحك .. <<< حتى لو تقص قصه حزينه

بس بعلمها إن مو كل شيء تقولينه لي ... ومقصص حياتج ما تهمني وبنفس الوقت ما تجعمينها ..

بس هي تفهم ..

ولو تقولج .. فلانه قالتلي.. روحي وياها الزواره الثانيه ومسكي الخدامه الثانيه وقوليلها علمتي خدامتي غلط .. <<< إستعبطي ..

وخلي خدامتج وياج .. عشان تعرف لا تبلى على الناس ..

وخلي الخدامه الثانيه تشخلها لج .. إنتي طلعي منها ههههههههههههه

وكل سوي هالحركه .. مل قالت فلانه سوت .. روحي للثانيه وقولي . ليش سوي جذي ؟؟ << بأسلوب حلو .. ترى ينفع . مو شرط تبيينن نفسج معصبه ..

حتى لو ضحك .. للايش علم خدامه مال أنا غلط ؟؟ ؟ وإنتي تبتسمين . ترى ولدج عندها .. صيري معاشا خوش مره ..

لا تسوي فيه شيء .. .

بس مبين عليج طيبه اللي مو قادره تتأمرين عليها ...

بس هم .. إعرفي هل هي تستاهل الطيب وإلا لئيمه ..

لأن يقولج إن أكرمت اللئيم تمردا ..


والله يخليلج . ما جبتي .. ويربى بعزج ..

 

[حنطاويه_84]

fبنات انا بعرف عادي اخذو الشي عادي ليش بيت اهلكم اول ماكان في خدم يعني عادي تعاملوا معاهم نفس لما كنتوا ابيت اهلكم وانا عن نفسي ماله داعي العصبيه والزف والصراخ واشلون ومالون بعد قوليلها الاشياء اللي انتي تبينها علميها وعامليها عدل وخلاص خليج وراها ابكل شي وانشالله بتعلم اهوه مو من يوم وليله الخدامه بتعرف كل شي لازم اول اعودها على طريقتي اعلمها على شغلي اقولها سوي جذي نظفي جذي وبس واخلصت السالفه ومشكورين

 

[ناتشوو]

fبنات انا بعرف عادي اخذو الشي عادي ليش بيت اهلكم اول ماكان في خدم يعني عادي تعاملوا معاهم نفس لما كنتوا ابيت اهلكم وانا عن نفسي ماله داعي العصبيه والزف والصراخ واشلون ومالون بعد قوليلها الاشياء اللي انتي تبينها علميها وعامليها عدل وخلاص خليج وراها ابكل شي وانشالله بتعلم اهوه مو من يوم وليله الخدامه بتعرف كل شي لازم اول اعودها على طريقتي اعلمها على شغلي اقولها سوي جذي نظفي جذي وبس واخلصت السالفه ومشكورين

بس ف بيت الاهل مو احنا المسؤولين عنها
نعلمها ونتأمر عليها
مو مثل لما تكون حقتج تاخذ اوامرها منج

 

[el3aNoOoNa]

ميخالف حبيبتي انتي مثل مالقلتي توج متزوووجه وهاذي اول خدامه لج وماعندج خبره بالتعامل معاها
مع الوقت راح تعرفين ان شاء الله
مثل اول بيبي تتعبين معاه بس لي يبتي الثاني بتكون عندج خبره اكككثر
مو شرط تزفينها اذا مافهمت او اتامرين عليها
بس فهميها شغلها وقوليلها بابا ماله شغل ماتسوي الا الي انتي تقولينه
تبين شيء قوليلي لا تقولين حق بابا
على اساس اي شغله تكلمج
وفهميها ان مالها شغل بحجي الخدم الثانين
اشوي اشوي مع الوقت ان شاء الله بتعلمين وبتصير عندج خبره اكثر
وسالي امج وخواتج واهلج ورفيجاتج مني مناك وحده على وحده لما تعرفين اشلون اتعاملين معاها

 

[بشه المنفشه]

مشكورين يا بنات وربي يجزاكم كل خير على نصايحكم

أشوة في بنات مثلي .. حسبت روحي حالة خاصة !! مادري اشفيني بس أشوفها اتدوده حتى مرات أكون مستنه من داري رايحة بقولها سوي كذا وكذا وبس أشوفها أسكت
والمشكلة ريلي نشبة الله يهداه يتدخل بكل شي يعني فوق ما أنا مو عارفة أتصرف اهو معقد علي الموضوع زيادة

فكرت أعطيها جدول تمشي عليه بس ما مداني وقلت هم بدال الجدول أظل أنا وراها يوم بيوم .. بس مابي أصير حنانة وبنفس الوقت مابيها تفج لأن شكلها كسوله يبيلها معزبة تشغلها عدل

الله يسهل .. والحمدلله ردودكم شوي طمنتي

 

