مافائدة سترة الانقاذ في الطائرة وهي لم تنقذ احد

[سعودية من نجد]

الحين لما نشوف حوادث الطائرات90 % منها تقع في البحر وان الانسان في تلك اللحظة يتبهذل وتموت عظامة وما يعرف من الخوف والرعب حتى يجر سترة النجاة انا اقول لماذا لانلبسها في الطائرة الزامي حتى اذا صار شئ لاسمح اللة الا يمديهم ينقذونناواحنا طافين على الماء حتى لو مو احياء جثث على الاقل يدفنوننافي باطن الارض وليس في بطن الحوت ما ادري ليش دايم افكر بهالشئ

 

[سعودية من نجد]

وين الربع نمتوا

 

[نواااال]

شنو هالتفكير يعني ستره نجاه اهي الي راح تنقذنا الي الله كاتبه بيصير لو لا بسه خوذه من حديد
اذا الله كاتب لنا الموت بنموت وجثه شنو فايدتها تبينها تطفو علي البحر اهم شي الرووح والرووح راحت لربها بس ليش هالتفكير المتشائم
موت وغرق وجثث الله يعينج الصراحه

 

[ميني كويتيه]

سبحان اللة ما تدرين شيصير الانسان ما يفكر بهاللحظات
الخوف يشل التفكير

 

[DBDOB3 DES]

والله انا ذاك اليوم اقول لرفيجتي ان مامنهافايده لاحزت الحزه محد درا عني لاستره ولاعراد لووول

 

[ام عيالها الغاليين]

أنا أقول ليش مايبتكرون شي ثاني غير السترة تلائم الجميع وممكن الراكب يستخدمها أول مايدخل الطيارة

لأن العلم تطور بمجالات وايد ماوقفت على السترة

 

[سعودية من نجد]

:0bee2e8d89::0bee2e8d89::0bee2e8d89:ام عيالها ودورا وميني شكرا على لطف الاجابة وما فية داعي للعصبية يااخت نوال المسالة كلها تبادل اراء

 

[كوكب الدرر]

سترة النجاة تفيد في حالات الهبوط الأضطراري بالبحر

يعني لما الطيارة تنزل سليمة

لكن لو تصورنا إن الركاب لبسوا السترة من أول ما ركبوا الطيارة وبعدين الطيارة وهي

طايحة شبت نار أو انفجرت ،، في هالحالة السترة ما منها فايدة

حالها حال حزام الأمان في السيارة

مرات يفيد السايق ومرات بالعكس يضره خاصة لما يكون الحادث قوي وما يقدرون

يطلعون السايق من السيارة بسهولة لأن رابط نفسه

يعني مثل ما قالوا البنات اللي الله كاتبه لازم بنشوفه مهما حرصنا

تحياتي

 

[منوووووله]

8
8

معاها

 

[عاشقة الكاكاو]

والله الواحد مايدري حزتها يفكر بشنو ولا شلون يتصررف

 

[yam_yam]

الله يعين لا طاحت الطياره مالنا الا التشهد و بس

لا سترة و لا براشوت ساعتها هههههههههه
الله يحفظنا يارب

 

[فجر الغلا]

يختج منو بفكر حزتها يلبس سترة النجاة واذا لبستيها لايكون بتقاوم الصدمات حلاته اول ماطيح الطياره اهيا اول وحده تنفجر قبل روسنا اعوذ بالله بس الله يستر علينا ويحفظنا من هالحوادث المرعبه

 

[سعودية من نجد]

ليش ماتفيد سترة النجاة الا تفيداذا س5- ما هى فائدة سترة النجاة وهل استخدمت سترة نجاة فى حوادث سابقة

الحمد الله وان شاء الله يبعدنا عنها السترة عند حدوث حادث للطائرة فوق المسطحات المائيةقطت في البحر واسمعي جواب احد المسؤلين

 

[توتاتوتا]

:dddds:

