ماعرف احط مكياج

[طالبة انجلش]

السلام علييكم بنات

شلونكم ؟

مبارك عللليكم الشهر
وتقبل الله طاعتكم مقدما

بنات جد جد ماعرف احط مكياج :eh_s(2):

وحيل احاتي من شوي اقول لاختي اللي عمرها 16 علميني احط ميكب تخيلوا
اصغر مني وتبارك الله تعرف انا ميح اللي اعرفه

بس فاونديشن كحل داخل عيني وقلم
عدسات حاولت بس ماكو مانفع معاي
فقررت البس طبي لان اصلا انا ماشوف

مسكره
بلشر
حمره
حواجب نص نص ماعرف ارسمهم

وعيوني صغار
الصراحه لما ابي اتزوج باذن الله مابيه يعيب علي ويمصخرتي لان اكرررررررره هعالشي


وتوني ها ها عرفت ارسم عيني بس ايلاينر يعني وحده تيي صح والثانيه نص نص ؟
ضياع
وماساه حالتي
اختي قالتلي تعلمي باجر شراح تحطين لريلج
اقولها عادي اللي احطه هذا احطه له تقولي لا والله
بالله يبي اوفر شتسوين
خخخخخخ ايي البيت وحطولي > :eh_s(14):
ااااخ
وبقوله فيني حساسيه خخخخ

والله ماراح انساها بدعوه بقيام الليل برمضان
اللي تعلمني وتبدي معاي من الصفر
تكفون يوتيوب ضياع ماحبه

يالله تكفون علموني
وخطوه خطوه بليز بنات لاني بتدرب وقت دورتي برمضان لان الحين ماكو عندي وقت كللللللش

واحبكم :eh_s(17):

 

[Bint obouii]

دشي دورات او شوفي فيديوات باليوتيوب وحاولي اطبقين معاها يعني تشوفين وتسوين
في موضوع مثبت للمبتدئات شوفي

 

[barraya]

حبيبتي سجلي دورة انا سجلت مع وحدة دورتها شهر وعلمتني كل شي وبعد في على اليوتيوب واهني بالمنتدى شكثر يحطون

 

[om MaRyooM]

شوفي دروس باليوتيوب يعلم اللي مايتعلم


و دشي دورات

خدمة المجتمع عندهم دورات وباسعار وااايد حلوة

او الاخت الطاف الخلف ياحلوها سمعتها سابقتها

 

[مريانا ام ماريا]

حبيبتي المكياج تتعلمينه كل ما مارستيه اكثر محد بيعلمج ياه بس في اسس للمكياج اشتري كتب او عند النت متروس

 

[طالبة انجلش]

كلكم نت
خخخخخخ بقوله انت حطلي ههههههه
لا اتغشمر فديتكم بنات
وكل عام وانتوا بالف خير يارب

 

[طالبة انجلش]

وراح ادش واتعلم باذن الله
شكرا بنات

 

[$الاميررة$]

مبارك عليج الشهر بحاول اعلمج اللي اعرفه انا كنت نفسج ميييح مع الوقت ولان عندي اراده تعلمت وصار الكل يسألني مكياجي وين مسويته اول شي اختاري الفاونديشن قريب من لون بشرتج واستخدمي كونسيلر كريولاين عشان تخفين اي عيوب سواء هالات سودا او حبوب او غيره وفي طريقه روعه للكونتور حطها وحده من العضوات حدها سهله نفس طريقة كيم سوي نفس الخطوات اللي باليوتيوب اممم وبالنسبه للكحل في من برجوا قلم كحل سائل حلو للمبتدئين ارسمي خط فوق عينج ضعيف ومديه لبرا شوي وبعدها بشدو اسود وفرشاه مشطوفه مدي الكحل لبرا اكثر وبجذي تكون خطة الكات ايز بالنسبه للشدو اختاري لونين غامج وفاتح وانا افضل البيج للجفن المتحرك ومثلا البني الغامج للجفن الثابت وادمجيهم بفرشاه ومديهم باصبعج لبرا ورتبي الحواجب بتاتو من ميبيلين بني وتحتهم شدو نايلون من ماك بس هذي اهم الخطوات انشالله يكون شرحي واضح

 

[بـربـوشـآ]

والله انا المسكرآ ما اعرف لهـآإ ..


