ماقدر اقول الا الله يسامح امي؟

[مندوبة ام بندر]

الله يشرح صدرج
وعسى الله يوفقج ويهديلج أمج وريلج قولي بس آآآآآمين

 

[ايام وردية]

رد : ماقدر اقول الا الله يسامح امي؟

البيوت اسرار حبيبتي وماتدري شنو يصير داخل بيتهم يمكن حتى هي معاملتهم ويا بعض مو زينة

فارضي باللي اللة كتبة لك وكوني قنوعه واحمدي ربك حبيبتي انتي بنعمة عن غيرك

 

[عجمية ماتهاب]

رد : ماقدر اقول الا الله يسامح امي؟

هذا النصيب
ومالج الا الدعاء وفكري انج انتي احسن من ناس واجد
مو تقولين لأ الغير احسن منيولا فلان احسن من زوجي
ترا بتتعبيييييييييين انا جاتني الحاله هذي قمت اقارن بين زوجي وبين اي أحد
بغيت انجن شوفي اللي اسوأ منج واحمدي ربج عالعافية
والله يشرحلج صدرج ويسخرلج زوجج

 

[مليت من الاسامي]

شهالكلام هذا نصيبج بعد
شدراج ان الي كان خاطبج قبله بيكون وياج اوكي يمكن مثله او اقل منه معامله

 

[أحلى عروس 2012]

رد : ماقدر اقول الا الله يسامح امي؟

حبوبتي انت الحين تقولين
لوووووو امي راضية بهذاك الصبي جان انا بكون مدلله
بس مووووووووصحيح انت شفتي الظاهر والخافي محد يعرفه غير رب العالمين
وريلج الله يهون عليج

 

[أوراد التميمي]

الله يفرج همج ويشرح صدرج يارب

 

[هنـــــد]

رد : ماقدر اقول الا الله يسامح امي؟




الله يشرح صدرج ويعينج
ويسخره لج

 

[حرمه المصون]

الله يهدي زوجج وامج

 

[franshiska]

رد : ماقدر اقول الا الله يسامح امي؟

الله يشرح صدرج
ويسر أمرج
ويسخرلج ريلج كما سخر البحر لموسى
حبيبتي هذا اللي فيج وساوس شيطان لا تخلينها تأثر عليج
وهذا اللي رفضتوه ترى ما تدرين عن وضعه مع زوجته في حريم تلاقينهم زقطه بلقطه وتلاقينها برا البيت بقمه حلاتها وسنعها وسعادتها وداخل البيت تكره حياتها والساعه اللي تزوجت فيها والبيوت أسرار وكلمت لو من الشيطان لا تخلينها تأثر عليج
ودايما اقري سورة الشرح يعل ربي يشرح صدرج
وعسى ان تكرهوا شيئا وهو خير لكم ما تدرين وين الصالح
وما تدرين يمكن باجر الله يبدل الحال لي حال
والله سبحانه ماكو شي بعيد عليه
وكافي وعده لنا ان مع العسر يسرا ان مع العسر يسرا
كررها مرتين ورا بعض
واي شي يصيبج يرفع درجه حتى الهم
وهذا ابتلاء من الله والله بيرفعج فيه درجات لكن كوني صابره حبيبتي واحتسبي الاجر
وباجر الله بيعوضج خير

 

[المستغفرة 74]

رد : ماقدر اقول الا الله يسامح امي؟

حبيبتي هذا حظج ونصيبج واكيد امك كانت تبيلج الزين .

 

[كراميلا مرة]

الله يهديه
بس انتي بعد لا تقارنين بينه وبين اللي خطبك قبل وبعدين انتي شدراك انه زوجته مرتاحه هذي انتي قلتيها انك موب مرتاحه بس مانبينين لاحد
يمكن اهي نفس الشيء وخلاص ذاك الشيء انتهى واهو موب نصيبك
وربي يفرج عنك ويهدي زوجك

 

[أمـونة]

رد : ماقدر اقول الا الله يسامح امي؟

الله يشرح لج صدرج ويهدي لج ريلج وامج

 

[عيون القرناس]

رد : ماقدر اقول الا الله يسامح امي؟

الله يفرج همك ويشرح صدرك وهذا نصيبك سواء عجبك ولا لا ولا تخلين لشيطان مجال يلعب فيك استغفري ربك ووكلي امرك له

 

[صعب أسامح]

رد : ماقدر اقول الا الله يسامح امي؟

الله يهديهم ومشي حياتج هذي الدنيا ارزاق ولو بنوقف علي اللي فاتنا مراح نتقدم وبنموت من الهم!!!!!!!