يختج منو بفكر حزتها يلبس سترة النجاة واذا لبستيها لايكون بتقاوم الصدمات حلاته اول ماطيح الطياره اهيا اول وحده تنفجر قبل روسنا اعوذ بالله بس الله يستر علينا ويحفظنا من هالحوادث المرعبه

 

[اللوحة الناقصة]

تصدقين عاد جنج تقرين افكاري

دايما اقول على كل هالخبه واحتياطات السلامة وكل هاللوية وربع ساعه شرح

ولا عمرهم الركاب نجو من تحطم طيارة سواء في البحر او على الارض :dddds:

ذكرتيني بحادث تحطم طيارة صار فوق بحيرة تماسيح ولما طاحت الطيارة كانت وجبة دسمة للتماسيح :dddds:

الله يحفظنا من شر هالحوادث ويسلمنا منها يارب وكل شي سبحان الله مكتوب للانسان من خير وشر احنا نتوكل على الله ونقول دعاء الركوب والباقي على الله ​

 

[الفراشة الجميلة]

تعددت الأسباب والموت واحد

تقبلي مروري

 

[yassoo]

اول شي مشكوره على موضوعج
وثقي ان اللي الله كاتبة لنا بيصير
بما اني مضيفة طيران
وسنويا يعطونا كورسات للسلامة الجوية
الlife jacket الراكب لازم يلبسه لو الطياره راح اطيح بالبحر
والشي اللي محد يعرفه او تعرفونه مادري
المدربين دايما يقولون لنا ان نـــــــــــادر طيارة اطيح وأحد يعيش ولو صار معجزة
لأن اغلبيه حوادث الطيران محد يطلع منها سالم
ولو طاحت الطيارة بالبحر
نفرض بالمحيط مثلا جدام الشخص دقيقة وحدة وبعدها القلب يوقف لأن درجة برودة الماي
وايد باردة ومايصير ان الواحد يقاوم بالماي يعني يظل هادي على مايطلعونه بال
slide raft
مادري ان عرفت اشرح عدل ولا لأ بس ماحبيت اطلع من غير رد

 

[سمو]

السلام عليكم

اللهم صل على محمد وال محمد


يعطيج العافيه عل الموضوع ...وصج تساؤل مهم جدا

صحيح الاقدار بيد الله سبحانه ...ولكن على الانسان ان يحتاط ...يعني ما البس صوف بالحر ... واقول ربي اذا يبي يموتني من الحر يموتني ؟!!! ... سوري بس هذا ردي للبنات اللي استغربوا من تساؤل الاخت



عزيزتي ...كلامج صحيح ...معنى هذا هناك اهمال من الطاقم ...ما يتصرف عدل نفس الافلام ..ويساعد الركاب في حال الخطر ...واهما ل من الركاب عدم المبالاة بالشرح في بداية الرحله ...وبعدين نتوهق لا سمح الله في الظروف الخطره للطائره ...يسلمواا موضوع وايد مهم :tek:




yassoo ...حبيبتي اثبت التاريخ ...ان كثير من الحوادث حدثت للطائرات ونجى منها الكثير ... من وين ياب نادر هذي ...والدليل الطياره الفرنسيه الاخيره .

 

[سعودية من نجد]

اختي يسو مضيفة الطيران اللة جابج لنا الحين شوفي اليوم الطيارة اليمنية نجا طفل وفية ناس تقع تحت انهيار الثلوج لسسساعات وينجون بعدين واذا الواح لبس سترة النجاة ولاسمح اللة صار شئ بالطائرة يعني اللي مايعرف يسبح يمديهم يطلعونة اذا هو حي اتمنى ان تحصلين على معلومات اكثر وتفيديننا وجزاك اللة خير ياسمو على لطفك وسمو اخلاقك

 

[اروى77]

احنا الحزام وغصب نلبسه هالدور نلبس سترة النجاة ...الله الحافظ يابنت الحلال.. والله يبعد عنا وعن حبايبينا هالحوادث القشره