يلآ بآجر ندخل دورآت ونتعلم ..



تدرين شنو ودي ودي اخذ وحدهـ تعرفـ للمكيآج ونروح نشتري مكيآج ..



خـو أغلب المحلات نصآبين الاعلى سعر يعني الاحلى والاغلبيه مو حلويـن . .


فـ ان شاءالله يرزقني رفيجـه تعرفـ لسوآلف المكيآج علشآن اخذهآ ونشتري

 

[طالبة انجلش]

حبيبتي الاميره ماتقصرين بسيف اللي قلتيه وعلينا وعليج يارب

امم برشا والله جان زين عندي رفيجه تعلمني
لاني ضياع


مشكورين حبايب قلبي
فديتكن كلياتكن

 

[بنوته ذربه]

انا نفسج بس يمكن احسن منج شوي ههههههه يعني سوالف شدوات مااا اعرف
خل اقولج شي
اذا تبين مكياجج يكون حلو اشتري مكياج ماركه صدقيني فرق خل اعلمج عالاساسيات اوك

1-اول شي تغسلين ويهج وترطبينه بمرطب خفيف
2-بعدين تحطين الاساس على كل ويهج باصابعج تمزجينه عدل وتخلينه ثواني على ماتمتصه البشره(انصحج بأساس ميك اب فور ايفر)
3-بعدها تحطين كونسيلر تحت عيونج عالهالات وحوالين الشفايف واطراف الخشم( انصحج بكونسيلر ميك اب فور ايفر)
4-بعدها حطي البرايمر على الجفون < البرايمر هو مثبت الشادو ومهم حيل لاتستهينين فيه لان الشادو بدون برايمر يطلع لوعه باهت ومع الوقت يرووح ويصير الشكل غلط (ميك اب فور ايفر)
5- تحطين البودره المضغوطه او الحره على حسب ارتياحج < انا مرات ما احط
6- تحطين بودرة الخدود لون مشمشي احلا شي والوردي بعد حلو
7-ترسمين حواجبج بشدو بودي شوب اهوا احلا شي او كريم الحواجب من ميك اب فور ايفر لون بني
8-تحطين الشادوو
9-ترسمين العين من فوق بالاي لاينر او فلود لاين اللي تصير عليه مدوره وترسمينها بالفرشه < روعه احببببه يمدحون مال كلينك ومال كريولان وانا عندي مال ماك بس بسرعه ينشف بس سواده عجيب
10 تحطين الماسكرا
11- حطي شوي من كحل القلم على رموشج اللي تحت عالاطراف ومديه شوي لبرا
12- حطي الحمره وفوقها قلوس

وجذي خلصناااا

واذا تبين تشترين من ميك اب فور ايفر < ماركتي المفضله
روحي مركز التجميل الشاميه اللي هناك تنصح من قلب وتعلم واذا شي ماله داعي ماتنصحج فيه يعني مو نظام طمع وانا شريت منها ب 50 عطتني سي دي تعليم مكياج ماتتصورين فرحتي بالسي دي اكثر من اغراضي لاني كنت مثلج ما اعرف شي ومكياجي يفشل
ترا انا امس خذيت السيدي وحطيت ميك اب وريته امي عجبها معن امي ذوقها صعب :ggdw:
اللي تشتغل هناك سمرا متبتبه مو متحجبه لاتروحين للمتحجبه
واذا تبين اصورلج مكياجي حاضر واكتبلج كل شي ممتاز من عيوني