[MZajEyA]

انا اول ما يبت خدامتي جذي ما اطرشها على كل شي و مازلت في شغلات انا اسويها لان هذا طبعي
اما زف و صراخ ما ازفها لان اول شي بنتي تحت ايدها لي رحت الدوام و لان انا ما احب ازف الخدم

بس دايما اقول لها مره ثانية لا تسوين جذي

لمن قامت تنرفزني بشغلات احاجيها بحزم و بنرفزة وبس

بتتعودين

 

[بشه المنفشه]

النوري بعد قلبي ما رديت عليج

الظاهر متخربطة مع عضوة ثانية أنا ما ولدت ولا يبت صبي بس ادعيلي ربي يسهل علي
بس الصراحة نصايحكم وايد حلوة وفادتني كثير ومشكورين وحدة وحدة

اليوم الصبح شوي شديت عليها مع إن والله مو نيتي بس اذبحتني على سالفة الجرس .. شاريتلها جرس متى ما بغيتها أناديها واتييني وحضرتها طول الوقت حاذفته بدارها واهي بالمطبخ الخارجي !!!! انبح صوتي وأنا ألعلع بالحوش من صباح الله خير قلت عسى ما يطلع حماي وأنا بكشتي لا حجاب ولا شي

حست إني متنرفزة وقلتلها سوي جذي وجذي وإخذي الجرس معاج برة وكنت أحاجيها بنفس .. خلتني أصير معزبة غصب ههههههههههههههههه

مع إن مشكلتي مو بالصراخ والزف لا الحمدلله مو هذا طبعنا بس ماعرف أصير حازمة وياها وأقولها سوي ولا تسوين .. خصوصاً البيت مافيه مرة عودة ماسكة الخدم فصايرين سمردحة وخدامتي صارت وياهم .. لا اهمه اللي فايدينها بخبرتهم ولا أنا عارفة أشكمها على قولتهم

بس على كلامكم الموضوع يبيله وقت وربنا كريم .. تسلموووون

 

[د.شريفة]

بالنسبه للبيت اقولها نظفي وسوي وغسلي الملابس واعرفت شنو لها وشنو اللي عليها وفي شغلات مثلا بتصرفاتها ما عرف اخلي امي تكلمها

 

[بشه المنفشه]

اي أنا أقولها سوي ونظفي بس لي الحين مو قادرة أمشيها على اللي أبيه واهي ما تعطي من روحها .. يعني كل شغلة لازم أنا أقول

مليت منها وماقدر أقول مابيها لأن أدري الغلط فيني أنا ! يبيلي أشد حيلي عليها شوي .. اهني المشكلة

مثل ما قلتي في ملاحظات صعب تقولينها وأقعد آكل بعمري .. عسى ما أنبط بويها على يوم مع إني بس أشوفها أخق ماعرف أتكلم !!!

 

[برونزية رشيقة]

دشي فهرس الخدم تلقين موضوع حق وحدة اسمه : ماعرف أتعامل مع الخدامة ؟؟؟؟

نفس مشكلتج توها متزوجة وأول خدامة إتييبها وتستحي منها .. وما تعرف تامر عليها ..


اقري ردود البنات عليها راااااااااااااااااح تستفيدين وااااااااااااايد ..

وبعدين نصيحة : الخدامة اليديدة تكونين حازمة وشديدة معاها .. علشان تحترمج وتاخذ الشغل بجدية

وبعدين عاد تبدين ترخين معاها لمن تتعلم شغلها عدل .

 

[عهود الحب]

المشكلة موفيج حبيبتي
المشكلة بالخدامة نفسها
تستعبط تدرين

اهي تستعبط عليج لا اكثر
تدرين شنو يبيلها ؟ يبيلها رجال يكلمها اذا انتي تحسين مهما تسوين ماكو فايدة

لازم رجلج يزفها شوي ويحمر العين
انا مااحب احد يهاوش الخدم واعصب

بس احيانا في نوعية منهم يستعبطون ويطقون الكلام بالطوفة
وان امرتي بشي سوته عكس
انا ممكن اسامح او اطنش الامور اذا هي مسكينة ماتعرف او جديدة
اما مسألة تستغفلني وتستعبط وتسوي روحها ماتعرف هني ستوب طفارتي الي يستعبط عشان يريح باله


شدي واحزمي معاها الين ترفع الصح من الغلط ودام تقولج بابا قال وموصج هالكلام معناته كلكجية هههههههههه


فلانه قالت لي { يعني خدم الحمولة } لاشكو انا الي اقول مو فلانة ولاعلانة
دققي شوي عليها

ان سوت الاوتي وماضبط خل ترد تسويه الين تعرف انه كل مرة تسفه اوامرج مردها تعدل غلطتها



الشدة مع العيار احسن حل