 

[روحي تحبه غصب]

ارضي بحياتج ولا تقارنين بين حياتج وحياة المره الثانيه

كلنا عايشين قسمتنا ونصيبنا وهذا المقدر والمكتوب لنا فلا تعترضين واحمدي ربج واشكريه

وامج يمكن لها اسبابها ومافي ام تكره اعيالها مهما تشوف منهم بس الله يعينا على انفسنا

وريلج لاتعلمينه عن الفلوس اللي عندج عشان مايخذهم منج وغيري تعاملج معاه وحبيه وعشان يحبج
يمكن انتي محسسته بالنفور وانج مغصوبه عليه عشان جذيه اهوا قاسي في تعامله معاج

وقربي ولدج منه عشان يلين قلبه عليكم وحملي مره ثانيه عشان تتغير حياتكم ان شاء الله

ومو شرط تنفسين عند امج قعدي في بيتج

الله يصلج حالكم ويهديكم لبعض

 

[Mazyoona]

هدي نفسج و لا تقارنين
هذا نصيبج

 

[BiiShOoO]

الله يهديه

اذكري الله و استغفري

 

[بولندية]

الله يفرج همج ان شاءالله وادعي ربج دايما ان يسخره لج

 

[قوية الباس]

رد : ماقدر اقول الا الله يسامح امي؟

الله يشرح صدرج ويفتح علبج ويهون عليج

انتي بدال ماتصلحين زوجج قاعده تقارنين بينه وببن الثاني لمن تمكن منج الشيطان وخلاج تيأسيين وهذا غلط

دوام الحال من المحال شوفي حواليج حريم كانو معزرين فيهم رياييلهم وحتى الطق تنطق والحين ريلها يحلف براسها

ورياييل مدلعين حريمهم وسفرات وهدايا وشوفيهم الحين يامطلقات يامتزوجين عليهم

الشغله مو تعميم بس الايمان بالله وحسن الظن فيه ان حياتج بتتغير للاحسن مع الدعاء والاستغفار

وغيري طريقتج معاه وحبيه صج

 

[ba6bo6a1]

عسى الله يفرج همج .. و بالنسبة للشخص الاول ماكان من نصيبج تاكدي من هالشي لان لو الله كاتبه لج لو العايلة كلها ترفض هم كنتي راح تاخذينه و عسى ان تكرهوا شيئا و هو خير لكم و عسى ان تحبوا شيئا وهو شر لكم ... اختي البيوت اسرار و ياما ناس ظاهرهم سعداء و متهنين بس داخل بيوتهم شي ثاني ... عموما الكابة اللي حسيتي فيها هذي بسبب الهرمونات كلنا حاشتنا ماله شغل ريلج او امج فيها بالنسبة ان اخذ فلوسج خليج حازمة بموضوع الفلوس و لا تعطينه واذا انتي موظفة خلي لج توفير للزمن و بالنسبة لامج الله يخليها لج وايد امهات ما يعرفون ينفسون بناتهم عادي لا تضايقين الحين ماكو بنت ماتعرف تشتري الادوية و كل شي موجود بالنت سالي صديقاتج او اللي حواليج اللي ولدوا شنو خذوا و هني المنتدى متروس ..... هونيها وتهون شوفي حواليج الدنيا متروسة بلاوي حمدي ربج عالولد و الخلقة الصحيحة حطي همج فيه و بتربيته ركزي عليه لاتخلين حياتج وقف على ريلج ولدج له حق عليج و لازم تراعينه لان صدقيني كابتج و حزنج مع الوقت بينتقلون له حرام هو ماله ذنب ... ادري طولت اعذريني و عسى الله يسخر لج ريلج و امج